Граѓаните отсега ќе имаат можност телефонски да закажат посети во затворот во Шутка, соопштуваат од Основниот суд Скопје 1.

Ќе треба да се јават на телефонскиот број 02/3115706 и да ги остават своите податоци, како и податоците за лицето кое сакаат да го посетат.Доколку ги исполнуваат условите за посета, судскиот службеник ќе ги контактира за точниот ден и времето од денот кога може да ја реализираат посетата. Затворoт ќе биде мрежно поврзан со судот, и така ќе добива соодветна евиденција за тоа кој граѓаниn конкретниот ден има дозвола за посета, додека, пак, затворот ќе испраќа повратна евиденција за тоа колку од посетите биле реализирани.Обврска на граѓаните ќе биде со себе да понесат лична карта или друг документ за лична идентификација.Единствено граѓаните кои првпат поднесуваат барање за посета ќе бидат должни да дојдат до судот и да ги приложат сите неопходно документи за да се утврди во кое својство се со притвореното лице.„Со овој систем значително ќе се намали времето кое е неопходно за издавање на овие дозволи, а граѓаните нема да имаат потреба за секоја посета да доаѓаат до судот и да поднесуваат ново барање. Воедно, посети ќе може да се закажуваат секој работен ден и со тоа ќе се добие оптимално искористување на времето и просторот во Затвор Скопје кој на дневна база е на располагање на судот за посети. Ова е еден од проектите кој се реализира по иницијатива и со сопствени средства на Основниот суд Скопје 1 – Скопје, а во соработка со други институции“, соопштуваат од Судот.Засега оваа придобивка ќе важи само за затворот Скопје. Досега граѓаните за секое барање што го поднесуваат мораa да дојдат до судот, да поднесат барање и да чекаат судијата да им одобри посета. Потоа требаше да дојдат во Судот да го земат документот со кој ќе може да одат во посета во затвор./крај/мф/