Во математичка писменост од 58 држави, нашите ученици се на 44 место. Во природни науки сме три места подолу, односно на 47 место. Ова се резултатите од последното меѓународно ТИМСС тестирање што беше спроведено во 2023 година, по петти пат во нашата држава. Тестирани беа ученици од четврто одделение, на македонски и на албански јазик и за прв пат електронски, извести МОН.

И оваа меѓународна компаративна студија покажа дека на нашиот воспитно-образовен систем му се потребни крупни промени, за да можат нашите ученици да ги подобрат знаењата. Затоа, делуваме во сите сегменти на образованието, почнувајќи од основното, постепено и со консултација со сите засегнати чинители.

Најавивме и во се поголем број училишта реализираме продолжен престој во училиште, како можност за повеќе наставни и воннаставни активности, подобро совладување на материјалот, стекнување на нови вештини, развивање на интереси. Преку процесот на оптимизација, градиме ефикасна училишна мрежа која ќе доведе до најдобар успех на учениците со рационално користење на ресурсите. Го реформираме гимназиското образование, го прошируваме концептот на дуално образование и развиваме нови регионални центри за стручно образование и обука. Наставниците продолжуваат со сериозни обуки, затоа што тие се темелот на целиот воспитно-образовен систем, велат од МОН.

Подобрување на резултатите на државата на меѓународните тестирања ќе дојде само како резултат на реално подобрување на квалитетот на целиот воспитно-образовен систем и на тоа континуирано работиме.

TIMSS (Trends International Mathematics and Science Study) е интернационална студија во која се мерат постигањата на учениците по математика и природна група предмети (природни науки, физика, хемија, биологија), како и факторите кои влијаат на тие постигања.

Во меѓународни рамки, Сингапур го држи првото место и по математичка писменост и по наука, се додава во соопштението на МОН.

„СДС по изборите на 8 мај кога граѓаните им дадоа црвен картон, наместо да наоѓа начин за консолидирање, бара начин за факторизирање на општествената и политичката сцена, без работа на терен“, реагира ВМРО-ДПМНЕ на соопштението на СДСМ.

„СДС комплетно се лаже дека барањето за лидерска средба, ќе го направи Филипче лидер.

Филипче треба да знае дека ниту Заев, ниту лидерска средба нема да го направи лидер на опозиција.

Филипче најдобро да си излезе на терен и да се соочи со реалната ситуација, а тоа е негативното мислењето на народот за нив.

СДС ако толку многу сакаат да зборуваат за некоја тема, слободно можат тоа да го направат во парламентот, ама со оглед на тоа што немаат што да кажат апсурдно повикуваат на лидерска средба преку медиумите, се со цел да се факторизираат.

На сите им е јасно дека СДС е на колена, дека е партија без кредибилитет, која се занимава само со криминални политики, и која направи грабеж и банкротирање на државата“, се додава во реакцијата на ВМРО-ДПМНЕ.

РЦУК Скопје, известува дека утрово во 09.18 часот, добиле пријава од заглавено лице во месноста „Празни торба“ – Црни врв, с.Цветово (Општина Студеничани), коешто се наоѓало во сопствена викендица.

Според известувањето од пријавителот, на местото каде се наоѓал имало наноси од снег кои биле повисоки од 60 сантиметри и лицето не било во можност да го користи сопственото моторно возило иако поседувало зимска опрема.

Од страна на РЦУК Скопје известен бил градоначалникот на Општина Студеничани, кој информирал дека имаат договор со фирма за чистење на снегот, но само до населените места.

Во 15.30 часот, вчера, од градоначалникот била добиена информација дека не успеале да обезбедат багер за чистење на снегот, но на пријавителот му било понудено да биде евакуиран со возило-мотор со гасеници, но истиот го одбил тоа, бидејќи не сакал да го остави возилото.

Дел од регионалните центри за управување со кризи според ЦУЈК известиле и за населенте места каде електричната енергија се уште е во прекин после врнежите од дожд и од снег на повисоките места.

„Регионалниот ЦУК Велес, ја пренесува информацијата од ЕВН Македонија дека поради дефекти настанати од врнежи од снег без електрична енергија од 07:00 часот се селата Рожден, Мајдан и Моклиште (Општина Кавадарци).
РЦУК Тетово, ја пренесува информацијата од ЕВН Македонија дека по последните обилни врнежи од снег во мавровскиот регион без напојување со електрична енергија се селата: Сретково, Железна Река, Страјане , Богдево, Ничпур и караулата „Стрезимир“. Екипите на ЕВН не можеле до сега да интервенираат поради висината на снежната покривка и недостапните патишта. Се очекува интервенција на екипите во текот на денешниот ден“, објави ЦУК.

Од центарот потсетуваат дека сите итни случаи се пријавуваат на Единствениот повикувачки број за итни случаи 112 во ЦУК, особено кога граѓаните имаат животозагрозувачки ситуации.

Истовремено, ЦУК информира дека е корисно да се следат препораките и информациите од медиумите за превенција, а и за реагирање при итни случаи.