Скопје
Виноскоп на нова локација на „Плоштад Мајка Тереза“
Организаторите на „Виноскоп“ се извинуваат поради промената на локацијата, откако веќе објавија дека ќе биде на плоштад „Македонија“, сега објавуваат дека новата локација на 100 метри од плоштадот, до Обвинителството.
Вино Скоп се поместува на нова локација- „Плоштад Мајка Тереза“ или платото пред МОБ, а почнува во среда, 28 септември. Поради технички причини, фестивалот е поместен на платото пред Македонска опера и балет, односно плоштадот „Мајка Тереза“, одлична нова локација веднаш до реката Вардар. Вино Скоп ќе биде отворен за посетители од 12, а ќе трае се до доцните вечерни часови. „Вино Скоп“ оваа година одбележува јубилеј- Десет години најомилена скопска есенска приказна.Пет фестивалски денови, посетителите ќе може да дегустираат вино од десет најдобри македонски винарии, како и вински коктели- сангрија и вино мохито. Покрај виното,ќе има македонски деликатеси: сирења, кашкавали, сувомеснати производи. Музичката програма е шаренолика: џез, блуз, фолк, рок, поп, танго, ирска музика, етно, шлагери.Веднаш до плоштадот „Мајка Тереза“ има неколку паркинзи каде што може да паркираат оние кои што ќе доаѓаат со возила, но секако препорачуваме сите кои што планираат да конзумираат алкохол да не возат, туку да користат јавен превоз или такси. Влезот на фестивалот како и секоја година е бесплатен. „Дојдете да украдеме по некој миг, да вкусиме добро вино, да ја продолжиме традицијата. Да го доживееме модерното со дамки од богатата историја, сплотено во автентичниот свет на виното. Одберете го вашето омилено вино и кренете ги чашите да наздравиме, еднаш за нас, еднаш за Скопје“, порачуваат организаторите./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Без струја делови од Петровец, Чаир и Гази Баба
Од ЕВН Македонија АД известуваат дека денеска без електрична енергија ќе останат:
– во периодот од 08.30 до 11.30 часот, корисниците од селата Градманци, Летевци, Катланово и Брезница, општина Петровец;
– во периодот од 08.30 до 15.00 часот, корисниците од улицата Ордан Чопела, улицата Петре Георгиев и улицата Челопек, општина Чаир;
– во периодот од 09.00 до 13.00 часот, корисниците од улицата Вера Вучковска Жезељ во населба Хиподром, општина Гази Баба.
Македонија
Делови од Центар и Карпош денеска без вода
Од ЈП Водовод и Канализација известуваат дека денеска поради дефект во шахта од ф – ¾ на улицата Ацо Караманов бр. 10, во периодот од 09.00 часот па се до отстранување на дефектот без вода ќе останат дел од корисниците од улицата Ацо Караманов, како и објектот на Американската Резиденција, општина Центар.
Од ЈП Водовод и Канализација известуваат дека исто така денеска поради уличен дефект на улицата Девол бр. 15, во периодот од 09.00 часот па се до отстранување на дефектот без вода ќе останат корисниците од улицата Девол, општина Карпош.
Македонија
Герасимовски: Во следните денови поставуваме мерачи за бучава на 30 локации
Градоначалникот на Општина Центар Горан Герасимовски, на средбата со раководителите на сектори дискутираа за проектите што е предвидено да се реализираат во наредните четири години.
Тој најави дека, во месец ноември ќе се одржат буџетските форуми кадешто граѓаните се добредојдени да дадат што поголем број на идеи и предлози за развој на општината.
„Буџетските форуми поминаа искрено одлично со голема посетеност, но и заинтересираност од страна на жителите. Ноември месец се токму за нив. Добредојдени се граѓаните да ни дадат што поголем број на предлози и идеи за да ги ставиме во новата програма и ги преточиме во буџетот“, рече Герасимовски.
Герасимовски, истакна дека завршена е постапката за уредите за мерење на бучава.
„Предлагам истите да почнат што поскоро да се поставуваат. Ако можеме уште од оваа недела да се поставуваат на 30 локации, да видиме кои ни се оние ударни локации кадешто граѓаните најмногу се жалат за бучава во ноќните часови. Според бројот на пријави и поплаки од жителите и таму да се постават“, посочи Герасимовски.
На состанокот со вработените во општината, тие разговараа и за хортикултурното и партерно уредување на плочникот кај Зелен пазар. Тој, потенцираше дека на оваа локација улица нема да има, туку ќе се реконструира кошаркарското и детското игралиште, ќе има ново зеленило. Герасимовски, изјави дека ветувањето е дека до месец мај мора да се заврши.
Во однос на хигиената, Герасимовски порача дека хигиничарите се секојдневно на терен и ќе преземат се’ што треба за да нема смет по улиците.
„Гледаме дека градот почна, односно има ветувања дека ќе почне со расчистување на сметот, но ние нема да го чекаме градот, како и досега си продолжуваме. И од сабајле, и ги слушаме и ги гледаме нашите хигиеничари. Имавме доста проблеми викендов што не се чистеа подземните контејнери, па работеа и сабота и недела, но Центар мора да биде чист, нема да го чекаме градот, туку сами ќе се превземаме се што треба за да немаме смет по улиците“, додаде Герасимовски.

