Македонија
И Комората на архитекти ќе го разгледува наметнатиот зелен покрив на ГТЦ
По реакциите на архитектите за несериозниот проект за зелен покрив на Градскиот трговски центар (ГТЦ) и Комората на архитекти на Македонија најави дека ќе го разгледа случајот. Официјален став за проектот најави и Асоцијацијата на архитекти на Македонија (ААМ), а скопјани го квалификуваа презентираниот проект како наметнат на истиот принцип на кој на трговскиот му се наметнуваше барокот.
„За жал, досега немаме официјален став, но задолжително на некоја од наредните седници ќе го ставам на дневен ред ова прашање и начинот на кој е одбран проектот по кој ќе се уредува покривот. Сега имаме други приоритети и затоа сè уште немаме став“, изјави за „Макфакс“, Реџеп Асани, раководител на одделението за архитекти во Комората на овластени архитекти и овластени инженери на Република Македонија.
Од ГТЦ, кои го одoбриле проектот, иако најавија, не одговорија на прашањата по кои критериуми го одбрале проектот и зошто тоа не го направиле на конкурс.
Претседателот на Асоцијацијата на архитекти на Македонија, Мартин Пановски, како и многу негови колеги, имајќи го предвид значењето на ГТЦ за Скопје, побараа за зелениот покрив да биде распишан конкурс на кој ќе можат заинтересираните да понудат решенија кои би биле избрани низ транспарентна постапка.
Градоначалникот на Скопје, Петре Шилегов, втор ден не одговара на забелешките од архитектите, иако проектот се финансира од градската каса.
Според објавите на УНДП кои во соработка со Град Скопје и ГТЦ го реализираат проектот за зелен покрив на трговскиот, градината ќе го чини Скопје околу половина милион евра. На 1.800 квадратни метри на покривот на ГТЦ треба да бидат засадени 29 високи дрвја, да се уредат тревници, фонтани, кафетерија и да се постават клупи. Покрај забелешките за нетранспарентниот избор на проектот, архитектите замеруваат што голем процент од зелената градина е отстапен за плочник од бекатон.
Според податоците на УНДП, проектот кој наиде на многу негативни коментари во јавноста е дело на Антон Кајтази од Агенцијата за недвижности „Дом дизајн“. Тој денес, исто како и градоначалникот и директорот на ГТЦ, не одговори на обвинувањата за проектот за зелениот покрив на трговскиот центар.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Силјановска се заблагодари за честитката од ЕУ: Со нетпрение очекувам да ја продолжиме соработката
Силјановска Давкова се заблагодари за честитката од ЕУ и порачува дека со нетпрение очекува да ја продолжам соработка со Европската Унија за конечно заокружување на европската интеграција на целиот регион.
„Денеска, како избрана претседателка, добив официјално соопштение од Европската Унија со кое ми се честита победата на изборите. Темелот на мојата на кампања беше градењето на консензус помеѓу сите политички партии во Собранието, како од власта, така и од опозицијата, граѓанското општество и македонските граѓани, независно од нивните разлики. Нашиот клучен стратешки проект е европската интеграција и истата останува да биде темел за градењето на консензус помеѓу различните чинители во општеството. Потенцирам дека под мое водство нашата надворешна политика ќе продолжи да биде целосно усогласена со заедничката надворешна и безбедносна политика на Европската Унија. Со нетпрение очекувам да ја продолжам соработка со Европската Унија за конечно заокружување на европската интеграција на целиот регион“, се наведува во соопштенеито испратено од тимот на Гордана Силјановска Давкова.
Европската унија и честита на Гордана Силјановска Давкова за нејзината победа на претседателските избори во Македонија и со нетрпение очекува да работи со првата жена лидер во земјата, изјавија високиот претставник на ЕУ за надворешни работи и безбедност Жозеп Борел и европскиот комесар за проширување и соседска политика Оливер Вархеи.
Борел и Вархеи, во заедничката изјава објавена по повод вториот круг од претседателските и редовните парламентарни избори во Северна Македонија, ги охрабрија „релевантните политички актери да работат на формирање парламент и стабилна влада“.
Македонија
(Видео) Стоилковски го поздрави лидерот на ДУИ јадејќи бисквита: „Поздрав, Али“
Портпаролот на ВМРО-ДПМНЕ, Наум Стоилковски, на социјалните мрежи објави видео во кое, јадејќи бисквита го поздрави лидерот на ДУИ, Али Ахмети.
Стоилковски вели дека оди на состанок со коалициските партнери на ВМРО-ДПМНЕ, а потоа зема бисквита и почнува да ја јаде.
„Поздрав, Али“ , вели Стоилковски.
Стоилковски алудира на изјавата на Ахмети која тој ја даде од митингот на „Европскиот фронт“ во Скопје пред одржувањето на првиот круг од претседателските избори кога рече оти лидерот на ВМРО-ДПМНЕ е израснат со бисквити и гурабии.
Македонија
ЕУ: Очекуваме соработка со претседателката на Македонија, парламентот и владата за да работиме на европскиот пат
Европската унија и честита на Гордана Силјановска Давкова за нејзината победа на претседателските избори во Македонија и со нетрпение очекува да работи со првата жена лидер во земјата, изјавија високиот претставник на ЕУ за надворешни работи и безбедност Жозеп Борел и европскиот комесар за проширување и соседска политика Оливер Вархељи
Борел и Вархеи, во заедничката изјава објавена по повод вториот круг од претседателските и редовните парламентарни избори во Северна Македонија, ги охрабрија „релевантните политички актери да работат на формирање парламент и стабилна влада“.
„Двете институции треба да работат заедно на подобрување на европскиот пат на Северна Македонија, кој вклучува имплементација на клучните реформи, особено во областа на владеењето на правото и борбата против корупцијата, во интерес на сите нејзини граѓани“, се вели во заедничката изјава на Борел и Вархеи.