Од 2006 година, па до денес, владата предовдена од ВМРО-ДПМНЕ инвењстира во образованието и може да се пофали дека средношколците во Прилеп, учат во услови кои ги заслужуваат, потенцираа на прес-конференција, од владејачката партија.

„Бесплатно образование и бесплатни учебници, изградба на нови училишта и спортски сали, реконструкција на веќе постоечките училишни објекти, повисоки плати за наставниците се само дел од успешно реализираните проекти од областа на образованието. Средните училишта во времето на владеењето на СДСМ беа целосно запоставени, без никаква реализирана инвестиција. Родителите многу добро се сеќаваат на тоа време кога нивните деца учеа во незатоплени училници, со стари и искршени клупи и столчиња, и кога часовите по физичко се реализираа во импровизирани училници наместо во спортски сал“, велат од таму.

Во СОЕПТУ „Кузман Јосифовски Питу” извршена е замена на старите прозорци со нови ПВЦ прозорци и термопан стакло, поправен е покривот, поставена нова громобранска инсталација, термоизолациона фасада со што целосно се промени ликот на ова средно училиште, а беше изградена е нова спортска сала.

Во СОУ „Ѓорче Петров” целосно опремени се кабинетите за практична настава, а направено е и партерно уредување на училишниот двор, изградба на атмосферска канализација и нов влез, како и нова спортска сала.

„Инвестиравме и во другите средни училишта во Прилеп. Инвестиравме за целосно опремување на кабинети во СОУ „Орде Чопела”, реконструкција на постоечката котлара, промена на надворешната дограма и уште една нова спортска сала во СОУ „Ристе Ристески Ричко”. Во гимназијата „Мирче Ацев” извршено е опремување на училниците со нов школски инвентар, клупи и столчиња, направена е промена на дограмата“, рекоа од ВМРО-ДПМНЕ.
Сметаат дека средношколците од Општина Прилеп, конечно учат во услови какви што заслужуваат./крај/со/бб