Скопје
Отворена реновираната библиотека „Јане Сандански“ во Аеродром

Реновираниот објект на библиотеката „Јане Сандански“ во Аеродром, која е дел од градската библиотека „Браќа Миладиновци“, е отворен во среда, 12-ти ноември.
На настанот присуствуваа градоначaлникот на Град Скопје, Коце Трајановски и директорот на Градска библиотека „Браќа Миладиновци“, Бранко Цветковски.
„Со целосното реновирање на овој клон во општина Аеродром, сакаме да го доближува пишаниот збор до поголем број граѓани, вљубеници во читањето. На посетителите на овој клон ќе им бидат достапни 20.000 наслови, а во новоотвореното електронско катче периодично ќе имаат можност и бесплатно да читаат поголем број е-часописи“, рече Трајановски.
Тој додаде дека за реализација на овој проект oд буџетот на Градот се издвоени 1.200.000 денари, а во иднина планирано е и отворање на нови клонови во другите скопски општини.
Директорот на библиотеката „Браќа Миладиновци“, Бранко Цветковски, посочи дека во реновираниот објект целосно е заменета електричната инсталација, набавени се нови маси и полици за книгите, направен е бесшумен под, поставени се и нови прозорци, со што објектот влегува во категоријата на енергетски ефикасни објекти.крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Без струја денеска дел од Карпош

Од ЕВН Македонија АД известуваат дека денеска без електрична енергија ќе останат:
– во периодот од 09.00 до 11.00 часот, дел од корисниците на ул.Осло (општина Карпош)
– во периодот од 11.00 до 14.00 часот, дел од корисниците на ул.Петар Драганов и Софиска (општина Карпош)
– во периодот од 12.30 до 14.30 часот, дел од корисниците на ул.Бањалучка спроти бр.20 и ул.Будимпештанска бр.35Б (општина Карпош)
Македонија
Герасимовски: Семејствата и блиските на повредените можат бесплатно да се сместат во скопските хотели

Градоначалникот на Општина Центар Горан Герасимовски информира дека семејствата и блиските на настраданите и повредените кои се хоспитализирани во скопските здравствени установи можат бесплатно да се сместат и да одморат во хотелите на територија на градот Скопје.
„Семејствата и блиските на настраданите и повредените кои се хоспитализирани во скопските здравствени установи можат бесплатно да се сместат и да одморат во хотелите на територија на градот Скопје. Ја поздравувам иницијативата што ја реализираат скопските хотели за бесплатно сместување. Во овие тешки моменти најважни се солидарноста и поддршката од сите, да им помогнеме на нивните родители, фамилии, пријатели колку што можеме повеќе! Граѓаните можат да се јават на телефонскиот број 073 821 120”, истакнува Герасимовски.
Скопје
Дел од Студеничани без вода

Од ЈП Водовод и Канализација известуваат дека поради дефект на затварач од ф – 200 мм на ул. 7 б.б во село Батинци, во периодот од 08.30 часот па се до отстранување на дефектот без вода ќе останат корисниците од селата Батинци и Љубош. ( општина Студеничани )