Македонија
Спасовски и Ременски официјално станаа министри

Пратениците во Собранието едногласно ги изгласаа Оливер Спасовски и Фросина Ременски за министри во Министерството за внатрешни работи и Министерството за труд и социјална политика, со 101 глас „за“, а ниту еден против.
Третиот минстер кој денеска беше избран во парламентот, ги доби само гласовите на владејачката коалиција, а пратениците од опозицијата гласаа против одлуката досегашниот заменик-министер Марта Арсовска-Томовска, да ја преземе испразнетата фотелја во Министерството за информатичко општество и администрација, по заминувањето на Иво Ивановски.Гласањето на опозицијата по изборот на Арсовска-Томовска наиде на неодобрување во редовите на пратениците од власта, а новата министерка беше сепак изгласана со 71 глас „за“ и триесет и еден глас „против.“Новоизбраните министри дадоа свечена изјава пред парламентот дека одговорно ќе ја вршат функцијата и дека ќе го почитуваат Уставот.Независната пратеничка Роза Топузова Каревска рече дека новата техничка влада, воопшто не е тоа во Македонија, затоа што според дефиниција техничка влада значи на чело на министерствата да стојат професионалци од струката, а тоа не се Оливер Спасовски кој е на чело на министерството за внатрешни работи, ниту, Ременски, на чело на Министерството за труд и социјална политика.За Антонио Милошоски од ВМРО-ДПМНЕ, Македонија од денеска доби хибридна влада во која учествува и опозициската СДСМ. Која според него со тоа што дала двајца министри, станала хибридна партија, која повеќе не е само опозициона.Илија Димовски од ВМРО-ДПМНЕ појасни дека СДСМ не може да биде коректив на власта, како што најави Горан Сугарески од СДСМ, затоа што повеќе не се опозиција, која по дефиниција е коректив на власта.„СДСМ сега е дел од власта и за тоа ќе треба да си преземите одговорност. Ние имаме големи предизвици, како бегалската криза, како закани по безбедноста од тероризам, министерот за труд и социјална работа треба да ги продолжи проектите кои дадоа големи резулати“, рече Димовски, кој СДСМ ја нарече квази партија.Тимчо Муцински е избран за заменик министер во Министерството за информатичко општество со 69 гласови „за“, Митко Чавков е изгласан со 97 гласови „за“, Диме Спасов заменик министер во министерството за труд и социјална политика е избран со 95 гласови „за“, Кире Наумов на предлог од СДСМ е изгласан за 97 гласови „за“, Љупчо Николовски е избран за заменик министер за земјоделство, шумарство и водостопанство со 97 гласови „за“, Александар Кирацовски, на предлог на СДСМ, е избран за дополнителен заменик во министерството за информатичко општество со 99 гласа „за“./крај/мф/бб
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Вечерва зградата на Владата свети во сино во знак за подигање на свеста за аутизмот

Вечерва зградата на Владата свети во сино, во знак на 2 април Светски ден за подигање на свеста за аутизмот. Ова на социјалните медиуми го објави премиерот на Македонија Димитар Ковачевски.
„Давам неизмерна поддршка и почит кон лицата со аутизам, нивните родители, семејства, пријатели, наставници, соученици. Како Влада се залагаме да обезбедиме системски решенија за грижа за децата и возрасните со аутизам. Не сме сите исти, ниту по физички изглед, ниту по карактер, но сите во оваа држава имаат исти права“, напиша Ковачевски.
Како што вели тој, да ги прифаќаме различностите, бидејќи секој е различен и посебен на свој начин.
Македонија
Од понеделник пороен дожд

УХМР соопшти дека во понеделник, под влијание на нов влажен и постуден бран, ќе има врнежи од дожд кои попладне на повеќе места ќе бидат пообилни, над 30 литри на метар квадратен. На планините и на некои повисоки места врнежите ќе бидат од снег.
Следните три дена, ќе преовладува студено и ветровито време со повремени локални врнежи, претежно во западните делови.
Времето утре ќе биде променливо облачно со сончеви периоди, а попладне со повремен локален дожд. Ќе дува слаб до умерен ветер од променлив правец.
Македонија
Левица: ДУП-от во Карпош ДПМНЕ го поддржа уште 2017 година

Со гласањето на Деталниот урбанистички план за блок ССЗ 01.10 кој се наоѓа во Злокуќани. се исправа неправдата која е нанесена на жителите во овој дел од општина Карпош, поголем дел Ромско население, поради тоа што со децении не е усвоен ДУП, а со самото тоа не може да управуваат со нивните имоти и да ги уживаат правата кои ги имаат останатите жители на Општина Карпош, велат од политичката партија Левица.
Со овој план, од партијата посочуваат дека конечно ќе може да се легализираат куќите во ова населено место.
Дополнително, со нивната легализација ќе може голем дел од домаќинствата да се инкорпорираат во јавниот комунален систем и да добијат квалитетна услуга, се вели во соопштението.
Од Левица потенцираат дека ова е еден од ретките ДУП-ови што нема елементи на бетонизација, а зачудени се од одлуката на советничката група на ВМРО-ДПМНЕ која не го поддржа овој ДУП.
„Земајќи го во предвид ова како и придобивките за жителите на овој дел од Општина Карпош, за очекување беше истиот да го поддржат сите советнички групи. Изразуваме зачуденост од одлуката овој ДУП да не го поддржат советничката група на ДПМНЕ. Токму советничката група на оваа политичка партија во март 2017 година го изгласаа овој ДУП во оваа форма“, посочуваат од партијата.
Велат дека нивната хистерична реакција е веќе видена во Советот на Општина Карпош, особено по „замрсените“ односи меѓу лидерот на партијата Христијан Мицковски и градоначалникот Стевчо Јакимовски.
„Сакаме да напоменеме дека во овие политички игри ДПМНЕ ги вовлече и советничките од Независни кои без соодветно образложение гласаа против жителите на Злокуќани. Нападите кон локалниот огранок на Левица во Општина Карпош се за очекување и претставува прелсикување на политиката која ДПМНЕ ја води на централно ниво, па за секој нивни неуспех, за секое национално велепредавство криви се Левица, а не нивните функционери кои во Собранието на Република Македонија за многу штетни закони гласаа заедно со СДС и ДУИ“, истакнаа од Левица.