Скопје

Во Скопје ќе се прскаат улиците со калциум магнезиум ацетат поради загадувањето

Објавено пред

4 години

- 24 декември, 2016

Од

Службите на град Скопје, од саботата вечерта започнаа со прскање на градските сообраќајници со калциум магнезиум ацетат, како една од мерките за намалување на загадувањето на амбиентниот воздух.

Со ова средство во наредниот период ќе се третираат булеварот „Свети Климент Охридски“ и улиците „Свети Кирил и Методиј“ и „Јордан Мијалков“ во центарот на градот, како и булеварот „Трета македонска бригада” (од крстосницата со улицата „Коста Новаковиќ” до крстосницата со булеварот „Србија”) и булеварот „Србија” (од крстосницата со булеварот „12-та Македонска бригада” до крстосницата со булеварите „Видое Смилевски Бато” и „Јане Сандански”) во Општина Аеродром. Согласно со условите на терен, бројот на улици кои ќе се третираат со ова средство ќе се зголеми.

Град Скопје нагласува дека брзината на движење на возилата на улиците каде што ќе се аплицира средството калциум магнезиум ацетат ќе биде ограничена на 40 километри на час, поради можна појава на лизгавост на коловозот. На улиците е веќе поставена и соодветна сообраќајна сигнализација, а изработен е и соодветен сообраќаен проект.

„Калциум магнезиум ацетат е средство кое се користи за контрола и намалување на ситната прашина (ПМ10 и ПМ2,5 честичките) и за стабилизација на патиштата. Средството е еколошки производ, биоразградлив, не е штетен за растенијата (погоден е за апликација во близина на паркови и зелени површини), а најважно е што не е корозивен (нема да предизвика оштетување на возилата). Производот е лесен за апликација и целосно е стабилен, што значи може да се чува за подолг период. При неговото аплицирање како резултат на неговиот состав може да се почувствува слаб мирис на оцет, кој исто така не е опасен по здравјето на луѓето“, информираа од Град Скопје.

Во соопштението се наведува и дека искуствата од европските градови каде што се користи ова средство укажуваат дека со негово аплицирање потенцијалот за намалување на прашината е од 10 до 30 отсто. За реализација на овој процес, Јавното претпријатие „Комунална хигиена“ минатата 2015 година специјално адпатираше шест од новите возила./крај/мф/сн

©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Поврзани Артикли:skopje zagaduvanje загадување насловна-мк скопје топ-тема

Следно

Отворен Новогодишниот базар „Подари среќа“ – денес трка на Дедомразовци

Претходно

Обележување на велосипедските патеки од рутата 2

Македонија

Без струја утре делови од Скопје

Објавено пред

18 часа

- 24 февруари, 2021

Од

Макфакс

Делови од Скопје утре ќе останат без електрична енергија, известуваат од ЕВН Македонија.

Од таму информираат дека во периодот од 9:00 до 11:00 часот, без електична енергија ќе бидат корисниците од ул. Хаванска бр.3 и ул. Варшавска бр.9 (општина Карпош)

Без електрична енергија во периодот од 9:00 до 13:00 часот ќе бидат и дел од корисниците од ул. 5 во село Усје, како и објектот за деца со посебни потреби (општина Кисела Вода)

Во периодот од 9:00 до 15:00 часот, објектот на наплатната рампа Арнакија, како и корисниците од селата Арнакија, Буковиќ, Ласкарци, Семениште, Паничари, Чајлане и Раовиќ (општина Сарај)

Од 9:30 до 11:00 часот без струја ќе останат дел од корисниците од село Свиларе (општина Ѓорче Петров)

И во периодот од 12:30 до 14:30 часот, без струја ќе бидат дел од корисниците од бул. Партизански одреди, како и дел од корисниците од улиците Његошева и Софиска (општина Карпош)

Прикажи повеќе...

Македонија

Во ковид-центрите во Скопје за 24 часа се хоспитализирани 17 пациенти

Објавено пред

4 дена

- 21 февруари, 2021

Од

Макфакс

Во изминатите 24 часа во ковид-центрите во Скопје се хоспитализрани 17 нови пациенти поради компликации од коронавирусот. Вкупно 257 лица сомнителни и потврдени за Ковид-19 се лекуваат на инфективните оддели во главниот град.

Во последното деноноќие, на интерните клиники имало 5 приеми. Во ковид центарот во ГОБ 8 Септември имало 6 нови приеми на пациенти и 3 на Инфективната клиника во текот на вчерашниот ден. Во Козле биле примени 3 пациенти.

Во изминатите 24 часа дома се пуштени 21 оздравен пациент.

Во моментов на Кожната клиника во ковид центарот се лекуваат 30 пациенти, на Клиниката за неврологија 15 болни, а на Институтот за ТБЦ се примени вкупно 24 пациенти со симтоми на корона вирусот.

Во ГОБ 8 Септември има вкупно 74 болни, а на Клиниката за инфективни болести лежат 86 пациенти, додека во Иститутот за белодробни заболувања кај деца Козле има 27 пациенти. На ГАК една хоспитализирана ковид позитивна пациентка.

Бројот на приеми во изминативе денови е стабилен и утрово до 8 часот имало 100 слободни места, а се очекува во тек на денот по направените исписи на оздравените пациенти да се ослободат и дополнителни места.

Сите инфективни одделенија имаат довод на кислород и можат да згрижат пациенти кои имат потреба од кислородна подршка.

Прикажи повеќе...

Македонија

Скопје се збогува со Балашевиќ: се палат свеќи, се пеат неговите песни

Објавено пред

4 дена

- 20 февруари, 2021

Од

Макфакс

Илјадници граѓани на Скопје, Белград, Нови Сад, Загреб, Сараево се збогуваат со балканската легенда Ѓорѓе Балашевиќ, кој замина прерано како последица на Ковид-19. Плоштадите се преполни со граѓани кои палат свеќи и ги пеат песните на Балашевиќ.

Вечерва последно збогум му испратија и стотици македонски граѓани од пред платото на Универзалната сала во Скопје, каде запалија свеќа во спомен на српскиот кантавтор Ѓорѓе Балашевиќ кој почина вчера на 67-годишна возраст.

Се пеат хитовите со растеа многу генерации, се споделуваат спомени за концертите кои Балашевиќ ги одржа во Скопје.

Настанот пред Универзалната сала е организиран од Град Скопје. Вчера, градоначалникот на Скопје, Петре Шилегов рече дека со Балашевиќ се договарале да ја отвори Универзалната сала, која во моментов се реновира.

Прикажи повеќе...