Во овој период имаме бегалска криза и во рамки на сите овие активности присуството на МВР е зголемено во кумановскиот и во скопскиот регион се со цел да се обезбеди поголема безбедност и стабилност на граѓаните на Република Македонија, истакна министерот за внатрешни работи Оливер Спасовски во саботата при посетата на полицискаа станица во кумановското село Матејче, денмантирајќи ги медиумските извештаи дека иминатата ноќ била спроведени претреси и приведувања или наводно присуство на вооружени групи од Косово.

Претходно ноќта кон саботата на повеќе локации беше спроведена полициска операција на распроедување во областите на Липковско и скопското село Арачиново. Откако МВР ги демантираше првичните информации на одредени медиуми дека полициската акција била поради вооружена група на македонска територија која се префрлила од Косово, стана јасно дека се вршело проверка на повеќе локации во селата во граничниот појас и во неколку други села поради мигрантската криза.

„Денеска сме овде, во посета на полициското одделение во Матејче. Да поразговараме со полицајците, со командирот на одделенито, се видовме со припадниците на МВР, затоа што имаме зголемено присуство на терен. Превентивно е зголемено присуството бидејќи навистина во овој период имаме сериозни предизвици коишто се и ризици за безбедноста и во Македонија, но и во регионот“, рече Спасовски.

Апелираше да не со создаваат фами и страв кај населението, како што налгаси, поради тоа што навистина нема потреба. Ја истакна соработката со населението од споменатиот регион.

Министерот Спасовски нагласи дека станува збор за северен дел на граница во овој регион и оти често има илегални минувања. Како што потенцира, претходните денови имало влез на илегални мигранти на територијата на Република Македонија од северната граница.

„Од тој аспект мислам дека сите треба сите да бидат спокојни, бидејќи МВР ги превзема сите мерки коишто значат засилување на безбедносната состојба во државата“, заклучи Спасовски./крај/мф/сн

Извор: Макфакс