Македонија
Советувалиштата за откажување од пушење отворени за сите граѓани
Советувалиштата за откажување од пушење, лоцирани во центрите за јавно здравје во Македонија, од четврток се отворени за сите граѓани.
Советувалишта ќе има во секој Центар за јавно здравје, а во нив ќе бидат ангажирани стручен и обучен кадар од доктор-специјалист, медицинска сестра и здравствени соработници (социјален работник, психолог и др), кои ќе одржуваат едукативни предавања, со фокус на презентирање на штетните ефекти од пушењето врз здравјето на пушачите, како и на штетните влијанија од тутунскиот чад за околината. Исто така, во рамки на предавањата ќе се презентираат и различните можности за одвикнување од пушењето, со посочување на одредени супститути на никотинот како и укажување на симптомите на апстиненцијалната криза.
Советувалиштата за откажување од пушење почнаа да функционираат во јуни годинава и со нив првично беа опфатени здравствените работници кои се пушачи, а со цел понатаму истите да можат да придонесат кон одвикнување од пушење кај нивните пациенти, велат од Министерството за здравство.
Имено, студиите на оваа тема спроведени во нашата земја, покажаа дека речиси 80% од лекарите сметаат дека пациентите полесно ќе се одвикнат од пушење доколку ги советуваат лекарите, имајќи го предвид нивниот кредибилитет, а воедно и поддршката која може да им ја пружат во соочувањето со предизвикот со кој и тие самите се соочиле.
Во контекст на методите на едукација, во советувалиштата ќе се врши групна едукација на сите лица кои ги посетуваат советувалиштата, или околу десетина во група, но со оглед на тоа што откажувањето од пушењето претставува релативно долготраен процес кој не се заокружува со само едно едукативно предавање, во советувалиштата е предвидена и индивидуална едукација на лицата кои ќе искажат желба и волја да се откажат од пушењето, информира МЗ.
Целта на овие советувалишта, стои во соопштението на МЗ, е целокупно подобрување на јавното здравје и одржување на здрави генерации во нашата земја.крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
ВМРО-ДПМНЕ: Над 180.000 гласови предност се обврска за ВМРО-ДПМНЕ Македонија повторно да ја врати на народот
180.000 гласа разлика во корист на Силјановска Давкова и ВМРО-ДПМНЕ пред Пендаровски и СДС е порака дека народот сака промени и крај на понижувањата, соопштија од ВМРО-ДПМНЕ.
„Народот не поддржува политика на понижување на Македонија. Граѓаните јасно кажаа дека се против криминалот на СДС и ДУИ. 7 години Македонија тоне на секое поле. На почеток на секоја учебна година немаше учебници за учениците, за болните немаше лекарства, за земјоделците немаше откуп. Народот не се чувствуваше безбеден, криминалот царуваше по улиците“, велат од ВМРО-ДПМНЕ.
Како што истакнуваат, народот не сака да живее повеќе во несигурност.
„Над 180.000 гласови предност се обврска за ВМРО-ДПМНЕ Македонија повторно да ја врати на народот. Победата во вториот круг ќе биде уште поголема, а СДС и Пендаровски, заедно со нивните газди од ДУИ никогаш повеќе нема да бидат во позиција да го понижуваат народот. Македонија повторно твоја“, завршуваат од ВМРО-ДПМНЕ.
Македонија
ЦУК: Коловозите во државата на многу места се влажни и имало ситни одрони на сите патни правци
Во Центарот за управување со кризи, имало вкупно 1 694 повици на единствениот повикувачки број за итни случаи 112.
Од нив „реални“ повици биле 49,82 отсто, а 50,18 отсто биле за други потреби на граѓаните што не биле итни. Кон полиција биле упатени 69,92 отсто и кон итната медицинска помош 28,91 отсто од реалните повици кон 112 во ЦУК.
Во последното деноноќие немало евидентирани пожари на отворено.
Од ЦУК потсетуваат дека коловозите во државата на многу места се влажни и имало ситни одрони на сите патни правци во последното деноноќие.
Екипите ги отстранувале одроните на патот и нема прекин на сообраќајот.
Сервисни информации
Преку денот сончево со мала до умерена облачност, утрото претежно ведро и наместа постудено
Времето денеска со претежно ведро и наместа постудено утро. Преку денот ќе биде сончево со мала до умерена облачност. Попладне во планинските региони ќе има услови за краткотраен локален дожд. Ќе дува слаб до умерен ветер претежно од западен правец. Минималната температура ќе биде во интервал од -1 до 7, а максималната ќе достигне од 16 до 23 степени.
Во Скопје ќе биде сончево со мала до умерена облачност и со слаб ветер од северозападен правец. Минималната температура ќе се спушти до 3, а максималната ќе достигне до 21 степен.
Во сабота попладне ќе има услови за локална нестабилност со краткотраен пороен дожд и грмежи. Потоа следува период на стабилно и топло време.