Македонија
Tрета измена на Законот за судови – Ќе се определуваат критериуми за истакнат правник за член на Судскиот совет
Следуваат нови, трети по ред, за една година измени и дополнувања на Законот за Судскиот совет. На Единствениот електронски национален регистар на прописи е објавено дека се прибираат мислења за предлог-закон за изменување и дополнување на Законот за судскиот совет. Министерството за правда како предлагач образлага дека измените произлегуваат од Стратегијата за реформа на правосудниот сектор 2017-2022 година.
Целта на предлог законот е, како што пишува, да се воспостават европски стандарди за независно и ефикасно судство во насока на определување критериуми за истакнат правник за избор на член на Судскиот совет на предлог на Собранието и претседателот на РМ.
Измените треба да го редефинираат изборот на членовите на Судскиот совет од редот на најискусните судии кои најмалку го исполнуваат условот за вршење на функцијата судија во апелационен суд. Ќе се менуваат и законските критериуми за утврдување на индивидуална одговорност и воведувањето законска основа за кодексот за судска етика.
Предлог-законот треба да биде изготвен до крајот на ноември 2018 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Малолетници нападнале врсник во автобус на ЈСП
Малолетник синоќа бил нападнат од двајца други малолетници во автобус на Јавното сообраќајно претпријатие во Скопје.
„На 21 септември во 19.40 часот во СВР Скопје, П.Н. од Скопје пријавил дека во автобус на ЈСП на подрачје на Шуто Оризари, неговиот малолетен син бил физички нападнат од двајца други малолетници“, информираа од МВР во дневниот билтен.
Се работи на расчистување на случајот.
Македонија
Без струја утре делови од општина Кисела Вода
Без струја утре од 8:00 до 14:00 часот ќе бидат дел од корисниците лоцирани на улиците „Драчево“, „Чучевска“ и „Китка“ во општина Кисела Вода.
Како што соопшти РЦУК-Скопје, прекинот е поради планирани зафати во електродистрибутивната мрежа во Град Скопје.
Македонија
Сиљановска Давкова на Самитот на иднината во Њујорк
Претседателката Гордана Сиљановска Давкова, која ја предводи македонската делегација на 79. Генерално собрание на ОН, денеска треба да се обрати на Самитот на иднината на тема „Мултилатерални решенија за подобро утре“ со учество на шефови на држави и влади.
Целта на Самитот на иднината е државите членки да ја зголемат меѓусебната соработка која, како што се нагласува, е се поважна за човековиот опстанок, но е тешко да се постигне во атмосфера на недоверба, користејќи застарени структури кои повеќе не ги одразуваат денешните политички и економски реалности.
Во фокусот на Нацрт-пактот се човековите права, родот и одржливиот развој во сите поглавја. Содржи поглавја за одржлив развој и финансирање за развој, меѓународен мир и безбедност, наука, технологија и иновации и дигитална соработка, младите и идните генерации и трансформирање на глобалното владеење. Меѓудругото, се бара земјите членки да се согласат и за реформи што се однесуваат на Советот за безбедност, но тоа најверојатно нема да се случи.
На Самитот треба да бидат усвоени и Декларација за идните генерации и Глобален Дигитален договор.