Скопје
Жерновски: Ако новиот обвинител си ја врши работата, Груевски ќе мора веднаш да си даде оставка
Ако новиот специјален обвините, кој треба да ги провери наводно прислушуваните снимки од телефонски разговори на функицонери, ја врши работата и ако почне процесот, тогаш премиерот Никола Груевски ќе мора веднаш да си даде оставка, смета градоначалникот на Општина Центар, Андреј Жерновски.
Ако новиот специјален обвините, кој треба да ги провери наводно прислушуваните снимки од телефонски разговори на функицонери, ја врши работата и ако почне процесот, тогаш премиерот Никола Груевски ќе мора веднаш да си даде оставка, смета градоначалникот на Општина Центар, Андреј Жерновски.
Одоговарајќи на новинарско прашање, за неговите очекувања од новиот специјален обвинител и од потпишаниот договор во Пржино за надминување на политичката криза, градоначалникот Жерновски, рече дека во дипломатијата има два вида договори и компромис. Прво, кога двете страни се задоволни и второ, кога двете страни се незадоволни.„И двете страни имаат зошто да бидат незадоволни, но максимално стојам на располагање да помогнам во се’ што е потребно. Немам илузии дека новиот специјален обвинител ќе има одврзани раце, но ќе се покаже дали може се’ да се расчисти. Ако ја врши работата и ако почне процесот, тогаш Груевски ќе мора веднаш да си даде оставка. Ова ќе биде и порака до сите идни влади и премиери, дека сите незаконски дејства ќе бидат “чешлани“ и санкционирани“, рече Жерновски.За констатираните неправилности во објектот на политичката партија ВМРО – ДПМНЕ од страна на инспекцијата на општина Центар, Жерноски во вторник ќе испрати писмо до Град Скопје и државниот градежен инспектор со кое ги повикува, заедно со надлежните од општина Центар да излезат на терен и да ја констатираат состојбата.„Заедно треба да се увериме дали се работи за дивоградба. Чув дека обидот на инспекцијата да влезе во седиштето, кое не ни беше дозволено, бил политички потег. Затоа, ги повикувам надлежните од Град Скопје и државен градежен инспектор, да ја констатираме фактичката состојба на објектот. Доколку не ни одговорат, ќе постапиме како со секоја дивоградба, без разлика за која политичка партија се работи, дали на власт или опозиција. Нивното објаснување дека издадениот дел на влезната врата е урбана опрема е смешно, исто како што е смешно тврдењето дека галиите во Вардар се исто, урбана опрема. Ние нема да влегуваме како полиција, но ќе санкционираме се’ што е дивоградба. Чув дека ВМРО – ДПМНЕ изјавуваат дека објектот не е пуштен во употреба. Вчера партискиот врв во истиот објект имаше состанок. Не се работи за реваншизам, ако е дивоградба, ќе ја отстраниме. Се прашувам дали полицијата во овој случај ќе не’ заштити од луѓето кои евентуално би се собрале овде“, рече Жерновски.Тој, на денешната средба со новинари најави работно лето во Центар, при што рече дека ќе се градат детско игралиште кај „Агромеханика“ со површина од 250м2, пјацета и детско игралиште на ул. „Јоаким Крчовски“, во тек е обнова на зеленилото на бул. „Кочо Рацин“, изградба на ЈДУ „Кочо Рацин“ – матичен објект која е планирано да заврши во септември. Ќе се отвори и канцеларија за млади, која ќе биде и за сите млади, но и за невладините организации од цело Скопје./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
(Видео) Герасимовски и тренерот на КК „Работнички“, Самарџиев: Со реконструкцијата на салата македонската кошарка ја подигнуваме на повисоко ниво
Спортската сала „Работнички“ која е симболот на македонската кошарка и градот Скопје, оваа година добива комплетно нов и модерен лик. Тренерот на Кошаркарскиот клуб „Работнички“ Горан Самарџиев, преку видео истакнува дека е среќен бидејќи после децениско чекање, оваа сала ќе биде во ново руво кадешто кошаркарите ќе имаат подобри услови за тренинг.
„Големо е задоволство и многу сме среќни бидејќи после децениско чекање салата на КК ,,Работнички” ќе биде во ново руво и едноставно ќе имаме многу подобри услови за тренинг и за напредок, како на првиот тим, така и на младинските категории. Јас имам посебни емоции спрема оваа сала. Овие млади дечки денеска немаат осетено што значи да играш во салата Градски парк пред полни трибини. Се надевам дека таа традиција ќе ја вратиме и дека заедно со навивачите, со Општина Центар и со сите расположливи сили, салата ќе добие еден нов сјај кадешто македонската кошарка и КК „Работнички” ќе биде на едно повисоко ниво со многу подобри услови за работа за сите“, вели Самарџиев.
Градоначалникот Горан Герасимовски, информира дека годинава се враќа сјајот на спортската сала „Работнички“ која е гордоста на Општина Центар.
„Долги години салата беше во катастрофална состојба, запуштена и оставена да се распаѓа. Успеав да ги добијам надлежностите врз објектот и земјиштето за да можеме да почнеме со реконструкција. Сите мои претходни колеги ветуваа решенија, но немаше никаква реализација. Ние првата фаза во месец декември ја отпочнавме, во моментов работиме на фасадата и на кровот, а потоа следува и реконструкција на канцеларискиот дел. Ќе поставиме нови инсталации за електрична енергија, современо осветлување и водовод. Ќе направиме комплетна реконструкција со проширување на теренот, поставување на нова еластична подлога и подно греење, а целиот простор ќе се климатизира. Наместо бетонските клупи, ќе поставиме 891 седиште“, порачува Герасимовски.
Капитенот на КК ,,Работнички” Виктор Ефремовски потенцира дека со нетрпение чекаат да се вратат во својот дом и да го изиграат првиот натпревар во нивната сала.
Со реконструкцијата на салата, ќе се обноват соблекувалните, туш кабините, ќе се постави нова опрема, кошеви и друга потребна инфраструктура. Ќе се обезбеди висока енергетска ефикасност, што значително ќе ги намали трошоците за енергија. Целокупната реконструкција ќе биде согласно стандардите и процедурите на ФИБА.
Скопје
Дел од Карпош денеска без вода
Регионалниот центар за управување со кризи на Град Скопје, по добиеното известување од ЈП Водовод и канализација – Скопје, информира дека денеска поради отстранување дефект во шахта (промена на вентил од ф3/4“ – цол ) на улицата Ванчо Мицков бр. 18, општина Карпош, прекинато водоснабдување ќе имаат дел од корисниците од истата улица.
Водоснабдувањето ќе биде прекинато од 09:00 часот до завршување на интервенцијата.
Скопје
Без вода утрово жителите на Ленинова
Поради дефект, жителите на улицата Ленинова утрово ќе останат без вода.
„Поради дефект на приклучна цевка од Ф 1” (Цол) на улицата Ленинова бр.77, со прекинато водоснабдување ќе бидат дел од корисниците од Ленинова ( потегот од бул.Митрополит Теодосие Гологанов до ул.Никола Тримпаре од 09:00 часот до санирање на дефектот. (општина Центар)“, соопшти Водовод.