Скопје
Есенва Скопје добива современа резиденција за возрасни лица

На есен се очекува отворање на нова современа според сите ЕУ стандарди изградена резиденција за возрасни лица, која ќе го носи името Резиденција Дабески.
Скопје и Македонија по подолг временски период добиваат нов холистички центар чија основна дејност е вдомување на возрасни лица со целосна грижа за живот и делување.
„Основна цел на резиденција Дабески ќе биде грижа и разубавување на пензионерските денови на возрасните лица. Резиденцијата е замислено да работи на еден поинаков начин од останатите институции од ваков вид и затоа за нашите станари подготвуваме богата културно – социолошка програма. Центарот ќе биде целосно опремен според сите стандарди кои се потребни за удобен и здрав живот”, вели Даниела Дабеска, сопственик на резиденција Дабески.
Станарите во оваа резиденција ќе уживаат во секојдневната богата програма за рекреација, а на располагање 24 часа ќе го имаат и стручниот и професионален тим на Дабески.
Резиденцијата Дабески која е во завршна фаза од својата изградба е лоцирана на 200 м од општинската зграда во општина Сопиште, a на само 8 км од Плоштад Македонија. Целиот објект е опкружен со прекрасна природа која на жителите на Дабески дополнително ќе им ги разубави пензионерските денови. /крај/со/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Без струја денеска дел од Карпош

Од ЕВН Македонија АД известуваат дека денеска без електрична енергија ќе останат:
– во периодот од 09.00 до 11.00 часот, дел од корисниците на ул.Осло (општина Карпош)
– во периодот од 11.00 до 14.00 часот, дел од корисниците на ул.Петар Драганов и Софиска (општина Карпош)
– во периодот од 12.30 до 14.30 часот, дел од корисниците на ул.Бањалучка спроти бр.20 и ул.Будимпештанска бр.35Б (општина Карпош)
Македонија
Герасимовски: Семејствата и блиските на повредените можат бесплатно да се сместат во скопските хотели

Градоначалникот на Општина Центар Горан Герасимовски информира дека семејствата и блиските на настраданите и повредените кои се хоспитализирани во скопските здравствени установи можат бесплатно да се сместат и да одморат во хотелите на територија на градот Скопје.
„Семејствата и блиските на настраданите и повредените кои се хоспитализирани во скопските здравствени установи можат бесплатно да се сместат и да одморат во хотелите на територија на градот Скопје. Ја поздравувам иницијативата што ја реализираат скопските хотели за бесплатно сместување. Во овие тешки моменти најважни се солидарноста и поддршката од сите, да им помогнеме на нивните родители, фамилии, пријатели колку што можеме повеќе! Граѓаните можат да се јават на телефонскиот број 073 821 120”, истакнува Герасимовски.
Скопје
Дел од Студеничани без вода

Од ЈП Водовод и Канализација известуваат дека поради дефект на затварач од ф – 200 мм на ул. 7 б.б во село Батинци, во периодот од 08.30 часот па се до отстранување на дефектот без вода ќе останат корисниците од селата Батинци и Љубош. ( општина Студеничани )