Изборите покажаа дека Заев е најлошото за вашата општина, народот одбра иднина, велат од ВМРО-ДПМНЕ.

„Народот на Македонија победи, ја победи неработата, безидејноста и неспособноста на СДСМ. Победија мажите и жените, младите и старите. Победи Македонија. Победи желбата за подобро утре. Се роди нова надеж, надеж за промени, за нова иднина. Народот масовно гласаше против поделбите. Народот избра заедничка иднина. Победа е првиот голем чекор до просперитетна Македонија. Ова е победа на народот и ние нема да го изневериме народот“, велат од партијата.

Од ВМРО-ДПМНЕ велат дека уште од првиот ден како градоначалници и советници луѓето од ВМРО-ДПМНЕ избрани на тие функции целосно ќе се посветат на решавање на проблемите на луѓето.

„Но финалната победа доаѓа по вториот круг. За да се заокружи процесот. Излезете и гласајте масовно за кандидатите на ВМРО-ДПМНЕ и коалицијата. Промените веќе никој не може да ги запре“, велат од ВМРО-ДПМНЕ.

Институциите да проверат како Дарко Каевски на 30 години има стан и 4 милиони во банка, дали е тоа причината за која им должи на Заеви, па мора да лаже на пресови, реагираат од ВМРО-ДПМНЕ откако денеска пратеникот на СДСМ обвини дека Данела Арсовска и нејзините фирми ја оставиле салата „Расадник“ руина.

„Каевски на 30 години има сопствен стан за кој, како што навел во анкетниот лист, вели дека го купил во 2020 година од свои лични пари и 4 милиони денари во банка. Како успеал Каевски на 30 години да стекне имот од над 125 илјади евра“, прашуваат од опозициската партија.

Од таму додаваат и дека Дарко Каевски е функционер само 5 години, а платата му е приближно 1.000 евра.

„Целата плата да ја штедел и да не трошел за храна и живеење, ќе соберел само 60.000 евра. Од каде му е остатокот од 65.000 евра? Каевски треба сериозно да одговори од каде му се парите. А институциите да не молчат и да постапат веднаш“, сметаат од ВМРО-ДПМНЕ.

Шилегов и досега ќе ја реконструира Универзалната сала, ама беше зафатен со кревање два ката на зградата дивоградба и на хациендата во Маврово, реагираат од ВМРО-ДПМНЕ на денешната прес-конференција на актуелниот скопски градоначалник и кандидат за втор мандат.

„Универзалната сала можеби и ќе беше завршена да не требаше да се платат 1,7 милион евра за противпожарната скала, а за која во Загреб е платено 900.000 евра.

Универзална сала сигурно ќе беше завршена и Шилегов ќе ја направеше, ама мораше да распише местен тендер од 300.000 евра за да ги покрие градежните зафати на „Варшавска“, каде што плаќал и до 8 пати повеќе од претходно.

Шилегов можеби и ќе ја направеше Универзална, ама целиот свој мандат се мисли како да ги пробие тунелите под Калето“, критикуваат од паријата.