Единствено стратешко решение за проблемот со загадениот воздух во Скопје е гасификација на градот, изјави во четврток потпретседателот на СДСМ Дамјан Манчевски, по одлуката на Град Скопје да субвенционира купување на печки на пелети.

„Веднаш по промената на власта, на 11 декември, ќе започнеме да работиме на гасификацијата на цело Скопје. Граѓаните на Скопје ќе добијат поевтино греење и ќе имаат шанса да се намали загадувањето на воздухот. Дополнително со мерки за субвенционирање на фотоволтаични системи, со јавен превоз на електричен погон, и со подземна сообраќајница, значително ќе влијаеме за намалување на загаденоста на воздухот“, рече Манчевски.Според него, иако ќе гласаат „за“ предлогот за доделување на субвенции за купување на печки на пелети, тоа е симболична мерка со која поволностите ќе ги искористат само 200 семејства.„Доколку Коце Трајановски искрено сакаше да им помогне на скопјани, ќе одделеше поголема сума на пари за субвенции на пелети, тоа можеше да го направи од ставките за панорамски тркала, за фасади, за барокни споменици, и за фонтани, но тој ниту сака, ниту може да им помогне на скопјани, и затоа треба веднаш да си оди, со што најмногу ќе придонесе за намалување на загаденоста во градот“, рече Манчевски. /крај/со/ст