Скопје
Денови на шведска храна во ресторанот Дистрикт

Со желба да ја запознае македонската јавност со карактеристичната шведска кујна, Амбасадата на Шведска организира Денови на шведска храна во ресторанот Дистрикт.
Менито кое ќе се служи е изготвено од шведскиот мастер шеф Магнус Албректсон, кој меѓу другото е еден од ретките готвачи кои ја имаат подготвувано храната за свечената вечера по повод доделувањата на Нобеловата награда која секоја година ја организира шведското кралско семејство.Швеѓаните се секогаш гладни за нови идеи и честопати знаат да земат традиционални состојки и да создадат нов рецепт. На таков начин, шведската кујна успеала да се трансформира себеси без да изгуби допир со традицијата.И навистина, шведската кујна во последно време се повеќе ги освојува европските трпези, а што се огледа во се попознатите и често посетувани врвни шведски ресторани и во Шведска и надвор од неа. А тука се и успесите на шведските готвачи на светски реномираните напревари како што се Кулинарската олимпијада и престижниот Bocuse d’Or.Во периодот од 9 па се до 19 јуни прошетајте на плоштадот „Македонија“ и пробајте го шведското мени во ресторанот Дистрикт и очекувајте подарок – боршура која ќе ви ги открие тајните на шведската гастрономија. Можете и да си резервирате маса за вас и вашите најблиски и пријатели на тел. 02 5102 535.Настанот „Недела на шведска храна“ е поддржан од шведско-македонската компанија Сивус и Мариот хотел Скопје./крај/со/бб
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Дел од Центар денеска без вода

Регионалниот центар за управување со кризи на Град Скопје, по добиеното известување од ЈП Водовод и канализација, информира дека денеска поради изведување на водоводен приклучок на водоводна мрежа со пречник од Ф-80 мм на улицата Црвена вода бр. 24, општина Центар, прекинато водоснабдување ќе имаат корисниците од истата улица.
Водоснабдувањето ќе биде прекинато од 09:30 часот до завршување на работните активности.
Македонија
Дел од Центар, Чучер Сандево и од Зелениково без струја

Регионалниот центар за управување со кризи на Град Скопје, по добиеното известување од ЕВН, информира дека, поради технички зафати во електродистрибутивната мрежа денеска, без електрична енергија ќе останат:
· од 06:00 – 09:00 часот, корисниците од улицата Борка Талевски, општина Центар;
· од 09:00 – 15:00 часот, корисниците од селата: Горно Оризари и Голиево, вклучувајќи го и каменоломот на АД Гранит во село Бразда, општина Чучер Сандево;
· од 10:00 – 13:00 часот, корисниците од дел од село Страхојадица, општина Зелениково.
Македонија
„Знае ли општинската инспекција за масовното уништување на животната средина во Аеродром“, прашува СДСМ

„Застрашувачки се информациите за масовното уништување на животната средина на територија на Општина Аеродром, откриен од инспекцијата на Град Скопје. Додека општинските инспектори за заштита на животната средина спијат, градоначалничката од ВМРО-ДПМНЕ Данела Арсовка како во некое нискобуиџетно реално шоу објавува снимки од нелегална сепарација за ископ на песок кај мостот на Вардар во Долно Лисиче“, велат од СДСМ.
„Општинската инспекција повеќе работи на личниот пи-ар и дигитален маркетинг на Дејан Митески, отколку на заштитата на животната средина.
Општината е во целосен распад, диви депонии на секој чекор, неискосени тревници, распадната урбана опрема и преполни контејнери и корпи за отпад се дел од секојдневието на жителите на Аеродром, како никогаш до сега. Енормно загадување на воздухот во зимскиот период. И сега дополнително загрозен водниот тек на реката Вардар и целиот негов екосистем.
Дејан Митески на сограѓаните од Аеродром им должи одговори: Работи ли нешто општинскиот инспектор за заштита на животната средина?
Дали Општина Аеродром има било каква информација или пријава дека на својата територија има сепарација за ископ на песок која работи без потребните лиценци, елаборати и дозволи? Доколку има дали тоа е проследено до Државниот инспекторат и инспекцијата на Град Скопје и зошто за тоа благовремено не е информирана јавноста?
Кога последен пат општинскиот инспектор за животна средина го посетил Долно Лисиче? Дали во последните 4 години општинскиот инспектор за заштита на животната средина има констатирано било какви прекршувања на законите за животна средина на територија на Аеродром?
Зошто раководителката на општинската администрација во работно време поминува повеќе време на расправање со граѓаните на Фејсбук отколку на терен? Ова ли е скандинавското управување со општините за кое говореше Мицкоски?
За катастрофите во Аеродром време е некој да понесе одговорност. Време е Митески и ВМРО-ДПМНЕ да заминат во опозиција“, се наведува во соопштението на СДСМ.