Скопје
Пешевски во работна посета на Општина Илинден
Вицепремиерот задолжен за економски прашања Владимир Пешевски, заедно со соработниците и тим претставници на државните институции престојуваше во работна посета на Општина Илинден.
Вицепремиерот задолжен за економски прашања Владимир Пешевски, заедно со соработниците и тим претставници на државните институции престојуваше во работна посета на Општина Илинден.
Заедно со градоначалникот на Општина Илинден, Жика Стојановски беа посетени повеќе локации во Општината каде што се во тек интензивни градежни активности. Притоа, беа остварени средби со граѓаните кои ја искористија можноста да постават прашања, да укажат на извесни проблеми, но и да дадат свои предлози и сугестии за реализација на разни проекти.
Пешевски и Стојановски присуствуваа на поставувањето на еден од шесте препумпни уреди, како дел од проектот Изградба на фекална канализација со пречистителна станица во населба Илинден, еден од капиталните проекти на Општина Илинден.
Градоначалникот Стојановски го информираше вицепремиерот Пешевски дека со изградбата на овој, досега се реализирани 3 сегменти од фекалната канализација во н.м. Марино, н.м. Кадино и нас. Илинден со кои се опфатени 1.000 домаќинства, односно 4.000 жители, при што се инвестирани 100 милиони денари.
Посетата на Општината заврши во локалната економска зона Марино-Кадино и холандска фабрика за работна и заштитна облека VPTEX Македонија. Локалната економска зона Марино-Кадино е со површина од 115 хектари, има 50 градежни парцели на кои голем дел од стопанските објекти се изградени и предадени во употреба, дел се во завршна фаза од градбата, а дел почнуваат да се градат.
Беше истакнато дека благодарејќи на многубројните инвестиции, невработеноста во Општина Илинден заклучно со вториот квартал од 2015 година е намалена на 12 %. /крај/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Утре без вода делови од Кисела Вода
Од ЈП Водовод и Канализација известуваат дека поради промена на воздушен вентил на улицата Јустинијан Први (кај мостот), утре прекинато водоснабдување ќе имаат корисниците од село Драчево, општина Кисела Вода.
Водоснабдувањето ќе биде прекинато од 08:30 часот до завршување со санација на дефектот.
Македонија
Во текот на јануари се отстранети 𝟤𝟩𝟨𝟧 кубни метри отпад од диви депонии
Во текот на првиот месец од 2026 година, екипите на ЈП Комунална хигиена-Скопје подигнаа и транспортираа приближно 13 000 тони мешан комунален отпад од домаќинствата на територијата на градот Скопје, известуваат од Комунална хигиена-Скопје.

„Воедно, беа отстранети и 2765 кубни метри непрописно одложен мешан комунален, кабаст и градежен отпад. Во рамките на активностите за отстранување диви депонии е интервенирано во сите скопски општини, а најголемо количество непрописно одложен отпад – 400 кубни метри се подигнати во општината Центар.

Еко-патролата при ЈП Комунална хигиена-Скопје во текот на месец јануари изготви вкупно 56 едукативни записници за претставници на стопанските субјекти и физички лица коишто биле затекнати при неправилно одлагање на отпадот. Најголем број на записници – вкупно 32 – се врачени во скопската општина Чаир.

ЈП Комунална хигиена-Скопје продолжува со одржување на јавната хигиена на булеварите, како и улиците што се во надлежност на Градот Скопје во сите скопски општини. Секојдневно, во три смени, се спроведува машинско и рачно метење на плоштадот и улицата Македонија, помалите плоштади Филип Втори, Мајка Тереза и Богородица, пешачките мостови во централното градско подрачје, пешачките патеки и тротоарите на мостовите „Гоце Делчев”, и „Слобода”, како и Старата скопска чаршија“, соопшти Комунална хигиена-Скопје.
Македонија
Дел од Центар денеска без вода
Од ЈП Водовод и канализација – Скопје, известуваат дека денеска:
· поради уличен дефект ф-80 мм на улицата Св. Кирил и Методиј бр. 48, од 08:30 часот до завршување со санација на дефектот, прекинато водоснабдување ќе имаат корисниците од дел од истата улица и дел од улицата Димитрие Чуповски, вклучително и ЈЗУ Здравствен дом Железничар, општина Центар.

