Скопје
Одбележување на Денот на планетата Земја

Градот Скопје и Здружението за одржлив развој и заштита на животната средина „Гоу Грин“ (Go Green) во петок од 12 до 15 часот во Градскиот парк ќе го одбележат 22 Април – Денот на планетата Земја.
На одбележувањето на овој значаен ден од еколошкиот календар, на просторот околу Школката во Градскиот парк ќе бидат поставени штандови на кои ќе се делат картички со еколошки пораки и семиња, а ќе се засадат и зимзелени садници.
Во петок, со почеток во 10 часот, министерот за животна средина и просторно планирање Башким Амети ќе присуствува на одбележувањето на Денот на планетата Земја кој со поддршка на УНДП, УСАИД, Амбасадата на Шведска, Милиеуконтакт Македонија и Факултетот за информатички науки и компјутерско инженерство ќе се одржи во дворот на основното училиште“Партениј Зографски” во Скопје (ул. Доситеј Обрадовиќ бб, Општина Кисела Вода).
На настанот ќе се засадуваат и дрвни садници што е во склад со овогодинешната тема на Светскиот Ден на Планетата Земја- Дрвја за планетата Земја којa има за цел да мобилизира акции насекаде низ светот за засадување на приближно осум милијарди дрвја до 2020 година – едно дрво за секој маж, жена и дете./крај/со/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Без струја денеска дел од Карпош

Од ЕВН Македонија АД известуваат дека денеска без електрична енергија ќе останат:
– во периодот од 09.00 до 11.00 часот, дел од корисниците на ул.Осло (општина Карпош)
– во периодот од 11.00 до 14.00 часот, дел од корисниците на ул.Петар Драганов и Софиска (општина Карпош)
– во периодот од 12.30 до 14.30 часот, дел од корисниците на ул.Бањалучка спроти бр.20 и ул.Будимпештанска бр.35Б (општина Карпош)
Македонија
Герасимовски: Семејствата и блиските на повредените можат бесплатно да се сместат во скопските хотели

Градоначалникот на Општина Центар Горан Герасимовски информира дека семејствата и блиските на настраданите и повредените кои се хоспитализирани во скопските здравствени установи можат бесплатно да се сместат и да одморат во хотелите на територија на градот Скопје.
„Семејствата и блиските на настраданите и повредените кои се хоспитализирани во скопските здравствени установи можат бесплатно да се сместат и да одморат во хотелите на територија на градот Скопје. Ја поздравувам иницијативата што ја реализираат скопските хотели за бесплатно сместување. Во овие тешки моменти најважни се солидарноста и поддршката од сите, да им помогнеме на нивните родители, фамилии, пријатели колку што можеме повеќе! Граѓаните можат да се јават на телефонскиот број 073 821 120”, истакнува Герасимовски.
Скопје
Дел од Студеничани без вода

Од ЈП Водовод и Канализација известуваат дека поради дефект на затварач од ф – 200 мм на ул. 7 б.б во село Батинци, во периодот од 08.30 часот па се до отстранување на дефектот без вода ќе останат корисниците од селата Батинци и Љубош. ( општина Студеничани )