Забавната манифестација „Средношколски игри“ ќе се одржи во сабота, 04-ти септември, го Градскиот парк во Скопје, под слоганот „Заедно во природата“.

Манифестацијата, во организација на Здружението на граѓани „Сфера Скопје“ и со поддршка на Град Скопје, ќе се одржува од 10 до 13 часот. 

Проектот што ќе содржи различни активности (крос, натпревари во знаење, уметнички и технички вештини, ориентација, еко игри, забава…) има за цел да ги поттикне средношколците да развијат свесност за потребата и неопходноста од нивен редовен престој во природа со цел подобрување и унапредување на нивното психофизичко здравје. 

На еднодневните игри ќе бидат вклучени ученици – натпреварувачи, наставници, директори, комисии, претставници на државни институции и компании, но и останати ученици, родители, гости, посетители. 

Натпреварувачкиот дел од игрите ќе се случува од 10 до 11 часот, по што ќе следува час за унапредување на здравјето на учениците, а од 12 часот ќе се прогласуваат и доделуваат наградите за најдобрите ученици по активности. 

Средношколските игри е проект за анимација на средношколската младина на град Скопје заради зачувување на нивното здравје сега (и во иднина), заради развивање на нивниот спортски и натпреварувачки дух, нивните психофизички, мисловни активности, заради споделување знаење, искуства, заради дружење со врсниците во природа, заради развивање и подобрување на сопствената личност, но и позитивно влијание врз другите. Сите овие активности имаат за цел и развивање на толеранција, почитување на другите.крај/мф