Скопје
Дефект е причината што неколку згради во Центар се без парно
Поради дефект на секундарната дистрибутивна топлинска мрежа, кај објектот на Клиниката по хируршки болести „Свети Наум Охридски“, попозната како „Стара Градска болница), неколку згради во центарот на Скопје времено не се во можност да добијат толинска енергија, инфромираа во неделата од операторот БЕГ.
Дефектот во мрежата предизвика прекин на греењето во болницата „Cвети Наум Охридски“, во зградите на Сојузот на синдикатите и Работничкиот универзитет „Кочо Рацин“, како и во зградите на булевар „11 Октомври“ со броеви: 19, 21 и 23 и на булевар „Кочо Рацин“ со броеви: 8, 10, 14, 18, 20 и 28.
Дежурните екипи на БЕГ-Дистубуција се на терен и интензивно работат на санирање на дефектот. Поради големината на дефектот, во овој момент, невозможно е да се даде прецизна проценка кога тој ќе биде отстранет, но екипите прават напори редовното снабдување со топлина во овој дел од градот да биде воспоставено во текот на денешниот ден./крај/мф/
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Дел од општините Гази Баба и Сарај денеска без струја
Поради планирани зафати во електро дистрибутивната мрежа, денеска без напојување со електрична енергија ќе останат делови од општините Гази Баба и Сарај.
– Во период од 08:30 – 09:300 часот, струја ќе немаат корисниците на улица Лазар Поптрајков зграда бр. 25 во општина Гази Баба.
– Во период од 08:30 – 13:30 часот, корисниците на дел од село Кондово во општина Сарај ќе останат без електрична енергија.
Скопје
Нова спортска сала во Ѓорче Петров
Започна изградбата на училишната спортска сала во подрачното училиште „Димитар Поп Георгиев – Беровски“-Хром. На вкупна површина од 476 м², со димензии 27,40 x 15,6 метри и максимална височина до 12,4 метри, денеска стартуваше со изградба училишната спортска сала во подрачното училиште во Хром „Димитар Поп Георгиев – Беровски“.
Почетокот на изградбата на салата го означија градоначалникот на Општина Ѓорче Петров, Александар Стојкоски, претседателот на Владата Христијан Мицкоски и министерот за образование и наука Весна Јаневска.
-Десет години по изградбата на училиштето, оваа локална власт конечно изнајде решение за долгогодишниот проблем на родителите и децата од Хром кои немаа соодветни услови за спортско образование. Оваа пространа сала ќе понуди соодветни услови за различни спортски активности. Изградбата ќе се спроведе со користење на енергетски ефикасни и еколошки материјали, што ја прави оваа сала не само функционална, туку и одржлива на долг рок, изјави Стојкоски.
Инвеститор на проектот е Општина Ѓорче Петров со вкупна инвестиција од 20.000.000,00 денари.
Предвидена е изградба и на паркинг-простор со 30 места за вработените и посетителите. Новата пешачка патека која исто така е во план за изградба ќе обезбеди лесен и безбеден пристап до училиштето и училишниот двор.
-Денеска е важен ден за учениците од Хром. Нашите заложби зa квалитетно образование остануваат наш приоритет. Сите училишта од Ѓорче Петров во текот на следната година ќе бидат опфатени со реконструтивни зафати, што значи решавање на децениски недостиг со капацитети за настава. Продолжуваме активно да работиме на подобрување на условите за настава, но и за физичко образование, рекреација и спортски активности, додаде Стојкоски.
Скопје
Пуштени во употреба новото детско и кошаркарско игралиште во Бучинци
Општина Илинден со засилено темпо работи на изградба и реконструкција на спортските терени во повеќе населени места. Деновиве беше пуштено во употреба новото детско и кошаркарско игралиште во населено место Бучинци. Во рамки на детското игралиште поставени детски реквизити, лулашка, лизгалка, клацкалка, клупи, канти за отпадоци за почиста и поубава средина, партерно уреден простор со павер елементи.
Дополнително во рамки на детското игралиште изградено е кошаркарско игралиште со бетонска подлога, кош и партерно уреден простор.
Градоначалникот на Општина Илинден, Александар Георгиевски, истакна дека децата и младите од Бучинци добија ново катче каде можат да го поминуваат слоборното време во игра, забава и спортски дух.
Новото детско и кошаркарско игралиште претставува континуитет на успешните проекти на општина Илинден, нов уреден простор за рекреација и забава на најмладите во општината. Во наредниот период ќе бидат изградени нови и реконструирани постојните игралишта и во останатите населени места, велат од општината.