Скопје
Трамп поднесе жалба против пресудата за сексуално малтретирање
Поранешниот американски претседател Доналд Трамп потврди дека поднел жалба против одлуката на поротата на федералниот суд на Менхетн, која во вторникот го прогласи за одговорен за сексуално малтретирање и клеветење на новинарката и колумнистка на списанието „Ел“, И. Џин Керол, и ѝ досуди пет милиони долари отштета.
Во 90-тите Доналд Трамп сексуално ја малтретирал новинарката И. Џин Керол, а потоа ја клеветел нарекувајќи ја лажга, одлучи поротата, со што ѝ се нанесе удар на кампањата на Трамп за претседателска номинација на Демократската партија.
За време на граѓанскиот судски процес, Керол (79) сведочеше дека Трамп (76) ја силувал во стоковната куќа „Бергдорф Гудман“ на Менхетн во 1995 или 1996 година, а потоа ѝ нанел штета на нејзината репутација објавувајќи ја неговата верзија за тие сексуални престапи, која, според неа, е „целосна измама и лага“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Ѓорѓиевски: Завршена e првата траса од фекалната канализација во Стаклара-Каменик
Градоначалникот на Општина Кисела Вода, Орце Ѓорѓиевски, денес ја посети населбата Стаклара-Каменик, каде се заврши првата од двете предвидени траси од изградбата на фекалната канализација. Се работи за многу значаен проект кој се реализира преку финансиско партнерство на Општина Кисела Вода со општествено одговорните компании и ќе овозможи конечно септичките јами во Стаклара да заминат во историјата. На пролет започнува и изградбата на водоводната мрежа, за што средствата се обезбедени преку Министерството за животна средина.
-Со огромно задоволство денес сме во населбата Стаклара-Каменик, каде ја завршивме првата од предвидените две траси од фекалната канализација, во должина од 3600 метри. Овој значаен проект, финансиран преку финансиско партнерство на Општина Кисела Вода со општествено одговорните компании од овој дел на општината, претставува историски чекор за оваа населба.
Преку 500 семејства и голем број бизнис субјекти, кои со децении живееја во услови недостојни за 21 век, конечно добиваат основна инфраструктура која ќе им овозможи квалитетен живот и нормално делување. Поставувањето на фекалната канализација значи крај на долгогодишната употреба на септички јами, што беше не само хигиенски и еколошки проблем, туку и голема пречка за развој на овој дел од нашата општина.
Посебно сум горд што успеавме да ги вратиме надежта и вербата на жителите на Стаклара-Каменик, кои педесет години наназад беа заборавени од сите претходни раководства. Овој проект продолжува – наскоро ќе започне изградбата на втората траса од фекалната канализација во должина од 1200 метри. Воедно, очекуваме да заврши и тендерската постапка која ја спроведува Министерството за животна средина, кое пак ги обезбеди финансиските средства за изградба на водоводот. Изградбата на водоводната мрежа очекуваме да започне на крајот од март или почетокот на април.
По завршувањето на овие подземни инфраструктурни зафати, ќе следува асфалтирање на улиците, со што ќе се постигне не само целосна функционалност туку и современ естетски изглед на оваа населба.
Искрено се заблагодарувам на сите кои зедоа учество во овој проект – на жителите, на компаниите, на Министерството за животна средина и на тимот на Општина Кисела Вода. Заедно покажавме дека со упорност и посветеност може да се надминат децениските проблеми и да се создадат услови достојни за живот и работа.
Стаклара-Каменик веќе не е заборавена населба – туку место кое ќе продолжи да се развива, со целосна поддршка од општината- изјави градоначалникот Орце Ѓорѓиевски.
Скопје
Герасимовски: Донесовме препораки за забрана за користење мобилни телефони за време на настава
Градоначалникот Горан Герасимовски информира дека Општина Центар донесе низа препораки кои основните општински училишта имаат прифатено да ги спроведуваат со цел зголемување на безбедноста на учениците и подобрување на образовниот процес во центарските училишта.
„Сите основни училишта на територија на општината прифатија да се забрани користење на мобилните телефони од почеток до крај на наставата, а носењето на втор мобилен телефон да биде одземен и вратен на родителот. Со оглед на случувањата во последниот период кои резултираат со повреди на самите ученици, односно имитирање на апликации како Tik Tok и други, да се подигне безбедноста во училиштето на повисоко ниво“, вели Герасимовски.
Овие насоки се донесени врз основа на препораките на Организацијата на Обединетите нации за образование, наука и култура (УНЕСКО), кои во јули 2023 година укажаа на негативните ефекти од употребата на паметни телефони врз процесот на учење.
Препораките за забрана на користење на мобилните телефони се прифатени и во образовниот процес во дел од европските земји. Истражувањата на кои се повикува УНЕСКО покажуваат дека мобилните телефони го одвлекуваат вниманието на учениците и имаат особено негативно влијание врз децата кои имаат потешкотии во учењето. Дополнително, децата повеќе разговараат меѓусебно и се дружат, што ја поттикнува социјалната интеракција.
„Општина Центар ќе продолжи да работи на подобрување на условите за едукација и воспитување на младите, обезбедувајќи балансирано и здраво опкружување за нивниот развој“, посочи Герасимовски.
Скопје
Подигнати 𝟦𝟧 кубни метри отпад од картонски пакувања во општините Кисела Вода, Центар и Чаир
Екипите на ЈП Комунална хигиена-Скопје во текот на вчерашниот ден подигнаа и транспортираа 45 кубни метри непрописно одложен отпад од картонски пакувања во скопските општини Кисела Вода, Центар и Чаир, изветси Комунална хигиена-Скопје.
Во општината Кисела Вода е интервенирано на улиците Фредерик Шопен, Димо Хаџи Димов и Томе Арсовски, каде што се подигнати вкупно 20 кубни метри отпад од картонски пакувања одложени на јавни површини.
Во општината Чаир се отстранети 10 кубни метри непрописно одложен отпад на улицата Цветан Димов, додека во општината Центар е интервенирано на неколку локации долж булеварот Партизански одреди, каде што се расчистени вкупно 15 кубни метри картонски отпад одложен на тревни и сообраќајни површини, соопшти Комунална хигиена-Скопје.