Македонија
United Group, сопственикот на „Тотал ТВ“, го презеде бугарскиот Vivacom
United Group, водечки телекомуникациски и медиумски оператор во Југоисточна Европа, во чиј состав во Македонија функционира Тотал ТВ, денес го објави завршувањето на аквизицијата на компанијата Vivacom.
Претходно, во април 2020 година, Европската комисија ја одобри аквизицијата, додека договорот за преземање беше потпишан во ноември 2019 година, откако United Group победи на тендерот за купување на оваа водечка телекомуникациска компанија во Бугарија.
Vivacom е прва телекомуникациска компанија во Бугарија, со најголеми приходи помеѓу операторите во оваа земја во изминатите седум години. Тие имаат изградено водечка позиција на пазарот со целосно разбирање на потребите на корисниците, како и воведување на технолошки иновации за обезбедување на напредни, високо квалитетни услуги на интернет, мобилната телефонија и дигиталнатa телевизија, наменети за поединци и деловни корисници.
Преземањето на Vivacom е најнов потег во рамките на стратегијата за раст на United Group, по преземањето на TELE2 во Хрватска на почетокот на 2020 година и договорот за аквизиција на грчкиот телекомуникациски оператор Forthnet, кој наскоро ќе биде реализиран. Работејќи истовремено во телекомуникацискиот и медиумскиот бизнис, United Group ги обединува водечките оператори и најдобрите производители на медиумски содржини во Југоисточна Европа. Накрајот на годината, ќе има повеќе од 10 милиони корисници и повеќе од 11 илјади вработени.
Викторија Боклаг, извршен директорна United Group, изјави: „Vivacom ја воспостави позицијата број 1 во Бугарија со одлично управување, импресивни финансиски резултати, технолошки подобрувања и исклучителна тимска работа. Со јасна визија и стратегија за иднината, „United Group“ се здоби соуште еден лидер на пазарот во регионот, а нашиот комбиниран талент, искуство и големина гарантираат дека на пазарот од 27 милиони луѓе во Југоисточна Европа и нашата дијаспора ширум светот можеме да обезбедиме телекомуникациски услуги од најнова генерација и најдобри странски и домашни ТВ содржини “.
Никос Статопулос, еден од партнерите во инвестицискиот фонд BC Partners и претседател на United Group, потенцира:
„Преземањето на Vivacom е важен чекор во спроведувањето на стратегијата за раст на United Group, затоа што сакаме да го прошириме нашето географско присуствово Европа. Бугарскиот телекомуникациски сектор е дел од динамична економија, која ќе ни обезбеди силно упориште на еден од стратешки клучните пазари.
„За Vivacom, влегувањето во семејството на United Group претставува огромна можност за уште побрз раст на веќе одличните резултати. Имаме изградено силен бренд, синоним за квалитет и иновација и модерна компанија со повеќеод 5.000 посветени работници низ целата земја. Вистинско време е да го направиме следниот чекор и со нетрпение очекуваме да работиме заедно и да размениме искуства со United Group за да ги зголемиме нашите услуги во Бугарија на уште повисоко ниво. “,рече Атанас Добрев, извршeн директор на Vivacom.
„Vivacom постигна импресивни резултати, не само како најголем телекомуникациски оператор во Бугарија, туку и како лидер во иновациите. Ова е резултат на силен менаџерски пристап и професионализам на нашите вработени, а со поддршка и дополнителни инвестиции на „United Group“, потенцијалот за натамошен раст на Vivacom во Бугарија е голем “, заклучи Претседателот на Надзорниот одборна Vivacom, Спас Русев.
United Group во моментов работи во 7 држави преку копманите SBB, Telemach, Tele2 Хрватска, Total TV, NetTV Plus United Cloud, United Media со телевизиските канали Nova, N1, Nova S, Nova BH, Nova M, Doma, Sport Klub, Fight Ch, Mini, Grand, Pikaboo, Vavoom, Cinemania, Loviribolov, IDJ, Brainz, порталот nova.rs, маркетинг агенциите Cas Media и Direct Media и e-commerce бизнис Shoppster.
United Group има повеќе од 10,000 вработени кои обезбедуваат услуги на над 9,3 милиони претплатници. United Group е во сопственост на BC Partners една од најголемите глобални инвестициски компании во светот.
(ПР-текст)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
(Фото) Руте во посета на Армијата: Дејствувате над вашите капацитети кога станува збор за истурените копнени сили
Генералниот секретар на НАТО, Марк Руте, денес во касарната „Илинден“, Скопје, оствари посета на Армијата, која се реализира во рамки на неговата официјална покана на Македонија.
Генералниот секретар беше пречекан од началникот на Генералштабот на Армијата, генерал-мајор Сашко Лафчиски и министерот за одбрана Владо Мисајловски.
Во рамките на посетата, генералниот секретар се обрати пред припадниците на Армијата истакнувајќи го придонесот што нашата држава го прави во рамки на Алијансата.
„Вие навистина дејствувате над вашите капацитети кога станува збор за истурените копнени сили (Forward Lend Forces)“, истакна Руте, потенцирајќи „со тоа се грижите навистина да ја одбраниме секоја педа од територијата на Алијансата“.
За време на посетата беше извршена смотра на построените единици, како и на опремата и средствата со кои располагаат Лесната пешадиска баталјонска група и декларираните единици од составот на Баталјонот на специјални сили.
Во знак на признание за придонесот во зајакнувањето на соработката и поддршката на Армијата на Република Северна Македонија во рамки на Алијансата, началникот на Генералштабот на Армијата, генерал-мајор Сашко Лафчиски му додели Голема плакета на Армијата на генералниот секретар на НАТО.
На настанот присуствуваа генерали на Армијата и претставници од Армијата и Министерството за одбрана.
Македонија
(Видео) Филипче: Врските на Стоиљковиќ со Москва и кинеските кредити се сериозен сигнал
Претседателот на СДСМ, Венко Филипче, по обраќањето на генералниот секретар на НАТО, Марк Руте, оцени дека пораките упатени од највисоката адреса на Алијансата се јасни и недвосмислени и директно се однесуваат на актуелната влада. Филипче вели дека врските на вицепремиерот Иван Стоиљковиќ со структури блиски до Москва како и кинеските кредити претставуваат сериозен сигнал за загриженост.
„Фактот дека вториот човек во Владата има отворени контакти со лица и организации кои се во директна комуникација со Кремљ, во време кога Русија води агресија врз Украина, е нешто што не може да се игнорира“, нагласи Филипче.
Тој посочи и на финансиските аранжмани на Владата, потенцирајќи дека заемот од една милијарда евра преку Унгарија, за кој европските институции во свој извештај нотирале дека станува збор за средства со кинеско потекло, отвора сериозни прашања.
„Кога на тоа ќе се додадат и кинеските пари кои пристигнаа преку заемот од Унгарија, станува јасно дека станува збор за политики кои испраќаат погрешни сигнали во рамки на Алијансата. Нашиот одбранбен чадор знае точно какви политики води оваа влада и јасно укажува на нив“, истакна Филипче.
Македонија
Утре променливо облачно време со температура до 17 степени
Утре претпладне времето ќе биде сончево со мала до умерена облачност и со услови за појава на утринска магла по одделни котлини. Попладне облачноста ќе се зголеми и ќе преовладува променливо облачно време со сончеви периоди, информира УХМР.
Ќе дува слаб до умерен ветер претежно од јужен правец. Минималната температура ќе биде во интервал од -2 до 5, а максималната ќе достигне од 13 до 17 степени.
Во Скопје, претпладне сончево со мала до умерена облачност, а попладне променливо облачно со сончеви периоди. Ќе дува слаб до умерен ветер од јужен правец сончево со мала до умерена облачност. Минималната температура ќе се спушти до 4, а максималната ќе достигне до 17 степени.
Во следните денови ќе преовладува сончево и релативно топло време со мала до умерена облачност, освен во четврток кога ќе има повремени локални врнежи од дожд. Утре и во четврток по одделни котлини ќе има услови за појава на слаба магла.
(Видео) Тошковски: Обезбедена е видеоснимка на која се гледа како сопругот ја удира жртвата
Министерот за внатрешни работи Панче Тошковски соопшти дека во рамки на истрагата за трагедијата во Карпош е обезбеден видеозапис на...
Се разработуваат планови за враќање на македонските државјани од Израел преку Египет, се работи на безбедна евакуација од погодените подрачја, соопшти МНР
Министерството за надворешни работи и надворешна трговија информира дека интензивно работи на обезбедување услови за соодветна и безбедна евакуација на...
По пад од балкон загина 10-годишно момче во Тетово: родителите дознале од соседите
Денеска (03.03.2026) во 09:25 часот во СВР Тетово било пријавено дека во Клиничка болница Тетово било донесено починато 10-годишно момче...
Тошковски објави нови детали за трагедијата во Карпош: Жртвата негирала насилство пред полицијата, сопругот имал криминално досие и бил апсен за дрога
Министерот за внатрешни работи Панче Тошковски соопшти нови детали за вчерашната трагедија во Карпош, во која загинаа мајка и дете....
Бракоразводна постапка и пријава за насилство – вонреден надзор во Центарот за социјални работи по трагедијата во Карпош
Министерството за социјална политика, демографија и млади изрази длабоко сочувство до семејството и блиските на мајката и детето кои го...
Државните нафтени резерви се стабилни и обезбедуваат сигурност, уверуваат надлежните
Министерството за енергетика, рударство и минерални суровини со посебно внимание ја следи состојбата со актуелната енергетска ситуација, особено во контекст...
МНР со владиниот авион ќе ги евакуира нашите државјани од Израел, првите се очекува да пристигнат утре
За евакуација на Македонците кои сакаат да се вратат дома од Израел, Министерството за надворешни работи (МНР) ќе го испрати...
Сè уште не се препорачува евакуација по копнен пат за граѓаните кои се наоѓаат во Катар и Обединетите Арапски Емирати, велат од МНР
Министерството за надворешни работи и надворешна трговија информира дека, согласно последните податоци, од почетокот на конфликтот до денес вкупно 473...
Едно лице задржано по трагедијата во Карпош: распити на повеќе лица, детален претрес на станот, екстракција на податоци од телефони, се обезбедуваат снимки
Основното јавно обвинителство Скопје ги издава сите потребни наредби и насоки за целосно расчистување на вчерашниот случај во Карпош, кога...
Почувствуван земјотрес во Гостивар
Според досегашните податоци со кои располага Сеизмолошката опсерваторија при Природно-математичкиот факултет во Скопје, утрово во 5 часот и 21 минути...
(Видео) Објавено сведочењето на Клинтон за Епстин, Хилари е бесна
Нови видеа покажуваат како Хилари Клинтон речиси излегува од сведочењето зад затворени врати пред американските пратеници за Џефри Епстин откако...
Пезешкијан: Иран нема да стои настрана пред нападите врз училиштата и болниците
Претседателот на Иран, Масуд Пезешкијан, изјави дека неговата земја нема да стои настрана поради американско-израелските напади што погодија женско училиште...
Трамп: Подготвени сме да водиме војни колку што е потребно, имаме залихи што ќе траат засекогаш
Американскиот претседател Доналд Трамп преку својата платформа Truth Social извести дека САД имаат рекордни залихи на муниција од среден и...
Рубио: Израел планираше да го нападне Иран, мораше да извршиме превентивни напади
Одлуката на Израел да го нападне Иран и сигурноста дека американските сили ќе бидат цел на одмазда ја принудија администрацијата...
(Видео) Познатата Палата Голестан во Техеран е оштетена, објавени се фотографии
Делови од Палатата Голестан, единственото место на светското наследство на УНЕСКО во иранската престолнина, беа оштетени во воздушен напад извршен...
Америка ги повика своите граѓани веднаш да ги напуштат повеќе од десетина земји од Блискиот Исток
Американското министерство за надворешни работи денес ги повика Американците веднаш да ги напуштат повеќе од десетина земји на Блискиот Исток,...
Нетанјаху: Војната нема да трае со години
Израелскиот премиер Бенјамин Нетанјаху вчера изјави дека американско-израелската војна против Иран може да трае „некое време“, но нема да трае...
Се вршат разговори и се прибираат докази по трагедијата во Карпош, соопшти Обвинителството
Дежурен јавен обвинител од Основно јавно обвинителство Скопје извршил увид на локацијата во скопската општина Карпош, каде попладнево животот го...
„Денес потфрли целиот наш систем“: се огласи братот на жената која заедно со ќерката паднаа од зграда во Карпош
„Иако ми е тешко, сакам да се обратам во име на моето семејство – денес се случи убиство“. Ова на...
Мајка и дете загинаа по пад од зграда во скопски Карпош
Женско лице и нејзиното малолетно дете се пронајдени попладнево починати по пад од тераса во скопски Карпош. Од Министерството за...
