Македонија
Вонредна владина седница за помош за Тетово по стихијното невреме

Портпаролот на Владата, Александар Ѓорѓиев информираше дека во вторникот е закажа владина седница по повод предизвиканите поплави од обилните врнежи, на која ќе се разгледаат состојбите и ќе утврдуваат понатамошните активности и пред се помошта за населението и субјектите, откако во понеделникот доцна ноќта премиерот Никола Груевски придружуван од вицепремиерот Владимир Пешевски, министрите за одбрана и за внатрешни работи Зоран Јолевски односно Митко Чавков, како и државниот секретар за транспорт и врски Божидар Петроски ги посетија настраданите населби
Според последните сé уште непотврдени информации, најмалку пет лица ги загубија животот, од кои две се деца, а уште единаесет се повредени во силното невреме проследено со пороен дожд и силен ветер што во доцните попладневни часови го зафати Полошкиот регион, а особено настрада Општина Тетово и околните населби.
„Правиме сé што е во наша моќ да им помогнеме на луѓето во погодените места, мобилизирани се сите можни институции“, изјави нота кон вторникот премиерот Никола Груевски од Tетово, каде што пристигна по информациите за тешката ситуација предизвикана од стихијното невреме.
Премиерот истакна дека веднаш откако ја примил информацијата за несреќите во Тетово и регионот, прво телефонски со раководителите на надлежните институции била организирана помош за настраданите жители.
„Веднаш потоа тргнав за Тетово заедно со потпретседателот Пешевски, со министерот за одбрана Јолевски, министерот за внатрешни работи Чавков и бевме во Голема Речица. Таму состојбата е лоша. Се видов со голем дел од месното население, ми раскажаа како точно се случило, дека всушност станува збор за излевање на реката поради надојдени води и дека има жртви. Во оваа прилика дозволете да изразам сочувство за семејства на жртвите. Слушнав дека најлоша е состојбата во Шипковица. По Голема Речица и средбата со граѓаните, дојдов овде во болницата каде поразговарав со директорот, ми кажа дека тука биле донесени две лица кои починале и уште девет повредени од кои едно е задржано овде во тетовската болница, другото е пратено за Скопје заради потешко повреди“, рече Груевски во телевизиската изјава ноќта кон вторникот.
Посочи дека екипи од тетовската болница со соработниците ќе замине за Шипковица, откако добиле информации дека првите екипи за санирање на ситуацијата успеале да се пробија во селото
„Навистина жалам за сево ова што се случи, правиме сé што можеме, имаме направено максимална мобилизација на сите можни институции, како на цетрална власт, така и општинската власт е максимално мобилизирана, распространети сме на сите страни, прави се што е во наша моќ да помогнеме на луѓето во погодените места, рече Груевски./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
На Табановце се чека до половина час за влез во државата

Сообраќајот на државните патишта се одвива непречено, по суви коловози, извести АМСМ.
Интензитетот на сообраќај на патните правци надвор од градските средини е умерен. Се бележи зголемена фреквенција на возила на ГП Табановце времето на чекање за влез во државата е околу 15 до 30 минути. На останатите гранични премини, од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
СДСМ: Демографија не се подобрува со кампањи, туку со квалитетен животен стандард и јасна перспектива за младите

„Наместо да создава услови младите да останат тука и да формираат семејства, Мицкоски ги брка од државата со зголемување на сиромаштијата и нееднаквоста, без да понуди каква било јасна перспектива за државата. Денес, младиот човек во Македонија е оставен без иднина. Стандардот е уништен. Платите се недоволни, а Мицкоски се заканува со нови даноци. Со вакви политики, за кратко време, тој ќе ги избрка сите од државата“, велат од СДСМ.
„Наместо да понуди современа, хумана и искрена поддршка за младите семејства, тој вели дека ќе ги едуцирал за „семејните вредности“. Демографијата не се решава со кампањи за „семејни вредности“, туку со стабилни и добро платени работни места, достапно и квалитетно здравство и сигурна социјална заштита.
Младите не бегаат затоа што не сакаат да создадат семејство, туку затоа што не можат да си го дозволат. Тоа е директен резултат на промашените и класично десничарски политики на оваа влада. Стандардот е намален за 20%, се богати само елитата околу Мицкоски, а за останатите граѓани нема никаква корист од владините политики.
Ако навистина сакаше да се раѓаат деца во Македонија, ќе се грижеше најпрво нивните родители да бидат сигурни и да ја гледаат својата иднина тука. Таква политика од Мицкоски нема“, соопшти СДСМ.
Македонија
Многу топло време со температура до 41 степен, попладне услови за пороен дожд и грмежи

Денеска времето ќе биде сончево и многу топло со мала до умерена облачност. Попладне ќе има услови за локална појава на нестабилност со краткотраен пороен дожд и грмежи. Ќе дува слаб до умерен, наместа повремено засилен ветер од југозападен правец.
Минималната температура ќе биде во интервал од 14 до 22, а максималната ќе достигне од 33 до 41 степен.
Во Скопје, сончево и многу топло, попладне со мала до умерена облачност. Ќе дува слаб до умерен југозападен ветер. Минималната температура ќе се спушти до 20, а максималната ќе достигне до 40 степени.
Времето во наредните денови
Во вторник ќе се задржи многу топло време со дневна температура наместа и над 40°C. Во попладневните часови ќе има услови за локална појава на нестабилност со краткотраен пороен дожд и грмежи.
Ќе дува умерен, а во западните делови повремено засилен ветер од југозападен правец. Во среда, а особено во четврток поради продор на посвежа воздушна маса од север ќе има значително опаѓање на дневната температура. Ќе дува засилен северен ветер, а претежно во северните делови ќе има повремен дожд.