Соопштенија
ВМРО-ДПМНЕ: Криминалниот картел за една година на народот му даде милиони причини зошто треба да биде сменет од власт
![](https://makfax.com.mk/wp-content/uploads/2018/02/vmro-dpmne-e1529134853108.jpg)
Од ВМРО-ДПМНЕ обвинуваат дека само изминатите недела дена постојат 45 милиони причини, од типот „едно евро за Вицето“, зошто оваа ненародна власт треба да си замине што побрзо. Од таму додаваат дека само во една недела се обидоа да украдат 45 милиони евра, покажувајќи зошто граѓаните веќе се откажаа од Зоран Заев и неговите антидржавни политики.
„Криминалниот картел за една година на народот му даде милиони и милиони причини зошто треба да биде сменет од власт и за тоа да одговара пред независно судство, но еве ги првите 30:
1.СДСМ треба да падне од власт поради ослободителната пресуда за Заев во случајот „Поткуп“ каде пред очиглед на јавноста бараше 200 илјади евра поткуп.
2.СДСМ треба да падне од власт поради амнестијата и срамната преквалификација на делото на градоначалникот шверцер од Ново Село, Боро Марлборо Стојчев, кој заедно со семејството беше фатен во шверц на 35 илјади кутии цигари.
3.СДСМ треба да падне од власт поради потпишувањето на штетниот и капитулантски договор со Грција со кој се менува идентитетот на државата и на нацијата.
4.СДСМ треба да падне од власт поради амнестија и ослободување од затвор на 850 осудени криминалци.
5. СДСМ треба да падне од власт поради прифаќањето и реализацијата на Тиранската платформа.
6.СДСМ треба да падне од власт поради економското цунами кое ѝ се случува на Република Македонија, која за една година се најде на дното со економски раст до 0%.
7. СДСМ треба да падне од власт поради срамно нискиот процент на реализација на капитални инвестиции што е резултат на нивната неспособност и стопирање на сите проекти кои значеа раст на економијата.
8. СДСМ треба да падне од власт поради задолжувањата кои бесрамно ги прават, а од кои граѓаните не видоа никаква корист.
9.СДСМ треба да падне од власт поради јавниот долг, кој ја надмина психолошката граница 5 милијарди евра
10.СДСМ треба да падне од власт поради државниот долг, кој ја надмина психолошката граница 4 милијарди евра.
11.СДСМ треба да падне од власт поради притисоците и заканите врз администрацијата да работат спротивно на законот или им следат отпуштања и девалвирања, а на нивно место вработување на партиски војници и шарени револуционери за дебели хонорари.
12.СДСМ треба да падне од власт поради кадровската политика во која командант Џезаир Шакири Хоџа беше именуван за советник за безбедносни прашања.
13.СДСМ треба да падне од власт поради меракот на Шекеринска и нејзините соработници со армиски хелихоптери да одат по ручеци.
14. СДСМ треба да падне од власт поради скандалозното ослободување на обвинетите од случајот „Смиљковско Езеро“.
15. СДСМ треба да падне од власт поради нерасчистеното убиство на Мартин Јанушев за кое буквално никој не е зад решетки.
16. СДСМ треба да падне од власт поради нерасчистеното убиство на Никола Саздовски Саздо.
17. СДСМ треба да падне од власт поради сомнителните набавки на возила во МВР и Министерството за одбрана од фирма која е спонзор на партијата СДСМ.
18. СДСМ треба да падне од власт поради сомнителните бизниси на вицепремиерот Анѓушев.
19. СДСМ треба да падне од власт поради тоа што Зоран му додели земјиште за градба во Струмица на Вице Заев.
20. СДСМ треба да падне од власт поради континуираното прекршување на Уставот, законите и деловникот на Собранието.
21. СДСМ треба да падне од власт поради прогонот на стотици граѓани во Македонија од кои некои се товарат за наводен тероризам, само затоа што се противат на штетните и погрешни политики на оваа ненародна власт.
22. СДСМ треба да падне од власт поради очигледните изборни манипулации на локалните избори.
23. СДСМ треба да падне од власт поради штетните политики во здравството кое пропаѓа во секој свој сегмент освен во делењето тендери вредни 35 милиони евра на анонимни фирми.
24.СДСМ треба да падне од власт поради концесиите за марихуана што си ги делат Заеви меѓу себе.
25. СДСМ треба да падне од власт поради катастрофалната година во земјоделието, кога речиси целиот род скапува по нивите, без пласман или извоз.
26. СДСМ треба да падне од власт поради корумпирањето на медиумите со народни пари.
27. СДСМ треба да падне од власт поради доделените грантови на фирмите на Анѓушев, Локвенец, снаата на Цветанка Ласкова, општински функционери на СДСМ, и ликови кои се поврзани со оваа партија.
28. СДСМ треба да падне од власт поради корупцијата која расте на секој чекор и поради која Македонија паѓа на секоја меѓународна листа за перцепција на корупцијата, но и во извештаите на Европската Унија
29. СДСМ треба да падне од власт поради тоа што државната ЕЛЕМ ги ангажираше камионите на Вице Заев.
30. СДСМ треба да падне од власт поради арачот што го земаат од граѓаните со покачената акциза на горивата.
Овде не ги броиме лагите кои СДСМ ги кажуваше во време на изборите за 600 километри нов автопат, просечната плата од 500 евра, 100 илјади денари за докторите, повратокот на ДДВ за домаќинствата и стотици други ветувања што ги даваа пред избори, а кои останаа само на хартија.
Стоп за националното понижување и економското урнисување на државата. Народот гледа и народот ќе казни. Не може СДСМ да го победи растечкото незадоволство. Народот секогаш на крајот победува. Македонија ќе победи, се вели во соопштението на ВМРО-ДПМНЕ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Соопштенија
Почна со реализација проектот „Малите алкалоидовци го истражуваат ‘Алкалоид’“
![](https://makfax.com.mk/wp-content/uploads/2024/07/nm-1.jpg)
„Алкалоид“ во својот развоен фокус ги има, пред сѐ, своите вработени и нивните семејства, а грижата за најмладите е клучен дел од алкалоидовата корпоративна култура. Во насока на зајакнување на чувството за припадност на колективот и кај најмладите членови, „Алкалоид“ ги отвори вратите од своите производствени погони во сегментот козметика за децата на тамошните вработени, со цел непосредно запознавање со компанијата во која нивните родители го поминуваат своето работно секојдневие.
Овој настан, кој им овозможи на малите истражувачи да ги посетат одделенијата за развој, производство и за пакување на производите од портфолиото на Becutan на локалитетот Лафома, во присуство на своите родители, претставува еден од повеќето планирани кои ќе се организираат во рамките на проектот Малите алкалоидовци го истражуваат „Алкалоид“. Ваквото зближување на малите алкалоидовци со компанијата преку еден интересен, проактивен пристап и преку наменски конципирана едукација, во согласност со нивната возраст, им отвори еден целосно нов свет за истражување, кон кој пристапија со неверојатна љубопитност и желба за осознавање.
Организираните посети на малите алкалоидовци ќе станат традиција, а се очекува компанијата да ја посетат повеќе од 1.000 деца на вработените, на возраст од 3 до 18 години.
Покрај едукативниот дел, во чии рамки децата имаа можност од прва рака да ја осознаат работната средина на своите родители, настанот беше збогатен и со забавни содржини за запознавање и за меѓусебно дружење низ спорт и игра во организирани активности.
Човечките ресурси остануваат во развојниот фокус на „Алкалоид“ како едно од највредните капитални добра на алкалоидовата берза на вредности.
ПР текст
Соопштенија
Јанушев: Хајката на СДС е неоснована, ги фаќа страв затоа што секојдневно како Генерален секретаријат откриваме нови злоупотреби и ќе треба да одговараат
![](https://makfax.com.mk/wp-content/uploads/2020/04/janusev-1.png)
„Со денови ги гледам оние трагикомични обиди на СДС и нивните докажани полтрони и сателити во политиката како отворено лажат и ме дискредитираат, како измислуваат и се прпелкаат. Толку изгледа бедно и мизерно нивното поведение што совршено го отсликува мочуриштето во кое се потопени, а во кое царува политиката на ниски страсти, ниски удари и безидејноста која дава одговор зошто и 180 илјади гласови кои ги освоија на последните избори, што е историски најслаб резултат на СДС, на наредните ќе биде недостижна граница затоа што ќе потонат уште подлабоко“, вели Игор Јанушев од ВМРО-ДПМНЕ откако денеска на прес-конференција Кузеска од СДСМ кажа дека Панче Тошковски и Игор Јанушев имаат станови во поклонетиот имот на Јанушев.
„Ве пуштав да се излизгате… прво да изнесе лаги еден сдсовски сателит и советник на криминалното СЈО, во исто време шарен револуционер и познат лажен патриот, па потоа да се надоврзе една пара партиска структура и на крај да излезе изворот на таквите дезинформации, партијата која ја води неврохирургот на Заеви или како што во СДС го викаат малиот на Зоки, Венко Филипче.
Па да ви одговорам по ред.
Прво, СДС вели дека имотот на анкетниот лист е енормно зголемен. Тоа не е вистина и е комплетна лага. Не само што не е зголемен, туку е и двојно помал доколку се направи споредба со тој од 2017та година.
Второ, не постои никакво подарено земјиште … има погрешно внесени податоци за што веќе е направена и корекција од моја страна. Истиот имот кој во моментов го поседувам, го поседував и во минатото и доколку било што беше проблематично владата на СДС&ДУИ имаше и повеќе од доволно време да постапува.
Трето, 7 години бандитите на ДУИ и СДС беа на власт. 7 години водеа политички процес и хајка врз мене и тоа за непостоечки случај за набавка на автобуси, и кога можеа за тоа да водат случај, што мислите колку пати ќе бев затворен доколку е вистина она што сега го говорат?
Да не заборавиме дека само до месец и половина, тие беа баграта која водеше процеси, која судеа луѓе, обвинуваа и прогласуваа за виновни. Ова се криците на истите тие бандите кои нема да не поколебаат во намерата Македонија да ја вратиме на народот.
А сега ќе ви кажам и зошто се исплашени. Затоа што меѓу другото како Генерален секретар на Владата, работејќи од 12 до 16 часа на ден, доаѓам до фрапантни сознанија. Ајде тоа што затекнавме празни канцеларии, без столчиња и услови за работа, туку ќе треба да одговарате и за милионите евра фрлени за софтвери кои не функционираат, за картички кои не работат, за машини за штампање на пластика и документи кои невообичаено се во посед на ГС, за набавка на клима уреди кои се несоодветни за тоа што е потребно, но важно критериумот набавувачот да е од Струмица е задоволен и ред други работи.
Паразити кои ја оставија Владата со затворен главен влез затоа што 2 години не ги сервисирале скенерите и полесно им било да го затворат влезот.
Останете така. ОЈО има работа. А, вие продолжете да измислувате и да се давите во барата“, вели Јанушев.
Соопштенија
Левица: Клиничките центри остануваат руинирани, ребалансот предвидува тројно намален буџет
![](https://makfax.com.mk/wp-content/uploads/2018/12/untitled-20-e1543931531449.jpg)
Новата влада предводена од ДПМНЕ и ЗНАМ на самиот старт ја обезвредни здравствената дејност. Трикратно намалување на буџетските средства за изградба на државните Клинички центри и болници низ Македонија со новиот ребаланс на буџетот. Од прв ден докажа дека нема цели и соодветни приоритети за зајакнување на капацитетите на јавното здравство, како и унапредување на пристапот до здравствена заштита како важен елемент во еден државен систем, истакнуваат од Левица.
„Предвидено е трикратно намалување на средствата за доизградбата на Клиничкиот центар во Штип, како и за нов Клинички центар во Скопје, иако во предизборната кампања, ДПМНЕ како приоритет на новата Влада ја промовираше доградбата на Клинички центар во Штип и изградба на нов Клинички центар во Скопје.
Средствата за доизградба на Клиничкиот центар во Штип и нов Клинички центар во Скопје се намалени од 2,5 милиони евра на само 880 илјади евра;
Од 2 милиони евра, намалување на 780 илјади евра има и за Специјализираната болница за ортопедија и трауматологија „Св. Еразмо“ – Охрид и Клиниката за хирургија во Скопје;
Од 800 илјади евра, сега само 29 илјади евра има и за ЈЗУ Општа болница во Кичево.
Политиката на кратење на средства од јавното здравство укажува на фактот дека намерата на новата власт е да продолжи со руинирање на јавното здравство. Продолжува политиката на Венко Филипче и Фатмир Меџити кои на штета на јавното здравство граѓаните ги фрлија во канџите на приватните болници, коишто своите услуги ги наплаќаат десеткратно повисоко во однос на државните болници“, велат од Левица.
Потсетуваат дека министерот за здравство, Таравари, на прес конференција децидно посочи дека нема покачување на платите за здравствените работници до крајот на годинава поради буџетскиот дефицит.
Но од Левица дополнуваат дека за огромниот број на работници во јавниот сектор, oд кои голем дел не се појавуваат на работното место, власта одвои 723 милиони евра.
Левица ја осудува, како што велат, неразумната одлука за измена на висината на буџетските средства насочени кон јавното здравство.
„Како партија се залагаме за зголемени инвестиции во сите сегменти на јавното здравство. Држава мора да изнајде механизми, средства и решенија со кои на најголемиот дел од граѓаните во Македонија ќе им биде достапно бесплатно јавно здравство со врвни професионални здравствени услуги, почнувајќи од здравствените домови, па се до клиничките центри“, потенцираат од партијата.