Македонија
Забранета емисијата на Миленко Неделковски, „Вистината за Макпетрол“

Во текот на вчерашниот ден, Миленко Неделковски, на својата фан страна на социјалната мрежа Фејсбук, објави пост, со видео од нова емисија во склоп на своето шоу, насловена како „Вистината за Макпетрол, Оилко и Андреја Јосифовски“.
Премиерата на оваа емисија не беше емитувана на ТВ. Дали поради некоја причина на некого не му одговарало оваа емисија да биде емитувана пред македонската јавност? Утрово, Неделковски преку својата фан страна, повторно се обрати кон своите фанови со информација дека во текот на ноќта се случил обид видеото да биде отстрането, со цел спречување на негово ширење и прегледување на YouTube. Тој во својот нов пост напишал: Бидејки во последните 12 саати имаше десетици обиди да биде симната емисијата од мојот Јутјуб канал, бидејки имаше обиди за бришење и уништување на материјалот, соопштувам дека на крајот НЕ УСПЕАЈА.За сите илјадници луѓе што не ме оставија да спијам синојка и да бидам раат утрово, ова е инфото.Еве ја целата емисија:https://youtu.be/cOIHEA2OpzQ
Фамата околу Макпетрол не стивнува Преземањето на најголемата компанија за нафта во Македонија, Макпетрол, од страна на Балкан Петролеум Холдинг Лимитед, за кое што инвеститорите се во исчекување на одговор од КХВ за издавањето на дозволата, е сè поактуелна тема, која најмногу ги интересира акционерите и вработените во оваа компанија. Откако беше јавно објавена намерата на БПХЛ да ја преземе компанијата, македонската јавност е преплавена со безброј информации и напади упатени кон БПХЛ, со седиште во Лондон, со обвинувања дека истата е оф-шор компанија, со бизнисмени кои биле поврзани со сомнителни зделки и слично. Дополнително се појавија и нови информации кои го поврзуваат првиот човек на Макпетрол со компанијата Petroimpex (Overseas) Limited, која според добиени информации била формирана пред повеќе од 20 години во период кога Кипар сè уште била оф-шор дестинација, со бизнис партнерот, Милан Сотивовски, кои делеле по 25% учество заедно со Макпетрол со 50% учество, нешто за кое според информациите акционерите воопшто не биле запознаети. Оваа компанија била затворена во 2013, три години откако во Кипар се носи нов закон и правила дека земјата повеќе не претставува оф-шор дестинација и е во рамките на ЕУ./крај/мф
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Скопје
(Фото) Скопје на удар на невреме, силен ветер, паднати дрва, пожари во делови од градот

Скопје се соочува со нестабилни временски услови во текот на денешниот ден. Во моментов, во градот дува многу силен ветер, небото е облачно, а во некои делови, како Волково и Куршопек, се јавува пороен дожд.
Скопјани пријавуваат дека поради искрења на жиците за електрична енергија настанале пожари, а во некои населени места и прекини во електричната енергија. Засега нема официјални информации од ЦУК или ДЗС, но се очекуваат во текот на денот.
Скопјани на социјалните мрежи пријавуваат дека во повеќе населби има паднато големи дрва од силниот ветер. Едно во Капиштец го има дури комплетно стопирано сообраќајот во близина на поранешна Нова Македонија.
Утрово, Управата за хидрометеоролошки работи најави дека попладне и во текот на ноќта во Скопје ќе се развие нестабилност со пороен дожд и грмежи. На одредени делови од котлината можна е појава на невреме. Ќе дува умерен до засилен југоисточен ветер, а температурата ќе се движи од 12 степени во најстудените делови од денот до максимални 36 степени.
Граѓаните се советуваат да бидат внимателни, да избегнуваат движење во отворени простори за време на силни грмежи и да ги следат официјалните информации за евентуални последици од невремето.
Македонија
Мицкоски жестоко му одговори на Филипче: Доста беше со итроштини, народот веќе не заборава, вие продадовте сѐ

Премиерот Христијан Мицкоски денеска остро одговори на изјавата на лидерот на СДСМ, Венко Филипче, за нова декларација во Собранието за евроинтеграциите, нарекувајќи ја политика на „итроштини“ и обид за манипулација со граѓаните.
Премиерот потсети дека СДСМ и ДУИ веќе еднаш гласале декларација за неприфаќање на ултиматуми од Софија, но потоа, како што рече, прифатиле сè.
„СДСМ и ДУИ го потценуваат народот. Играт на картата на кратка меморија. Ама граѓаните добро знаат, прво донесоа декларација дека нема да се менува името, па го променија. Рекоа дека ќе го почитуваат референдумот, па не го почитуваа. Сè што ветија, изневерија“, истакна Мицкоски.
Тој порача дека Владата што ја предводи има јасна стратегија за иднината: „Нашата цел е развој, реформи и изградба. Ова не е игра за итроштини и ситни маневри. Тоа го видовме седум години и видовме каде стигнавме“.
Осврнувајќи се на поранешните функционери од СДСМ и ДУИ, премиерот рече дека граѓаните јасно гледаат „како со години се збогатуваа, а денес располагаат со милионски имот во земјата и странство“.
Лидерот на СДСМ, Венко Филипче, претходно изјави дека Собранието треба да донесе заедничка резолуција за евроинтеграциите и дека доколку Бугарија повторно стави вето, Македонија треба да ги прекине преговорите со ЕУ. Според него, Владата води „неискрена политика“ и свесно го пролонгира процесот.
Македонија
(Фото) Почина поранешниот директор на Здравствен дом – Скопје, д-р Виктор Исјановски

Тажна вест ја потресе македонската здравствена јавност попладнево. Почина д-р Виктор Исјановски, психијатар и поранешен директор на Здравствен дом – Скопје.
Неофицијално, Исјановски починал во Грција, каде што престојувал на летување. Вчера на социјалната мрежа Инстаграм Владимир Ристов – Камењар сподели фотографија од Таверна Фарос каде што е во друштво со д-р Исјановски и со кошаркарската легенда Перо Антиќ.

Фото: Инстаграм
Д-р Исјановски беше на чело на најголемата здравствена установа во државата од јуни 2019 до 2024 година. Јавноста најмногу го памети по неговиот ангажман за време на пандемијата на коронавирусот, кога Здравствен дом – Скопје со сите ресурси беше ставен во служба на граѓаните, особено во процесот на масовната вакцинација.
По професија специјалист психијатар, зад себе остави богата професионална кариера. Роден е на 21 јули 1978 година во Скопје, каде ги заврши основното и средното образование, а Медицинскиот факултет во Скопје го завршил во 2003 година.
Приватно, д-р Виктор Исјановски беше сопруг и татко на две деца.