Класичен пример за расипничко трошење на градскиот татко Коце Трајановски, според СДСМ е набавката на ново возило на електричен погон кое чини 30.000 евра, а од Градот објаснуваат дека од него има повеќе придобивки.
 

 Класичен пример за расипничко трошење на градскиот татко Коце Трајановски, според СДСМ е набавката на ново возило на електричен погон кое чини 30.000 евра, а од Градот објаснуваат дека од него има повеќе придобивки.

„Советничката група на СДСМ и коалицијата остро се спротивстави на ваквата одлука. Сметаме дека парите во вредност од 30.000 евра можеа да се искористат за набавка на уште едно дополнително специјално возило за лицата со посебни потреби или ново амбулантно возило за потребите на здравствениот систем. Скопје заслужува многу повеќе и многу подобро“, рече Драги Давчевски, советник во Советот на Град Скопје.Од Град Скопје велат дека со набавката на електрично возило се намалува емисијата на штетни гасови на 0.„Електричните возила се крајно економични и 100 километри се поминуваат за околу 40 денари, со што самото возило ќе има економска исплатливост за неколку години. Дополнително, овие возила се исклучително тивки и придонесуваат за намалување на бучавата во урбаните средини. Во изминатиов период Градот Скопје го постави и првиот полнач за вакви возила во катната гаража „Македонска фаланга” кој е ставен на располагање за бесплатно користење на сопствениците на ваквите возила, со што дополнително ги поттикнување физичките и правните лица да набават ваков вид  возила“, реагираат од Скопје.Дополнително, сметаат дека е крајно несоодветно да се предлага со овие средства да се набави специјално возило за лица со посебни потреби, кога токму на оваа седница, пред само една точка, Советот  донесол одлука за набавка на вакво возило, кое е четтврто од ваков вид кое Град Скопје го става на располагање на оваа категорија  граѓани./крај/со/бб