Скопје
Отворен Пролетниот базар на домашни ракотворби
Градоначалникот на Град Скопје, Коце Трајановски, го отвори Пролетниот базар на домашни ракотворби, којшто во четврток и петок се одржува на Плоштадот „Филип Втори“.
На пролетниот базар се изложени многубројни домашни ракотворби, а ќе бидат претставени и голем број занаети.„Одржувањето на Пролетниот базар претставува убава можност да го истакнеме значењето на занаетчиството и занаетчиското производство, како фактор за економски развој и дел од нашата култура и традиција. Целта на овој настан е да се истакне значењето на занаетчиите за стопанството и значењето на средното стручно образование, практичната обука и стекнувањето вештини и компетенции, а се со цел да ги поттикнеме младите да се запишуваат во средните стручни училишта“, рече градоначалникот Коце Трајановски.Тој додаде дека со оваа манифестација се има за цел да се промовираат занаетчиските занимања кои нудат перспектива и можност за вработување, како и да се промовира и одржи традиционалното занаетчиско производство и да се поттикне размената на искуства и знаење на занаетчиите, зголемување на продажбата на занаетчиските производи и услуги и зголемување на туристичката понуда преку претставување на занаетчиството како бренд и симбол на препознатливост на Град Скопје.Во рамки на оваа традиционална манифестација ќе се промовираат изработките на накит од филигран и монистра, украси, рачни ракотворби, плетиво, изработки од камен и цртање украси на камења, изработки на производи од филц и декоративни украси и облека од филц, цртање чаши со македонски мотиви, уникатни изработки на цветни аранжмани од бонбони. На пролетниот базар денеска беше избран и најавтентичен сувенир за Скопје.Организатор на пролетниот базар е Занаетчиската комора Скопје, а покровител на манифестацијатa е Град Скопје. /крај/со/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
(Фото) Финализирана реконструкцијата на улицата Ѓорѓи Димитров
Со завршувањето на последната фаза од асфалтирањето, комплетно е финализирана реконструкцијата на улицата „Ѓорѓи Димитров“ во општина Кисела Вода.

default
„Со новото уредување се создава уреден сообраќаен пат- широк коловоз, нови тротоари, партерно уреден простор како и ново улично осветлување. Ова ќе придонесе за подобар проток, зголемена сообраќајна безбедност и многу поквалитетно секојдневие за жителите.

Реконструкцијата покрива потег долг околу 1200 м и широк 12 метри.

Проектот е обезбеден со поддршка од Владата на Република Македонија преку Програмата за капитални инвестиции“, соопшти општина Кисела Вода.


Македонија
Делови од Кисела Вода и од Ѓорче Петров денеска без струја
Од ЕВН Македонија АД известуваат дека денеска без електрична енергија ќе останат:
– во периодот од 09.00 до 12.00 часот, корисниците од ул. Бранко Заревски. (општина Кисела Вода)
– во периодот од 09.00 до 13.00 часот, дел од корисниците од село Орман. (општина Ѓорче Петров)
Македонија
(Фото) Отстранет бесправно изграден објект и спречена узурпација на државно земјиште во Визбегово
Општина Бутел извести дека денеска во координирана акција со МВР, во раните утрински часови бил отстранет бесправно изграден објект во населеното место Визбегово.
„Законот за бесправно изградени објекти се спроведува на целата територија на општина Бутел. Градоначалникот Дарко Костовски нагласи дека се додека тој е градоначалник, законите ќе важат за сите граѓани подеднакво, без исклучок.
Градоначалникот работи во интерес на сите граѓани и секогаш се залага за чесните луѓе. Во општина Бутел нема место за бесправно изградени објекти и узурпација на државно земјиште“, се вели во соопштението на општина Бутел.

