Скопје
Отворена нова детска градинка во скопско Црниче
Во скопската населба Црниче, во општина Кисела Вода во саботата беше отворена новата детска градинка, клонот „Перуника“ во рамки на градинката „Весели цветови“, настан на кој присуствуваа министерот за труд и социјална политика, Диме Спасов, градоначалникот на општина Кисела Вода, Билјана Беличанец-Алексиќ, претставникот на УНДП во Македонија, Луиза Винтон
„Градинката се отвора во комплетно реновиран, реконструиран и опремен објект. Министерството за труд и социјална политика во оваа инвестиција учествуваше во целосно обезбедување на опремата. Задоволство ми е што интересот на општина Кисела Вода е голем за зголемување и подобрување на капацитетите за згрижување деца од предучилишна возраст”, рече на отворањето на градинката министерот Диме Спасов.
Додаде дека проектот почнал со реализација на иницијатива на градоначалничката на општина Кисела Вода Билјана Беличанец Алексиќ, а оти Министерството се приклучило во реализацијата и помогнало во опремувањето на оваа детска градинка. Апелираше примерот на општина Кисела Вода да го следат и другите општини и најави дека и натаму ќе се продолжи со проекти за реконструкција и изградба на нови установи за згрижување деца од претшколска возраст.
Градинката има капацитет да згрижи педесетина деца, а се отвора на барање на жителите од оваа населба. Таа е отворена во адаптиран дел на подрачното основно училиште „Кузман Јосифонски Питу“. За адаптација се инвестирани три милиона денари. Опремена е со средства од Министерството за труд и социјална политика во висина од повеќе од 500 илјади денари.
Претходно, пред да биде адаптиран, овој дел од училиштето за детска градинка беше реновирано со средства на општината во висина од четири милиони денари и на УНДП во висина од два милион2 денари.
„Со општина Кисела Вода соработуваме во опремување на уште една детска градинка која набрзо ќе биде завршена и подготвена за пуштање во употреба”, рече Спасов.
Градоначалничката на општина Кисела Вода потенцира дека со поддршка на МТСП успеале за многу краток период да реновираат дел од подрачното училиште. Од понеделник неа ќе почнат да ја посетуваат 40 деца од Црниче и од населбата Бирарија.
„Градинката се отвора на барање и поради зголемениот интерес на младата популација, младите родители, кои живеат во овој дел на општина Кисела Вода и на ваков начин општината им излезе во пресрет. Објектот е реконструиран во текот на летото во соработка со УНДП“, рече Беличанец-Алексиќ.
Појасни дека објектот е високо енергетски, при што се сменети прозорците, покривот и фасадата.
„Го заменивме и системот за загревање со био-маса кој овозможува 80-процентна заштеда во енергија, а нула проценти испуштање штетни гасови во воздухот. Уште две градинки во Драчево, ’Пеперутка4 1 и 2 ќе добијат вакви системи“, рече градоначалничката на Општина Кисела Вода, појаснувајќи дека споменатите проекти се реализираат со финансиска поддршка на УНДП.Луиза Винтон истакна дека општина Кисела Вода е лидер во енергетска ефикасност. „Ова денес е пример како една скромна инвестиција и напор може да овозможи големи заштеди и значително да ги подобри условите за работа и престој на децата“, рече претставничката на УНДП во Македонија./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Делови од Аеродром и Центар денеска без вода
По добиеното известување од ЈП Водовод и Канализација, Регионалниот центар за управување со кризи на Град Скопје, информира дека денеска поради планирани зафати без водоснавбдување ќе останат:
· поради изведувње на водоводен приклучок од Ф- 100мм на ул.Пандил Шишков 9, прекинато водоснабдување ќе имаат корисниците од истата улица на високата зона од број 1 до бр.49 и дел од корисниците на ул.Вангел Тодоровски, Руди Чаевац, и Коста Новаковиќ, водоснабдувањето ќе биде прекинато од 08:00 часот до санирање на дефектот, општина Аеродром;
· поради изведувње на водоводен приклучок од Ф-400мм на ул.Мирче Ацев, прекинато водоснабдување ќе имаат корисниците од Бул.Кочо Рацин, Славко Јаневски (по старо Стив Наумов), Тетовска, Славе Георгиевски Шнајдерот и дел од Бул.Крушевска Република, водоснабдувањето ќе биде прекинато од 08:30 часот до санирање на дефектот, општина Центар.
Македонија
Од утре авионско и терестрично прскање против комарци во Скопје
Градот Скопје ги известува граѓаните дека утре ќе започне авионска дезинсекција на подрачјето на градот Скопје, против возрасни форми на комарци, а на 16 септември терестрична дезинсекција против возрасни форми на комарци и ларви од комарци, односно:
1. Авионската дезинсекција на подрачјето на градот Скопје, против возрасни форми на комарци, ќе се одвива на 12.09.2025 (петок) и на 13.09.2025 (сабота), во раните утрински часови.
2. Терестричната дезинсекција на подрачјето на градот Скопје, против возрасни форми на комарци и ларви од комарци ќе се одвива од 16.09.2025 (вторник) до 19.06.2025 (петок), во период од 22.00 до 03.00 часот, наредниот ден
Доколку временските услови не го дозволуваат вршењето на дезинсекцијата, истата ќе се изврши во истиот термин првиот нареден ден, кога временските услови ќе бидат поволни, додаваат од Градот Скопје.
Исто така се известуваат пчеларите навремено да ги преземат потребните мерки за заштита на пчелите.
Македонија
17 години стар европски бизон угина во Зоолошката градина Скопје
Зоолошката градина Скопје извести дека утрово угинал 17 години стар европски бизон.
„Со голема тага ја споделуваме веста дека нашиот европски бизон кој имаше 17 години утрово угина. Животниот век на овие животни е од 14 до 20 години.
Овој величествен и редок претставник на европската дива фауна од 2011 година беше еден од најимпресивните жители на нашата зоолошка градина.
Пред околу година и половина кај него беше дијагностицирана пневмонија, по што следеше долготраен процес на терапија и внимателно следење од страна на нашиот тим ветеринари и неговите негуватели.
Иако со многу посветеност успеавме да ја стабилизираме неговата состојба, во изминатите две недели повторно покажа знаци на слабост и отежнато дишење. Веднаш беше вклучена интензивна секојдневна антибиотска терапија одредена според антибиограм и постојан надзор, но за жал, и покрај сите наши напори, не успеавме да го спасиме“, велат од Зоолошката градина Скопје.
Учениците од училиштата во близина на Трубарево една недела ќе следат настава онлајн, кажа Алиу
Министерот за здравство, Азир Алиу, изјави дека основните училишта што се наоѓаат во непосредна близина на местото на пожарот во...
На Клиника задржана жителка на Трубарево, лекарска помош побарале и директорот на ЦУК, војник и полицаец
Во моментот на Клиниката за токсикологија е хоспитализирана една жителка на Трубарево, која живее во непосредна близина на магацинот за...
Анализа на вода, ограничување на ученици и мерење на загадувањето – Министерството за животна средина по пожарот во Трубарево
Министерството за животна средина и просторно планирање, во соработка со Институтот за јавно здравје, Кризниот штаб на Владата и Државниот...
Денес ќе бидат објавени резултатите од мерењата на воздухот, кажа Меџити прашан кога ќе се знае што дише населението
Министерот за животна средина и вицепремиер, Изет Меџити, на прес-конференција во Владата информира дека за следење на состојбата со воздухот...
Четворица повредени во пожарот во Трубарево – се чекаат детали од Министерството за здравство
Четири лица се здобиле со повреди во пожарот што вчера избувна во компанијата „Ф-Групација“ во Трубарево, која се занимава со...
Обвинителство чешла документи, Армијата мери токсини по пожарот во Трубарево, се чека и на резултатите од министерството на Меџити
Во врска со големиот пожар што зафати магацински објекти во селото Трубарево, Основното јавно обвинителство Скопје соопшти дека презеле дејствија...
МВР трага по лице кое се обидело да запали „ауди“ и „јагуар“ во Куманово, ги испрскало возилата со бензин, но кога го виделе побегнал
Маж од Долно Којнаре, кумановско, пријавил дека во неговиот двор едно лице со бензин ги испрскало возилата „јагуар” и „ауди”...
(Видео) Се’ уште чади во Трубарево преку песокот со којшто е затрупан отпадот, спречено е ширење на пожарот
Благодарение на брзата и координирана акција на скопските пожарникари, спречено е ширење на големиот пожар што вчера избувна во Трубарево,...
Како ќе реагира Европа на ултиматумот на Трамп
Американскиот претседател Доналд Трамп упати ултиматум до сојузниците во НАТО, барајќи воведување „големи“ санкции кон Русија и целосен прекин на...
Меџити доцна синоќа се огласи за Трубарево: фирмата има дозвола за работа, резултатите од мерењата се очекуваат
Министерот за животна средина и просторно планирање, Изет Меџити, доцна синоќа се јави од Трубарево, каде што вчера избувна голем...
Тошковски: Жителите во непосредна близина на пожарот да ги напуштат живеалиштата поради штетните супстанци, радијација нема
Локализиран е пожарот кој избувна во складиштето за електроника во Трубарево, пришто опожарена е и пластика. Министерот Панче Тошковски вечерва...
Движењето „Стоп за Вардариште“ во понеделник наутро ќе го блокира мостот „Близнаци“
Движењето „Стоп за Вардариште“ ја информира јавноста дека на ден 15.09.2025, понеделник, покрај протестот во 18:00 часот, ќе се одржи...
Електронскиот отпад што гори во Трубарево ќе се гасне со песок
Електронскиот отпад што гори во Трубарево ќе се гасне со песок, информира директорот на Дирекцијата за заштита и спасување, Стојанче...
ИЈЗ објави препораки: Ако сте во непосредна близина на пожар останете дома и затворете ги прозорците
Институтот за јавно здравје, во насока на заштита на здравјето и благосостојбата на сите граѓани, соопшти дека во случај да...
Опасен отпад гори во Трубарево, нема насоки од властите за заштита од чадот
Во Трубарево горат електронски отпад и пластика, во делови од главниот град се чувствува силна миризба, а засега нема предупредувања...
Во Трубарево гори и пластичен отпад, Ангелов рече дека пожарот е подметнат и нема повредени лица
Директорот на Дирекцијата за заштита и спасување, Стојанче Ангелов, изјави дека големиот пожар кој денеска избувна во фабриката „Ф –...
(Видео) Драматични снимки од пожарот во Трубарево кадешто горат објекти за складирање на електронски отпад
Сериозен е пожарот што избувна во Трубарево и ги зафати објектите на Ф – ГРУПАЦИЈАТА која се занимава со електронски отпад....
(Видео) Ангелов: Се затрупува изворот на чад во Дрисла, термални камери и патроли во Вардариште, нов пожар избувна во Трубарево
Директорот на Дирекцијата за заштита и спасување, Стојанче Ангелов, денеска информираше за повеќе паралелни интервенции поврзани со пожари на скопските...
(Видео) Гори фабрика во Трубарево, црн чад се издигна над Скопје
Голем црн чад се издигна над главниот град, алармираат граѓаните од повеќе скопски населби. Директорот на Дирекцијата за заштита и...
ВМРО-ДПМНЕ со готови листи за советници и кандидати за градоначалници
ВМРО-ДПМНЕ објави дека целосно ги комплетирала листите за советници и кандидати за градоначалници за претстојните локални избори. Генералниот секретар на...
