По повод 23-ти октомври, Денот на македонската револуционерна борба, и во пресрет на 3 -ти ноември Денот на општина Гази Баба, општината заедно со град Скопје и атлетското здружение „23-ти Октомври“, во парк шумата Гази Баба организираше атлетска трка.

Трката беше во поделена на два дела, рекреативна трка на 5 км и полумаратонска трка на 21км.

Овој спортски настан е со цел да се промовира парк шумата Гази Баба како идеална локација за разни спортски активности и рекреација , како и граѓаните повеќе да се запознаат со нејзините предности и убавини.

Во рекреативната трка на 5 км медали и подароци од спонзорите добија: во машка категорија: прво место, Пепи Анакиев, второ место, Дарко Поп Ацев, трето место, Игор Стојановски, додека пак победници во женска категорија се: прво место Минов Сузана, второ место Еми Мек Колдерк, трето место Моника Самарџиоска.

Во полумаратонската трка на 21км , медали,подароци од спонзорите и парични награди во машка категорија добија : прво место, Кокан Ајановски- 4000 денари, второ место, Дарио Ивановски-3000 денари, трето место, Игор Јакимовски- 2000 денари, додека пак победници во женска категорија се: прво место Росица Костова- 4000 денари, второ место Благица Јованова- 3000 денари, трето место Андријана Поп Арсова- 2000 денари.

Градоначалникот на општина Гази Баба Тони Трајковски и градоначалникот на град Скопје Коце Трајановски присуствуваа на настанот и на победниците им ги врачија наградите и им честитаа за успехот ./крај/мф