ВМРО-ДПМНЕ на чело со некрофилот Христијан Мицкоски продолжува со злоупотреба на жртвите од коронавирусот, си поигрува со чувствата на нивните најблиски и ги користи за политичко профитирање, а до вчера зборуваа дека вирусот е смешен, соопшти СДСМ.

„Пандемијата зеде замав насекаде во светот и наместо да ги поддржи напорите за справување со кризата, Мицкоски стои на страната на вирусот и нанесува штета со црната кампања против здравствениот систем, опструкциите, ширењето лажни вести, со кои предизвикува страв и паника кај граѓаните.

Граѓаните знаат дека во борбата со коронавирусот Владата предводена од СДСМ прави с è за да се заштити здравјето, а ВМРО-ДПМНЕ кочи средства за опремување ковид-болници, организира настани на кои масовно се прекршуваат мерките за заштита, ги поттикнува луѓето да не носат маски.

Мицкоски глуми загриженост за здравјето на граѓаните, а со своето однесување го доведува во опасност.

Она за што Мицкоски навистина се грижи е како да ја задржи фотелјата во белиот дворец по три избори порази. Затоа уште долго ќе остане во опозиција“, се наведува во партиското соопштение.

Во која друга земја во светот во една иста просторија има мртовци и пациенти што се лекуваат. Тоа, за жал, се случува во битолската болница во Македонија. Тоа е последица на распаднатиот здравствен систем, кој е продолжение на случаите каде што во двор на болница се примаше инфузија, пациент во Штип почина поради недостиг на кислород, пациентка од Струга почина во дворот на охридската болница, само затоа што не ја пуштија да се лекува, обвини ВМРО-ДПМНЕ.

„Вистината е дека Филипче ја лаже јавноста оти болниците се отворени за сите пациенти. Во болницата ‘8 Септември’ не примаат пациенти над 70 години. Овие луѓе се оставени да умрат во немилост од државата.

Вистината е дека Филипце ја лаже јавноста кога вели дека ја има ситуацијата под контрола кога нема ништо под контрола.

Поради неспособноста на Филипче, со денови се чека за тестирање, а уште толку за да се добијат резултатите. Дополнително, луѓето се позајмуваат за да може да се тестираат, а додека чекаат резултати, остануваат и без работа.

Сведоштвата што ги слушаме од луѓето секојдневно, а кои и често ги пишуваат и на социјалните мрежи, се траурни.

Филипче не успеа да се справи со коронакризата. На секаде ни се случува хаос, а Македонија е рекордер по бројот на умрени на милион жители, ни умираат луѓе буквално на секој час од Ковид-19.
Филипче и Заев се главните виновници што се губат животи“, се додава во соопштението.

Подготовката на зимската сезона не е нешто за кое треба да се пуштаат соопштенија, тоа е работа што Град Скопје треба да ја врши редовно затоа што е надлежност и обврска на градоначалникот, велат од ВМРО-ДПМНЕ како реакција на денешните активности на скопскиот градоначалник Петре Шилегов.

„Тој се фали дека е спремен за снег во ситуација кога има најмалку четири општини во градот Скопје во моментот во кои загаденоста е на највисоко ниво. Лесно е кога градоналникот на Скопје има хациенда во Маврово, па може да избега во секое време на чист воздух, луксуз што повеќето од граѓаните на Скопје не може да си го дозволат, па се принудени да се задушуваат во тони смет од дивите депонии и да имаат последици врз животот од нечистиот воздух за што Шилегов нема мрднато со прст“, се наведува во соопштението од политичката партија.

Во него се додава и дека актуелниот градоначалник не реализирал ниту еден од проектите што им ги ветил на скопјани.

„Урбанистичкото насилство продолжува во невидени размери, градот е енормно загаден, сè повеќе има сообраќаен метеж, а ветувањата за град без смог останаa во маглата која секоја вечер ја дишат граѓаните, важно има 200 илјади евра за лампиони“, додаваат од ВМРО-ДПМНЕ.