Скопје
Булеварот „АСНОМ“ се продолжува кон Горно Лисиче

Почетокот на градежните работи за продолжување на булеварот „АСНОМ“ кон Горно Лисиче беше официјално означен во петокот.
Станува збор за продолжување на булеварот од ФФМ до улицата Тодор Чангов во должина од 430 метри, каде ќе се изградат 4 сообраќајни ленти и нова раскрсница.
Продолжувањето на овој булевар е еден вид заокружување на инфраструктурата за новата населба покрај Вардар со нови 25 згради. Со тоа значително ќе се подобрат условите за сообраќај, но и безбедноста во овој дел од општината, во кој изминатиов период беше изградена комплетната сервисна инфраструктура во вредност од 120 милиони денари.
На оваа локација изградивме околу 2 километри фекална и атмосферска канализација, водоводна мрежа во должина од 1,5 километар, асфалтиравме сервисни улици на површина од околу 20.000 квадратни метри и поставивме тротоари на површина од над 5.000 квадратни метри, како и 1.000 нови паркинг-места. При тоа, на целата површина поставивме јавно осветлување со 74 сијалични места.
На настанот, меѓу другите гости, присуствуваа и Градоначалниците на Град Скопје и на Општина Аеродром, Коце Трајановски и Ивица Коневски, како и лидерот на ВМРО-ДПМНЕ, Никола Груевски. /крај/мф/ап/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Минатата недела санкционирани 110 непрописно паркирани возила на територијата на општина Центар

ЈП Паркинзи на Општина Центар во соработка со Сообраќајната полиција-Скопје во периодот од 07.07. до 13.07.2025 година, со помош на специјалните возила „Пајак“ отстранија 110 непрописно паркирани возила кои го попречувале нормалното и безбедно одвивање на сообраќајот, извести ПОЦ.
„ЈП ПОЦ и Општина Центар континуирано ќе ја спроведуваат оваа мерка и апелираат до граѓаните да ги почитуваат правилата и прописите и да ги оставаат своите возила само на пропишаните места за да им се овозможи на пешаците и велосипедистите нормално движење по тротоарите и велосипедските патеки, а на возилата безбедно движење по улиците“, соопшти ПОЦ.
Македонија
Герасимовски: Пријави се до 20 јули и биди практикант во Општина Центар

Градоначалникот Горан Герасимовски информира дека во тек е вториот јавен повик за практикантска работа во Општина Центар. На овој повик, можат да се пријават студенти и апсолвенти од Градежниот и Архитектонскиот факултет, кадешто во текот на следните шест месеци практикантите ќе добиваат месечен надоместок од 15.000 денари.
„Ги повикувам сите студенти од овие факултети кои се заинтересирани да се пријават, ајде заеднички да работиме на наш поубав Центар. Ова е одлична можност за студентите, покрај теоретското знаење кое го стекнуваат на факултет, тие ќе се стекнат и со практична работа која може да биде шанса за ново вработување”, вели Герасимовски.
Јавниот повик ќе биде отворен до 20 јули, новите практиканти ќе почнат со работа на 1 август. Од првиот повик, четворица практиканти се веќе почнати и секојдневно во секторите на општината ја извршуваат својата практикантска работа.
Заинтересираните кандидати треба да достават барање за практикантство, доказ дека се студент или апсолвент, копија од лична карта, број на трансакциска сметка и кратка биографија.
Документите се поднесуваат во архивата на Општина Центар, барака број 6, секој работен ден од 09:00 до 15:00 часот.
За дополнителни информации, јавете се на телефонските броеви : 02/3203-600 и 02/3203-655, на е-мејл адреса: [email protected],
или на веб страница на Општина Центар.
Македонија
Делови од општините Студеничани, Шуто Оризари и Карпош без струја

Од ЕВН Македонија АД известуваат дека денеска без електрична енергија ќе останат:
– во периодот од 08.30 до 15.00 часот, корисниците од селата Патишка река, Елово, Црн Врв, Малчиште, викендици Држилово, Краст Јаболце, ХПП Патишка Река, општина Студеничани;
– во периодот од 09.00 до 12.00 часот, дел од корисниците од улицата Метохиска, општина Шуто Оризари;
– во периодот од 09.00 до 14.00 часот, дел од корисниците од село Бардовци и кај викенд населбата, општина Карпош.