Македонија
Втор уписен рок во јавните средни училишта, слободни 20.089 места

Во јавните средни училишта во четврток е вториот уписен рок, а има место за 20.089 осмоодделенци.
Министерството за образование и наука соопшти дека слободни места за вториот уписен рок има за вкупно 20.089 ученици од кои, 13.347 слободни места за настава на македонски наставен јазик, 5.969 за настава на албански наставен јазик, 739 слободни места за настава на турски наставен јазик и 34 слободни места на српски наставен јазик.
Согласно струката, во гимназиите има 5. 127 слободни места, а во стручното образование за осмоодделенците се достапни 14.818 слободни места. Во уметничко образование има 107 слободни места од кои 69 за ученици на македонски наставен јазик и 38 за ученици на албански наставен јазик. За настава на македонски јазик во спортската гимназија има 37 слободни места.
Министерот Абдулаким Адеми апелира до сите осмоодделенци да изберат некоја од струките во стручното образование, бидејќи се поголем број компании бараат добро оспособен и едуциран стручен кадар, кој може да одговори на предизвикот на брзиот развој на технологијата.крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Ажурирана листата на контакти за поддршка на граѓаните и семејствата на повредените кои се испратени на лекување во странство

Ажурирана листата на контакти за 24/7 поддршка на граѓаните и семејствата на македонските граѓани кои се испратени на лекување во странство, објави на Фејсбук страницата министерот за надворешни работи и надворешна трговија Тимчо Муцунски.
Дежурни телефонски броеви во Министерството за надворешни работи и надворешна трговија се: 075/273-732 и 075/268-736.
Во продолжение се телефонските броеви на дежурните контакти во странство, каде што се наоѓаат повредени македонски граѓани на лекување.




Македонија
Над 500 граѓани на Бугарија дарувале крв за повредените од Кочани

Над 500 граѓани во Бугарија дарувале крв за повредените Кочани од трагичниот пожар во дискотеката „Пулс“. Ова го соопшти бугарскиот Црвен крст за агенцијата БТА.
Сепак, многумина се прашуваат дали собраната крв ќе биде доволна за сите повредени. Затоа, организаторите апелираат до граѓаните да продолжат со дарувањето до крајот на неделата. Инаку, секоја капка крв може да направи разлика за нечиј живот.
Крводарувањето се одржува во две клучни институции во Софија. Првата е Универзитетската болница за активно лекување и итна медицина „Н.И. Пирогов“. Втората е Националниот центар за трансфузиона хематологија. Денеска, 381 лице учествувало во акцијата за повредените Кочани. Вчера, пак, за само три часа над 120 лица дарувале крв. Од прес-службата на Црвениот крст на Бугарија соопштиле:
„Со болницата ‘Н.И. Пирогов’ и Националниот центар за трансфузиона хематологија организираме голема акција за да обезбедиме крв за младите луѓе повредени во несреќата во Кочани“.
Македонија
Пациентите примени во Анкара од денес дишат самостојно, Министертвото со информација за хоспитализираните млади луѓе по пожарот

Министерството за здравство информира дека медицинските тимови на здравствените установи и денеска се целосно ангажирани во обезбедување соодветна медицинска нега за сите пациенти.
На Клиника за пластична хирургија во моментот се хоспитализирани – 10 пациенти,
На Клиника за токсикологија – 10,
На Торакална – 4,
на трауматологија – 2,
на Детска хирургија – 4,
на КАРИЛ – 13,
На Клиника за пулмологија – 2,
Во ГОБ 8 септември -17,
Во Хируршка клиника „Св Наум Охридски“ -11
Во ОБ Штип – 2
Според информации од медицинските центри во Австрија, од шест пациенти, пет се на интензивно лекување во стабилна состојба, додека еден е префрлен на интерно одделение.
Во Литванија – четири пациенти се на интензивно лекување во стабилна состојба.
Петтемина пациенти повредени во пожарот во Кочани кои беа испратени на лекување во Анкара, Турција, од денес дишат самостојно.
Во Србија во моментот се лекуваат 30 пациенти, кои се на интензивно лекување во стабилна состојба.
Во здравствени установи во Бугарија се лекуваат 14 пациенти, од кои седум се на интензивна нега, а останатите се со помал процент на изгореници и самостојно дишат.
Во Грција се лекуваат осум пациенти, кои се стабилни во моментот.
Во текот на ноќта се очекува пациенти да бидат упатени во европски центри, за што Министерството за здравство изразува благодарност за поддршката која ни се пружа од првиот момент од нашите меѓународни партнери.