Македонија
Спасовски: Македонија предолго беше заложник на малку луѓе

Македонија предолго беше заложник на мала група неодговорни луѓе, власта десет години ги кршеше и човековите и работничките права, кон работниците се однесуваше робовладетелски, а странските инвеститори им ги нудеше како заменлива и евтина работна сила.
Ова го порача Оливер Спасовски, носител на кандидатската листа на СДСМ во ИЕ 2 во Куманово и додаде дека додека платите во регионот растеа, платите во Македонија тонеа.
„Нема да дозволиме да не се почитува и цени трудот на работниците. Нема да дозволиме да се погазуваат правата на граѓаните во Македонија. Затоа во Планот за живот Македонија се обврзуваме – Во првите четири месеци од мандатот ја зголемуваме минималната плата на 12.000 денари. И таа ќе биде толку и во текстилната и кожарската индустрија“, рече Спасовски.
Вети дека до крајот на мандатот минималната плата ќе изнесува 16.000 денари, а просечната плата ќе биде 30.000 денари.
„Со овие мерки планираме да го покачиме животниот стандард но и да го спречиме масовното иселување кое се случува во цела Македонија а особено тука во Куманово и Кумановско“, рече Спасовски./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Пожар во Кочани – на лекување остануваат уште 33 пациенти во странство и тројца во државата

Денеска се враќаат уште пет пациенти од лекување од Србија, во странство остануваат хоспитализирани 33 пациенти, информира Министерството за здравство.
„Денеска уште пет пациенти од повредените во трагедијата во Кочани се враќаат од лекување од Србија, по што согласно протоколот тројца пациенти ќе бидат под опсервација на Клиниката за пластична хирургија, еден пациент во Хируршка клиника „Св.Наум Охридски“, а еден пациент на сопствено барање лекувањето ќе го продолжи во приватната клиника ,,Жан Митрев”, велат од таму.
Во земјава во моментот се лекуваат вкупно тројца пациенти, од кои во Хируршка клиника „Св.Наум Охридски“ еден пациент, а во приватната болница Систина двајца пациенти.
Во текот на утрешниот ден е најавено враќање на еден пациент од Белгија, кој ќе биде под опсервација на Клиниката за пластична хирургија.
Македонија
Општина Центар го објави повикот за субвенции за велосипеди и тротинети

Општина Центар информира дека во тек е јавниот повик за доделување субвенции за велоспеди, е-велосипеди, е-тротинети, како и за дополнителна опрема. На повикот можат да се пријават сите граѓани кои имаат живеалиште во Центар, а проектот се одвива по принципот „прв дојден, прв услужен“.
Градоначалникот Горан Герасимовски ги повикува сите центарци да аплицираат и да поддржат одржлив транспорт.
„Пред две години, нашата општина беше прогласена за највело општина во Скопје која се залага за алтернативен транспорт, намалувајќи го сообраќајниот метеж. Преку овие субвенции ќе ги поттикнеме центарци на здрав начин на живот, на поздрава средина за сите нас. Граѓаните можат да добијат субвенција од 30% од цената на превозното средство, но најмногу до 3.000 денари, како и субвенција за дополнителна опрема (детски седишта и кациги) до 1.000 денари. Повикот ќе се реализира сѐ до исцрпување на финансиските средства, а правото на субвенција е еднократно“, вели Герасимовски.
Жителите на Центар треба да поднесат барање со потребна документација: копија од лична карта, копија од трансакциска сметка и фискална сметка во оригинал и истата да ја достават во архивата на Општина Центар, барака бр.6, од 09.00 до 15.00 часот.
За повеќе информации, граѓаните можат да се обратат на телефонските броеви 02/3203-600 и 02/3203-693 или да ја посетат веб-страницата centar.gov.mk: https://www.centar.gov.mk/?p=24738.
Македонија
Судот го одобри обвинението за возачот што ја прегази Фросина

Судот го одобри обвинението за возачот Васил Јованов, која ја прегази Фросина Кулакова на пешачки премин на булеварот Партизански одреди.
„Ја информираме јавноста дека Советот за оценка на обвинителниот акт го одобри обвинението на Основното јавно обвинителство со КО бр. 271/25 од 27.3.2025 година против осомничениот В. Ј. за кривичното дело тешки дела против безбедноста на луѓето и имотот во сообраќајот од чл. 300 ст. 2 в.в. со чл. 297 ст. 1 од КЗ, поврзан со сообраќајната нестеќа од јануари 2025 година на булеварот Партизански одреди во Скопје, во која животот го загуби 22-годишната Ф. К.“, соопшти Кривичниот суд.
Од таму додаваат дека со одобрениот обвинителен акт формиран е кривичен предмет, кој ќе биде ќе биде распределен на понатамошно судење во согласност со АКМИС-системот, а кога ќе биде насрочен термин за главна расправа, странките и јавноста ќе бидат дополнително известени.