Отворена канцеларија за превенција во просториите на месната заедница Стајковци, како втора фаза на проектот „Полицијата и граѓаните заедно“. 

Целта на овој проект е примена на концептот Community policing односно Полициско работење во зaедницата преку поттикнување на блиска соработка меѓу граѓаните и полицијата. Проектните активности ќе бидат реализирани во текот на 2015 година и би се состоеле од средби на граѓаните со полициски службеници: Отворен ден со полицијата – кратки неформални средби, тематски едукативни средби на кои би се разговарало за полициското работење, превентивни проектни активности, решавање на конфликтни ситуации – локални проблеми на локално ниво, како и други активности кои ќе произлезат од соработката со заедницата и нејзините потреби и барања.Инаку, канцеларијата за превенција ќе им биде на располагање на граѓаните од населените места Стајковци, Сингелиќ, Црешево, Булачани, Раштак, Виниче, Смилковци, Страчинци  и Брњарци.Изминатиов период вакви канцеларии за превенција  беа отворени и на подрачјето на Полициската станица од општа надлежност Гази Баба, и тоа во просторите на Кино Маџари и во просториите на културниот дом „Григор Прличев“ на подрачје на Полициската станица „Ѓорче Петров“./крај/мф/