Кривичниот суд Скопје го одби предлогот на Специјалното јавно обвинителство (СЈО) за определување на мерки за претпазливост за случајот „Тендери“ во кој првоосомничена е министерката за култура Елизабета Канческа – Милевска.

Иако СЈО бараше на две лица осомничени во овој случај да им се одземат пасошите и да се јавуваат во судот еднаш неделно, по распитот што се одржа во петокот, судија на претходна постапка го одби предлогот како неоснован, а по писменото изготвување решението е испратено до странките.Против ова решение странките имаат право на жалба до Кривичниот совет во рок од 24 часа по приемот на решението. По распитот во Судот, Канческа – Милевска изјави дека се прави политички театар од страна на најголемата опозициска партија СДСМ, кој го изведува спроведува Специјалното јавно обвинителство (СЈО).Случајот „Тендери“ се однесува на  изведување на градежни работи на Музејот за македонска борба и државност, од страна на градежното претпријатие „Бетон“, кое било фаворизирано, осомничена е Канческа – Милевска и тројца  членови на Комисија за јавни набавки од министерството. СЈО ги товари дека го оштетиле буџетот за над еден милион евра.Пред да се објави оглас за услуги спротивно на принципите на конкуренција, пред да се донесе одлука за тоа првоосомничената донела одлука кој да ја добие и да ја заврши работата.Сведок за овој случај е тогашен генерален директор на „Бетон“ Штип и вели дека добил можност да ги продолжи работите каде веќе работеле на други изведби, а да не се чека 20 дена за да се објави новиот оглас за новите градежни работи. Отпосле биле објавувани огласи, бил потпишуван договор, а „Бетон“ веќе ги изведувал работите.Договорено било во огласот да се предвидат услови што може само Бетон да ги исполни.Биле исплатени близу еден милион евра на сметка на „Бетон“, за изведба на овие градежни зафати, или 54.501.336 денари./крај/мф/ффс