Скопје
Меџити на форумот ’Smart City’: Чаир е најмултинационална општина

Градоначалникот на скопската општина Чаир, Изет Меџити, учествуваше во Меѓународниот форум Smart City во албанскиот пристанишен град Драч, насочен да собира и да размени идеи, знаења, кои ќе бидат претворени со визија на интелигентниот град, за еден издржлив развој, експертизите и практиките на најдобри истражувачи, јавни и стручни личности.
Градоначалникот на скопската општина Чаир, Изет Меџити, учествуваше во Меѓународниот форум Smart City во албанскиот пристанишен град Драч, насочен да собира и да размени идеи, знаења, кои ќе бидат претворени со визија на интелигентниот град, за еден издржлив развој, експертизите и практиките на најдобри истражувачи, јавни и стручни личности.
Еден од приоритетите на Форумот е да доближи една уникатна и динамична платформа за дебата создавајќи ја заеднички сите домашни и меѓународни актери од јавниот и приватниот сектор. Тоа, како што истакнаа организаторите, ќе создаде основа за ефикасна соработка и подготвеност, за да се ставаат во практика идните идеи и иновации, ставајќи во движење и начините на новата технологија, дизајнот и техниката на планирањето за развој на регионот во иднина .
Во излагањето на чаирскиот градоначалник Меџити, истакна дека општината Чаир е општина во состав на Град Скопје, каде вкупниот број на население во рамките на Општина Чаир е 64.773 жители, или 3,2 отсто од целокупниот број на жители на Република Македонија.
„Имајќи предвид дека територијата на општината е 3,52 квадратни метри, произлегува дека густината на населеност е 18.400 жители на еден квадратен километар, густина која можеби е најголема во Европа. И покрај овие инфраструктури ограничувања, општина Чаир е една од најмултинационална општина. Тука живеат различни националности, покрај етничките Албанци, има и Македонци, Турци, Роми, Бошњаци, итн“, истакна Меџити. Институтот Адриапол во соработка со универзитетот „Марин Барлети“ под посебно внимание на Советот на министри на Република Албанија, организираат во понеделникот и вторникот Прв меѓународен форум во Албанија за „Интелигентниот град“.
Форумот, во чијашто работа учествуваат и премиерот на Албанија, Еди Рама, како и неколку министри од албанската влада , Косово, Македонија и значајни уметници од Италија, Англија, Австрија и Германија во врска соодветните тематики, ќе ги почне идните иницијативи и соработка за создавање на ткн интелигентниот град. /крај/мф/мн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Скопје
Ѓорѓиевски: Финансиска помош за жртвите од семејно и родово базирано насилство

Градоначалникот на општина Кисела Вода Орце Ѓорѓиевски, информираше дека на денешната седница на совет се донела одлука за финансиска помош за жртвите од семејно и родово базирано насилство. Како што истакна, наскоро ќе биде распишан Јавен повик на кој жртвите ќе можат да се пријават, а се гарантира и целосна дискреција на истите.
-Општина Кисела Вода, ќе доделува финансиска помош на жртвите на семејно и родово базирано насилство. Борбата за спречување на секој вид на насилство е дел од нашата стратегија која во континуитет на спроведуваме. Оваа нова мерка, за која наскоро ќе биде распишан и Јавен повик, ќе гарантира целосна дискреција на жртвите кои ќе се пријават, а ќе приложат потврда дека се регистрирани како жртви на семејно насилство. Насилството е за секоја осуда, никој на овој свет не смее да биде жртва. Ова не е прва мерка која ја воведуваме во насока на надминување на ваквите или слично проблеми“, посочи тој и додаде:
„Претходно, во населбата Црниче, заедно со граѓанската организација ,,Крик” отворивме канцеларија за психолошко советување на жртвите од булинг, семејно или било каков тип на насилство. Кисела Вода не само што е потписник на Истанбулската Конвенција на Советот на Европа за спречување и борба против насилство врз жените и семејното насилство, туку и во пракса интензивно работи на имплементација на сите нејзини постулати. Заедно сме посилни. Заедно можеме да направиме промени! – рече Ѓорѓиевски.
Скопје
Герасимовски: Ново депо на пајак-службата на 2.250 квадрати со нови куќарки, видеонадзор и контролни рампи

Новото депо на пајак-службата на ЈП „Паркинзи на Општина Центар” – Скопје ќе започне со работа од 17 март на нова локација до улица и мост Беласица, под Железничката станица.
„Со новото депо значително го унапредуваме функционирањето на паркинг услугите и создадовме услови за поголема безбедност и ред во урбаната средина. Ова е уште еден чекор кон подобрување на инфраструктурата и услугите за нашите сограѓани”, изјави градоначалникот Горан Герасимовски.
Депото се простира на 2250 м² и располага со нови куќарки за вработените и опслужување на корисниците. Изведена е водоводна и електрична мрежа, а поставена е и ограда за зголемена безбедност, видео надзор и нови контролни рампи со безжично управување.
Директорот на ЈП „Паркинзи на Општина Центар“ Душко Коцевски, посочи дека од 17 март (понеделник), сите возила подигнати од пајак-службата ќе се преземаат од новата локација.
,,Со ова депо ќе се подобри капацитетот и нашата оперативна ефикасност, што ќе овозможи побрзо реагирање и поголема флексибилност во секојдневното работење, истакна Коцевски.
Македонија
Од понеделник ново депо на пајак-службата на ПОЦ

Јавното претпријатие за јавни паркиралишта „Паркинзи на Општина Центар“- Скопје ги известува граѓаните дека од 17 март ќе биде отворено новото депо на пајак-службата на претпријатието, на новата локација до улица и мост Беласица под Железничката станица.
Новото депо ќе биде посветено на поддршка на процесот на управување со паркирање, одржување и чистење на јавните површини, како и за да обезбеди поголема ефикасност во секојдневното функционирање на паркинг услугите. Се очекува оваа нова локација да донесе значителни придобивки во контекст на зголемување на безбедноста и редот во урбаната средина. Ова е дел од пошироката стратегија на Општина Центар и ЈП ПОЦ за подобрување на инфраструктурата и услугите во градот.
„Во новата локација нудиме подобри услови за лежарина на возилата и полесен и побрз пристап. Површината на депото изнесува 2250 м2 и на истата се поставени нови куќарки за вработени и опслужување на корисниците. Изведена е водоводна и електрична мрежа за потребите на депото, потоа беше заградено со ограда, поставен е видео надзор на целата локација, обележана е сообраќајна сигнализација. Поставени се нови контролни рампи кои ќе бидат контролирани безжично. Со отворањето на новото депо, го подобруваме капацитетот и оперативната ефикасност на нашето претпријатие, што ќе овозможи побрзо реагирање и поголема флексибилност во нашето секојдневно работење“, изјави Душко Коцевски, директорот на ЈП Паркинзи на Општина Центар.
Веќе од 17 март (понеделник), сите возила кои ќе бидат подигнати од службата може да се преземат од новата локација.