Скопје
Трајановски даде отчет за сработеното и најави нови прокети
Градоначалникот на Град Скопје, Коце Трајановски во понеделникот се осврна на проектите што Градот Скопје ги реализира во годинава што изминува, а ги најави и градските проекти што се планираат за наредната 2015 година.
„Годинава што полека ја оставаме зад нас за Градот Скопје беше успешна. Завршивме значајни инфраструктурни проекти и решивме долгогодишни проблеми на граѓаните. Скопје во 2014 година наликуваше на големо градилиште. Се пробиваа и прошируваа улици, се градеа нови објекти и плоштади, се подобруваше водоводната и канализациската мрежа, се реновираа училишта, се подобруваше јавната хигиена, се засадуваа дрвја, се организираа културни и спортски манифестации… Ќе споменам дека во 2014 година го проширивме и реконструиравме првиот дел од улицата Трета македонска бригада, која прерасна во широк и проточен булевар; се проширува третиот дел од булеварот Митрополит Теодосиј Гологанов; се проширува улицата Јордан Мијалков; се гради кружен тек на булеварот Партизански одреди, кај Порта Влае; ја проширивме крстосницата кај Шумарскиот факултет; ги обновивме крајните сообраќајни ленти пред пет автобуски стојалишта. Подигавме и нови парковски површини – покрај булеварот Февруарски поход, по должината на проширениот дел од булеварот Трета македонска бригада и покрај булеварот Видое Смилевски Бато, а се уредува и нова зелена површини во паркот „Македонија“. Сакам да споменам и неколку други проекти што се реализираа или почнаа да се реализираат во 2014 година: се изведува третата фаза од фекалниот колектор во населеното место Инџиково; реконструирана е атмосферската канализациска мрежа на улицата Финска, на булеварот Киро Глигоров, под стоковната куќа „Мост“ и на улицата Павел Шатев, кај подвозникот; општините Кисела Вода и Аеродром добија подземни контејнери; ја расчистивме големата дива депонија на улицата Гарсија Лорка во Шуто Оризари и на тој простор засадивме 100 зимзелени дрвја; вложивме 33,5 милиони денари за реконструкција на 15 средни училишта; го обезбедивме железничкиот премин кај Усје; и многу други проекти“, рече Трајановски.
Трајановски додаде дека во Градот Скопје во моментов интензивно се работи на подготовка на многубројни проекти за наредната, 2015 година, а акцент ќе биде ставен на големите инфраструктурни зафати.
„За наредната 2015 година на подрачјето на Општина Чаир се планирани неколку поголеми инвестиции: делумно проширување на булеварите Христијан Тодоровски Карпош, Цветан Димов и Никола Карев. Во соработка со службите на Општина Чаир веќе работиме на расчистување на имотно-правните односи. Како најголем проект кој во моментов се реализира на подрачјето на Општина Карпош е третата и последна фаза од проектот за реконструкција и проширување на булеварот Митрополит Теодосиј Гологанов, а кој својата завршница ќе ја доживее наредната година, напролет. Во Буџетот за 2015 година предвидовме и средства за реконструкција на фекалната мрежа од улицата Московска, по должината на булеварот Партизански одреди, а се разгледува и проектот за изградба на кружен тек кај ХУБО маркетот. Како едни од најголемите инфраструктурни проекти кои ќе се реализираат на подрачјето на Општина Аеродром во 2015 година ќе ги најавам втората фаза од проектот за реконструкција и проширување на булеварот Трета македонска бригада, како и продолжувањето на булеварот АСНОМ кон населбата Горно Лисиче, на потегот од улицата Февруарски поход до улицата Тодор Чангов. Се планира изградба на фекалниот колектор по должината на булеварот Видое Смилевски Бато, а ја подготвуваме и техничката документација за десниот колектор од булеварот Србија до препумпната станица. Во Општина Бутел, нареднава 2015 година планираме да изградиме нов атмосферски колектор кај подвозникот на улицата Боца Иванова до реката Серава. Планираме реконструкција на улицата Ќемал Сејфула, на потегот од улицата Втора македонска бригада до улицата Босна и Херцеговина. Во наредниот период треба да се реализира и пробивањето и изградбата на булеварот Христијан Тодоровски Карпош. Се подготвуваме за реконструкција и на дел од улицата Александар Урдаревски, како и за доизградба на фекалната канализација во село Љуботен, во соработка со општината Бутел. Наредната 2015 година ќе ги уредуваме и тротоарите по улиците Радишанска и Ферид Бајрам. На подрачјето на Општината Ѓорче Петров во 2015 година ќе се догради кружниот тек на крстосницата на булеварот Партизански одреди и на улицата Ѓорче Петров, еден од најголемите инфраструктурни проекти во Скопје. На расчистување на имотно-правните односи периодов се работи за трасата на улицата Борис Сарафов, по што ќе следува нејзино проширување и реконструкција. Ќе ја споменам и изградбата на пречистителната станица во Волково, како многу значаен проект за унапредување на животната средина, во чие финансирање ќе учествува и Градот Скопје. Ја разгледуваме и можноста да се пробие уште еден крак на булеварот Македонска војска кон Хром. Најголемиот проект што ќе следува на подрачјето на Општина Шуто Оризари е проектот за подобрување на водоснабдувањето со изградба на нов систем за снабдување со вода. На подрачјето на општината Сарај за наредната година се планира реконструкција на улицата Сарај со што ќе се зголеми безбедноста во сообраќајот. Она што ќе го окупира нашето внимание на подрачјето на Општина Центар е дооформувањето на Малиот ринг и проширувањето на улицата Даме Груев, каде што треба да се урива дел од една зграда. Наредната 2015 година ќе се догради улицата Јордан Мијалков. Планираме да го прошириме и делот од булеварот Митрополит Теодосиј Гологанов, од булеварот Свети Климент Охридски до Клубот на пратеници, а размислуваме и за реконструкција на улицата Тодор Александров. Во центарот на градот продолжува проектот за обнова на фасадите на неколку објекти. Во наредната година ќе се подготвуваат проектите за изградба на кружни текови на вкрстувањето на Јужен булевар со булеварите Свети Климент Охридски и со Кочо Рацин. Интензивно се подготвуваме за реконструкција на улицата Маџари, во Општина Гази Баба. Ќе работиме и на изградба на фекална канализација на патот од село Трубарево до Идризово, како и на изградба на фекална канализација за селата Црешево, Смиљковци и Виниче. Наредната година очекуваме да се догради фекалниот колектор во Инџиково. Ќе се проширува раскрсницата на улицата Благоја Стефковски со улицата Маџари, а ќе се работи и на проектот за проширување на булеварот Александар Македонски до клучката „Дијамант“. Во 2015 година на подрачјето на Општина Кисела Вода се планира булеварот Борис Трајковски да се прошири во должина од два километра, од поранешната фабрика „Стакларница“ до Пинтија. Ќе работиме и на проектот за пробивање на улицата Есенинова, којашто е врска меѓу булеварите Борис Трајковски и Трета македонска бригада, како и на проектот за продолжување на булеварот Србија од Усје до улицата Христо Татарчев. Градот Скопје со своите проекти нема да заобиколи ниту еден сегмент од општественото живеење, а ќе понудиме многубројни случувања од областа на културата, спортот и забавата“, истакна градоначалникот Трајановски. /крај/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
(Фото) Презентирано визуелното решение за новата Универзална сала
Денеска, пред македонската јавност беше презентирано визуелното решение за новата Универзална сала – модерен и функционален објект, кој ќе го врати значењето на оваа култна локација и ќе ѝ даде нова енергија на културната сцена во Скопје.
Проектот, кој беше преземен од Град Скопје, е задржан во делот на идејното архитектонско решение, а изработката е дело на проектантот Бујар Муча. Во конструктивниот дел беа направени измени врз основа на насоките од испитувањата што Министерството за култура и туризам ги побара како неопходност што произлезе од пожарот на објектот, извести Министерството за култура.
Она што е особено значајно во решението е дека ќе се задржи постојната форма за почитување на колективната меморија, Универзалната сала ќе располага со капацитет од 1.200 седишта, а ќе има и нова просторна акустика со современи техничко-технолошки системи, како: HVAC, сценска механика, ЛЕД-осветление, аудио-видео и електрични инсталации. Предвидени се и нови современи материјали и во ентериерот и во екстериерот, објектот ќе биде енергетски ефикасен, а е изработено и современо, атрактивно партерно и хортикултурно решение.
Очекувањата се до почетокот на октомври да завршат постапките за избор на изведувач и надзор по што ќе почне изградбата на Универзалната сала по системот клуч на рака. Планирано е изградбата да биде завршена до крајот на 2027 година, а од 2028 година Универзалната сала ќе биде подготвена да биде дел од програмата „Скопје – европска престолнина на културата 2028“. Инвестицијата е проценета на 20 милиони евра, соопшти Министерството за култура.
„Ова не е само објект – ова е инвестиција во културата, идентитетот и во иднината на Скопје. Универзалната сала ќе стане модерен симбол на културна размена, креативност и заедништво, достапна за сите граѓани. Со нејзината изградба создадовме предуслови Скопје да го зачува духот на својата културна традиција, но и да ја зајакне својата улога како европска престолнина на културата за 2028 година“, истакна министерот за култура и туризам, Зоран Љутков.
Македонија
Санкционирани 𝟣𝟢𝟧 непрописно паркирани возила на територијата на општина Центар изминатата недела
ЈП Паркинзи на Општина Центар во соработка со Сообраќајната полиција-Скопје во периодот од 09.09. до 14.09.2025 година, со помош на специјалните возила „Пајак“ отстранија 105 непрописно паркирани возила кои го попречувале нормалното и безбедно одвивање на сообраќајот, извести ПОЦ.
„За трајно решение на сообраќајниот метеж и проблемот со неправилното паркирање неопходна е поголема сообраќајна култура, затоа ЈП ПОЦ и СВР Скопје во наредниот период ќе продолжат со секојдневно отстранување на сите непрописно и несовесно паркирани автомобили во Општина Центар со цел да се подигне сообраќајната свест на повисоко ниво и да се зголеми безбедноста во сообраќајот“, соопшти ПОЦ.
Македонија
Герасимовски: Нови детски игралишта, зеленило и решавање на проблемот со паркирањето на Водно
Градоначалникот на општина Центар, Горан Герасимовски во рамки на проектот „Маалски муабети со Горан“, се сретна со жители на населбата Водно.
Жителите се пожалија дека често се случува да пукне некоја водоводна цевка и да тече вода со денови, но никој не реагира.
„И до нас стигаат поплаки во делот на водоводната мрежа која е под ингеренција на Град Скопје и Јавното претпријатие Водовод и канализација.Гледајќи дека нема слух од надлежните, сами ја реконструираме водоводната мрежа и ги отстрануваме аномалиите оставени од страна на Водовод. Наша цел ќе биде да ги подобруваме условите и правиме што повеќе детски и спортски игралишта во овој дел на Центар и секако ќе дадеме се од себе да го збогатуваме зеленилото секаде во општината. Правиме посебни Програми при издавање на дозволи покрај задоволителен број на паркинг места да има и зеленило и дополнителни високо стеблести дрвја во секоја парцела која што ќе има ново градба”, рече градоначалникот Герасимовски.
Голем проблем за здравствените работници и пациентите на Водњанска и околу Клинички центар е паркингот.
„Фрекфенцијата на луѓе и сообраќај на овој дел на Центар е најголема, во самиот ДУП кој што општината го донесе минатата година е предвидена и катна гаража за да ги задоволиме потребите. Во постојана комуникација бевме и сме со министрите за здравство се со цел да најдеме начин како ќе помогнеме.Паркингот за кој што со години се зборува дека ќе се реконструира да се направи монтажна гаража во парцелата на Државна болница. Верувам дека набрзо и тоа решение ќе отпочне да се реализира, се со цел да ги задоволиме потребите и на вработените кој што се во болницата, но и на сите пациенти“, потенцираше Герасимовски.
Предвидени се средства за реконструкција на улицата Востаничка во делот кој припаѓа на општина Центар, но не само со нов асфалт, туку и санирање на водоводната и канализациона мрежа како и поголема безбедност во сообраќајот, велат од Општината.
Герасимоовски се заложи да се задржи традицијата на автомобилски трки на Водно, а најмалку една трка ќе биде финансиски подржана од општина Центар.
Град Скопје не е надлежно за фабриката во Трубарево, „Вардариште“ е на Гази Баба, кај си да писнеш за УСЈЕ, му порача Арсовска на Ѓорѓиевски
Градоначалничката на Скопје, Данела Арсовска со објава на социјалните мрежи по последните случувања со пожарите во Трубарево, „Дрисла“ и „Вардариште“...
Опожареното место е затрупано со песок за да се спречи понатамошно тлеење на опасни материи, состојбата во Трубарево е под целосна контрола, уверуваат надлежните
Во Министерството за животна средина и просторно планирање денеска се одржа брифинг со медиумите за состојбата по пожарот во складиштето...
Скопјанeц ги убил девојката и татко и во Велес, па се самоубил
Денеска (15.09.2025) во 15:30 часот во СВР Велес е пријавено е дека на ул.,,Кочо Рацин“ во Велес е пронајдено женско...
Нема зголемена радијација во почвата и воздухот по пожарот во Трубарево, соопшти ИЈЗ
Од Институтот за јавно здравје информираат дека се во континуирана координација со Инспекторатот за животна средина, Министерството за здравство и...
Кирков до Арсовска: Знаете ли дека ви изгореа „Дрисла“, „Вардариште“, а Скопје е затрупано со смет кој не го собирате
Советнинкот во Советот на Град Скопје од редовите на ВМРО-ДПМНЕ, Стефан Кирков, со објава на социјалните мрежи ја праша градоначалничката...
Ноќеска Итната помош 13 пати интервенирала во Трубарево, едно лице е пренесено на Токсикологија
Во текот на изминатата ноќ заклучно со попладнево во реонот на Трубарево се извршени 13 интервенции од Итната медицинска помош,...
Повреден 18-годишник, велосипедист во Чаир испукал кон него неколку куршуми и избегал
Ноќеска ургентниот центар на комплексот клиники „Мајка Тереза“ во полиција пријавил дека кај нив е донесен 18-годишник повреден од огнено...
(Видео) Ангелов: Пожарот во Трубарево е целосно изгаснат, состојбата во „Дрисла“ е драстично подобрена
Пожарот во Трубарево е целосно изгаснат, целата опожарена површина е затрупана со песок и земја. Утрово покажуваше на неколку места...
(Видео) Хибридниот напад од странски центри е смешно алиби за неспособност на Мицкоски, вели Филипче
Претседателот на СДСМ, д-р Венко Филипче, денеска силно ги нападна изјавите на премиерот Мицкоски дека државата била цел на хибриден...
За да нема чадење од „Вардариште“, треба да се најде пристоен дом за над 200 луѓе што живеат среде депонијата, а некои од нив потпалуваат, вели Тошковски
Во решавање на проблемот со депонијата „Вардариште“ треба да се вклучат сите институции, да им се најде соодветен дом на...
(Видео) „Дуото Апасиев – Мециновиќ си пикнало во џебот милиони од партијата Левица, а на поддржувачите им велат донирајте ни пари“, вели Манасиевски
„Дуото Апасиев-Мециновиќ си пикнало во џеб милиони од Левица, а на поддржувачите им велат донирајте ни пари. Глумците Апасиев и...
(Фото) Презентирано визуелното решение за новата Универзална сала
Денеска, пред македонската јавност беше презентирано визуелното решение за новата Универзална сала – модерен и функционален објект, кој ќе го...
(Видео) Граѓаните го блокираа мостот „Близнаци“: секој ден без акција значи уште еден ден вдишување отрови
Граѓаните, утрово, од 7.30 часот, еден час ја блокираа крстосницата кај мостот „Близнаци“ помеѓу општините Аеродром и Гази Баба. „Овој...
(Видео) Запленети 204 банкноти и монети за колекционерски цели
Запленети се 204 банкноти и монети за колекционерски цели, чија вредност е проценета на 700 илјади денари. Случајот е откриен...
„Скопје се труе, Изет се крие: од потпретседател на Али Ахмети, заврши како портпарол на Мицкоски“, велат од ДУИ
„Демократската унија за интеграција изразува длабока загриженост за еколошката катастрофа што го погоди главниот град по избувнувањето на пожарот во...
„Доста беа приказни, за еколошката катастрофа во Скопје мора да има политичка и кривична одговорност“, велат од СДСМ
„Македонија има неспособна власт која раскажува приказни додека горат депонии и фабрики, а граѓаните ја плаќаат цената со сопственото здравје....
Двајца претепале човек во Паркот на жената борец: починал во болница, Обвинителството бара притвор
Јавен обвинител од Основното јавно обвинителство Скопје донесе Наредба за спроведување истражна постапка против две лица за кои постои основано...
Побаран притвор за четири лица во врска со пожарот во Трубарево
Скопското Обвинителство поведе постапка против четири лица поради сомнение за загрозување на животната средина и природата со отпад, во врска...
Се користи специјална пена врз песокта за да се доизгасне чадењето во Трубарево
Од опожарениот простор во Трубарево моментално има слабо чадење само од неколку места кои веќе се затрупани, информира директорот на...
Онлајн настава една недела во четири училишта во Гази Баба поради пожарот во Трубарево
Министерството за образование и наука информира дека наставата во основните училишта „Крум Тошев“, „Његош“, „Вера Јоциќ“ и „Наум Наумовски Борче“...
