Македонија
(Видео) Ќе отпаднат ли бомбите на СЈО поради истрагите за Али Ахмети и Бујар Османи?

Иднината на специјалното јавно обвинителство зависи од волјата на мнозинството, но и на осумте пратеници, кои треба со нивните гласови да овозможат да биде изгласан законот за јавното обвинителство во Собранието.
Овој закон се однесува и на иднината на специјалното јавно обвинителство. Станува збор за двотретински закон, за чие изгласување власта треба да обезбеди поддршка од 80 пратеници во законодавниот дом.
Министерката за правда, Рената Дескоска-Треневска, на денешниот брифинг со новинарите рече дека има два предлог-закони на ЕНЕР за специјалното јавно обвинителство. Едниот што го предлага СЈО, а другиот што го предлага работната група.
Во неформалниот дел од средбата посочи дека има и трет предлог од политички партии за мандатот на СЈО и надлежноста за бомбите за тековните истраги. Меѓу другото, станува збор и за прашањето за надлежноста на бомбите и за прашањето дали прислушуваните материјали може да бидат користени како доказ или индиција во истражните постапки по рокот за поднесување на обвиненијата.
Дел од истрагите за кои СЈО за кои сè уште нема поднесено обвинение се: „Табла“, „Империја“, „Поштенска банка“, „Подарок“, „Пропаганда“, „Дизајн“, „Хармонија“, „Базни станици“, „Пациент“, „Попис“, „Моќник“, „Актор“, „Странски служби“, „Друмарина“, „Продуцент“, „Лидери“, „Тарифа 2“, „Транспортер 2“.
Дел од истрагите на СЈО се за предмети преземени од редовните обвинителства и за нив СЈО може да поднесе обвининие со рок од 18 месеци по преземање на предметот, а останатите истраги ќе зависат од законското решение и волјата на пратениците.
Во дел од тековните истраги на СЈО се вклучени и функционери на ДУИ. Лидерот на партијата, Али Ахмети, е осомничен во истрагата „Попис“, а Бујар Османи во истрагата „Пациент“. Оттука, неизвесно е која форма на закон за статусот на СЈО, ќе ја поддржат пратениците на ДУИ.
Неизвесно е дали пратеничката Елизабета Канческа-Милевска би била сведок или осомничена во некоја од новите истраги на СЈО. За Законот за СЈО треба да се изјаснат и пратеникот Зеќир Рамчиловиќ од Здружението за културно обединување на Бошњаците од Македонија „
Министерката Дескоска рече дека се водат дебати и се разгледуваат опции околу дефинирањето на надлежноста на специјалното јавно обвинителство за прислушуваните материјали и разграничувањето на нивната надлежност со онаа на Обвинителството за гонење организиран криминал и корупција.
Се разгледува и опција околу тоа дали би можела да се врзе надлежноста на обвинителството, не само за круг на луѓе, туку и за висина на штета и корист, за да има подобро разграничување во оние случаи каде што се вклучени и носители на јавни функции и други лица.
Министерката е децидно против амнестија на кривични дела за отворени истраги. „Оние постапки кои е во фаза на обвинение, за мене нема дилема дека треба да продолжат. Во делот со истрагите мислам дека е вложен труд од СЈО и тука не треба да се дозволи да има амнестирање за кривични дела со изменување закон. Во тој дел ќе мора да водиме сметка, да се направи прецизна одредба која ќе даде можност истрагата за делата кои се направни да продолжи“, рече Дескоска.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Ќе ја извршувам функцијата со должна почит и одговорност, рече Џафери кој ќе седне на премиерската фотелја 100 дена пред избори

Претседателот на Собранието од редовите на ДУИ, Талат Џафери, се огласи во јавноста откако партијата му ја даде довербата да биде технички премиер во период од 100 дена пред изборите, односно од 28 јануари до 8 мај.
„Ми претставува особена чест за доделената доверба од партиските органи и секако можам да кажам дека и оваа функција со должна почит и одговорност ќе биде спроведена од моја страна, како одговор на поддршката од партиските органи и граѓаните“, рече Џафери.
Именувањето на технички премиер кој во предизборниот период ќе дојде од редовите на ДУИ , беше дел од коалицискиот договор меѓу екслидерот на СДСМ, Зоран Заев и на Интегративците, Али Ахмети, а по изборите во 2020 година. На тие избори ДУИ водеше предизборна кампања повикувајќи ги граѓаните да го изберат првиот премиер Албанец.
Македонија
ВМРО-ДПМНЕ: По дезертерот Ковачевски, доаѓа дезертерот од АРМ и деспот од Форино Талат Џафери, срам за Македонија

СДСМ забега со штетите кои ги предизвикува за Македонија. Ковачевски дезертирал од Армијата, правејќи се болен, само за да не ја отслужи својата обврска, исто како и неговиот наследник на местото технички премиер Талат Џафери, кој 2001-та од Армијата преминува во УЧК, реагира ВМРО-ДПМНЕ по одлуката на ДУИ, Џафери да биде премиер 100 дена пред избори.
„Деспотот од Форино ќе остане запаметен по неговите кршења на законот и процедурите и незаконскиот начин на кој беше поставен на тоа место. Тој одбиваше иницијативи за референдум ставајќи се во улога на врховен и уставен судија, потоа редеше европски знаменциња на сите штетни закони со кои оваа власт на ДУИ и СДС го крадеа народот и државата.
Исто така Талат Џафери ќе остане запаметен и по неуставното и незаконското донесување на законот за јазиците и редица други системски закони.
Сега јасно е зошто Ковачевски не се откажуваше од техничка влада. Дезертерот Ковачевски ќе биде заменет со нов дезертер Џафери“, велат од ВМРО-ДПМНЕ.
Македонија
Талат Џафери ќе биде технички премиер до изборите

Демократската унија за интеграција (ДУИ) на партискиот состанок одлучи актуелниот претседател на Собранието, Талат Џафери, да биде човекот кој ќе ја преземе функцијата технички премиер од 28 јануари до изборите на пролет.
На состанокот истовремено, Фатмир Бесими е избран за шеф на Централниот изборен штаб за изборите 2024. Се овластува претседателот на партијата да продолжи со разговорите со политичките партии и да одлучува за евентуални коалиции за претседателските и парламентарните избори.
Именувањето на технички премиер Албанец во предизборниот период беше дел од коалицискиот договор меѓу екслидерот на СДСМ, Зоран Заев и на ДУИ, Али Ахмети по изборите во 2020 година, откако ДУИ водеше предизборна кампања за премиер Албанец.
Неделава на лидерска средба беше договорено парламентарните избори да се оддржат на 8 мај.