Скопје
Ќе се уредува третиот дел на парк „Македонија“

Третиот дел од паркот „Македонија“, кој се простира на територија на Општина Карпош, почна од понеделникот да се уредува, со што Скопје ќе добие уште еден парк на површина од 10.000 метри квадратни.
Третиот дел од паркот „Македонија“, кој се простира на територија на Општина Карпош, почна од понеделникот да се уредува, со што Скопје ќе добие уште еден парк на површина од 10.000 метри квадратни.
Како што соопшти градоначалникот на Град Скопје, Коце Трајановски, на таа површина ќе останат сите постојни дрвја, а ќе се засадат нови 61 дрво.„Град Скопје заедно со Општина Карпош ќе го уредуваат третиот дел на паркот ‘Македонија’, покрај булеварот ‘Митрополит Теодосиј Гологанов’. Градот Скопје ќе уредува зелена површина од околу 6.000 квадратни метри, на којашто ќе постави систем за наводнување. При уредувањето на овој парк нема да биде исечено ниту едно дрво од веќе постојните, а дополнително ќе бидат засади уште 61 садница. За реализација на овој проект од буџетот на градот се издвоени околу четири милиони денари. Сакам да истакнам дека Градот Скопје има успешна соработка со Општина Карпош и на други проекти, како што е поставувањето на фекалната и атмосферската канализација во Злокуќани и во Нерези“, рече градоначалникот Трајановски.Градоначалникот на Општина Карпош, Стевчо Јакимовски, истакна дека третиот дел на паркот „Македонија“ ќе биде на површина од околу 10.000 квадратни метри, од кој Општина Крпош ќе уредува партерно околу 4.000 квадратни метри, за кој од буџетот имаат издвоено околу 20 милиони денари. Тој потенцираше и дека досега со Градот Скопје успешно соработувале на повеќе проекти. На уредувањето на новата зелена површина ќе работат екипите на Јавното претпријатие „Паркови и зеленило“./крај/мф/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Без струја делови од Кисела Вода

Од ЕВН Македонија АД известуваат дека денеска без електрична енергија ќе останат:
– во периодот од 09.00 до 12.00 часот, дел од корисниците од ул. 1523, објектите на фирмите Пастор, Орнамакс и други во нивна близина, корисниците од бул. Борис Трајковски од бр. 77 до бр. 85, како и корисниците лоцирани помеѓу објектите на фирмите Циле Инжињеринг и Интеграф. (општина Кисела Вода)
Македонија
Дел од Центар денеска без вода

Од ЈП Водовод и Канализација известуваат дека денеска поради изведување на водоводен приклучок Ф 80мм. на Јосиф Јосифовски-Свештарот 34 со прекинато водоснабдување ќе бидат корисниците од улицата Јосиф Јосифовски-Свештарот, дел од населбата Пролет, П.С.Пролет и Амбулантата на МВР.
Водоснабдувањето ќе биде прекинато од 09:00 часот до завршување на работните активности.
Македонија
Без струја денеска делови од Центар, Гази Баба, Бутел и Ѓорче Петров

Од ЕВН Македонија АД известуваат дека денеска без електрична енергија ќе останат:
– во периодот од 08.00 до 13.00 часот, корисниците од ул. Питу Гули од бр. 4 до бр. 20. (општина Центар)
– во периодот од 08.00 до 14.00 часот, корисниците од село Стајковци. (општина Гази Баба)
– во периодот од 09.00 до 11.00 часот, дел од корисниците од ул. Рокомија. (општина Бутел)
– во периодот од 09.00 до 13.00 часот, дел од корисниците од улиците Ибе Паликуќа и Воин Драшковиќ. (општина Ѓорче Петров)