Скопје
Ден без автомобили во Скопје

Скопје го одбележува Денот без автомобили и Европската недела на мобилноста.
По тој повод организирана е парада која почнува во 12 часот на плоштадот „Пела“ и ќе се движи низ центарот на градот, плоштад „Македонија“, ул. „Македонија“, бул. „Димитрија Чупоски“, бул. „ВМРО“, бул. „Илинден“ до Градски Парк кај Школка.
Во 12:25 часот, на Школка во Градскиот парк во Скопје, заменик министерот за животна средина, Стево Темелковски, секретарот на Град Скопје, Гордана Клинчарова и евроамбасадорот во Македонија, Аиво Орав ќе имаат кратки обраќања.
Настанот е во организација на Министерството за животна средина и просторно планирање, Градот Скопје и Канцеларијата на Европската делегација во Македонија и ќе претставува завршница на велосипедската парада насловена и во цела Европа препознатлива како ‘Во град без мојот автомобил’.
По обраќањата ќе следува извлекување на добитниците на лотаријата, на кои ќе им бидат доделени велосипеди како симбол на користење на алтернативни превозни средства./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Улиците во Карпош вечерва во тотален мрак

Општина Карпош во моментов е без улично осветлување поради пад на системот.
Од Општината информираа дека во моментот се работи на отстранување на проблемот и повторно подигнување на системот.
Се очекува осветлувањето да биде нормализирано во најбрзо време.
Македонија
Општина Аеродром доделува 3.500 денари за првачињата

Општина Аеродром и оваа година ќе доделува еднократна парична помош за семејствата чие дете е прваче во едно од основните училишта на територијата на општината во висина од 3.500 денари. Рокот за пријавување е од денеска, 2 јули до 30 септември 2025 година.
Потребно е до архивата на Општината да се поднесат потврда за запишан ученик во прво одделение во учебната 2025/2026 година заверена од основно училиште од територијата на Општина Аеродром или основно училиште со ресурсен центар, фотокопија од извод од матичната книга на родените за првачето, како и на увид лична карта или патна исправа на барателот.
Образецот и изјавата за согласност за обработка на лични податоци што треба да се пополнат можат да се најдат на следниот линк:
http://aerodrom.gov.mk/dokumenti/formulari
Македонија
Делови од Гази Баба и Кисела Вода денеска без струја

Регионалниот центар за управување со кризи на Град Скопје, по добиеното известување од ЕВН Македонија АД, информира дека дека поради технички зафати во електродистрибутивната мрежа денеска без електрична енергија ќе останат:
· од 08:30 до 09:30 часот, корисниците од село Инџиково од улиците: 3, 7, 14, дел од ул. 10 и дел од ул. Маџари. (Општина Гази Баба)
· од 08:30 до 15:30 часот, корисниците од дел од ул. Студеничанска и дел од ул. Драчевска. (Општина Кисела Вода)
· од 09:30 до 13:30 часот, корисниците од ул. Добре Ивановски, и дел од ул. 22 во нас. Инџиково. (Општина Гази Баба)