Контакт

Соопштенија

Државната лотарија ги додели наградите од првата наградна игра

Објавено пред

Во чест на отворањето на новата интернет – платформа www.megawin.mk, Државна лотарија приреди наградна игра којашто траеше од 18 до 29 ноември. Во овој период сите регистрирани лица добија подарок,  онлајн влезница за концертот „МЕГАСТАРС“ како и учество во наградната игра БИДИ ИН, РЕГИСТРИРАЈ СЕ НА МЕГАВИН.

dobivaj vesti na viber

На сцената, покрај којашто беше сместена четворочлената комисија, со помош на електронски генератор на броеви по случаен избор, од сериските броеви на онлајн влезниците на регистрираните учесници, се извлекоа добитниците на: 10 гејминг лаптопи Lenovo; 10 I phone 14 Pro, 5 луксузни патувања во Дубаи и еден автомобил BMW.

Исчекување, адреналин, возбуда и среќа се чувствуваше во СЦ „Јане Сандански“ за време на извлекувањето на наградените, чии имиња во продолжение Ви ги претставуваме.

Добитниците ги посетија просториите на Државна лотарија каде што се запознавме и ја споделивме радоста. На наше големо задоволство ни пристигнаа од сите краишта на државата.

  1. Мирослав Ристовски од Куманово работи 14 години во организација. Не очекувал било каква награда затоа што не бил информиран доволно за наградната игра. Мирослав беше извлечен за наградата Lenovo gaming лап топ.
  2. Наталија Тасева од Скопје е добитничка на награда IPhone 14 Pro. Пресреќна за наградата, вели дека не успеала да присуствува на концертот Мегастарс, а информацијата дека е извлечено токму нејзиното име дознала од другар.
  3. Џелал Мехмеди од Гостивар е добитник на Lenovo gaming лап топ. Пензионер од неодамна, претходно вработен во МВР. За себе вели дека е редовен играч на игрите на среќа на Државна лотарија. Сеуште пријатно изненаден од наградата.
  4. Снежана Петровска од Штип е добитничка на Iphone 14 Pro. Нејзината ќерка се регистрирала на www.megawin.mk, го следела извлекувањето, па мобилниот телефон ќе биде новогодишен подарок за неа.
  5. Лиридон Тахири од Скопје е еден од 5те добитници на луксузно патување во Дубаи за двајца. Дубаи е негова голема желба и е пресреќен што му се остварила. Со нетрпение чека да го посети.

 

  1. Петар Наумовски од Тетово е еден од добитниците на Lenovo gaming лаптоп.
  2. Абдулќерим Реџепи од Тетово е добитник на мобилен телефон Iphone 14 Pro.
  3. Мартин Љубомироски од Скопје е исто така добитник на Iphone 14 Pro. Иако редовно игра Лото, решил да ја предизвика среќата и со новата интернет платформа на Државна лотарија, а со тоа обезбедил учество и во наградната игра. Веста дека е добитник на мобилен телефон му ја соопштил пријател кој присуствувал на концертот.
  4. Сара Крстевска од Старо Нагоричане е добитничка на Lenovo gaming лаптоп. Таа е редовен играч на инстант лотарија и Лото. Пресреќна за наградата се пофали дека првпат добива некаква награда.
  5. И Тања Додевска од Куманово е добитничка на Lenovo gaming лаптоп кој ќе биде новогодишен подарок за нејзиниот син кој со нетрпение ја чека да пристигне дома со наградата.
  6. Бојан Јовановски од Тетово е добитник на луксузно патување за двајца во Дубаи. Бојан мислел дека е голема шега кога неговиот колега се пошегувал со него дека ќе оди во Дубаи. Пресреќен е дека конечно ќе ја посети неговата дестинација од соништата.
  7. Столе Ѓорѓиевски од Скопје е добитник на Iphone 14 Pro. Се забавува постојано со игрите на среќа на Државна лотарија. Се регистрирал и на www.megawin.mk, но поради обврски со неговите близначиња не успеале да присуствуваат на концертот. Столе вели дека ова е одличен новогодишен подарок за неговата сопруга.
  8. Славица Спасовска од Куманово е добитник на Iphone 14 Pro. Претходно има остварено помали добивки од игри на среќа.

 

  1. Бобан Тасевски од Штип е добитник на Lenovo gaming лаптоп. Се регистрирале сосема случајно кога забележале реклама на социјалните медиуми. Лаптопот ќе го искористат за работа.

 

  1. Денис Мојсоски од Прилеп е добитник на патување во Дубаи за двајца. Тој е голем фанатик за фудбал. Два дена им биле потребни за да поверуваат дека се добитници на оваа награда. На ова патување ќе заминат со сопругата и едвај чекаат да поминат прекрасни мигови.

 

  1. Аце Трајчевски од Битола е добитник на Iphone 14 Pro. Тој од негов другар слушнал за наградната игра. Вели дека од сега па натаму повеќе ќе игра игри на среќа.

 

 

  1. Бобан Василевски од Македонски Брод е добитник на Iphone 14 Pro. По занимање е дипломиран криминалист. Другарка која го следела извлекувањето му се јавила да му каже дека треба да чести. Не му се верувало дека тој бил еден од среќните добитници.

 

  1. Филип Крамарски од Берово е добитник на Lenovo gaming лаптоп. Тој како дипломиран програмер software developer, оваа награда ќе му дојде одлично и ќе му помогне за да напредува во неговата професија.

 

  1. Ивана Илијевска од Скопје е добитник на lenovo gaming лаптоп. Таа е наставник во основно училиште. Бидејќи има три дечиња овој подарок ќе биде за нив. Им порача на сите да си ја пробаат среќата.

 

  1. Ристе Каранфиловски од с.Новаци, Битола вработен во РЕК Битола, е добитник на Iphone 14 Pro. Тој редовно гребе инстант лозови, но решил и тука да си ја проба среќата. Премногу беше изненаден од оваа награда и овој телефон ќе му дојде одлично бидејќи неговиот бил скршен.

 

  1. Владимир Јанев од Кочани е добитник на Lenovo gaming лаптоп. Редовно гребат инстант лозови, а извлекувањето го следеле онлајн на facebook. Кога си го чуле нивното име биле премногу изненадени. Бидејќи студира информатика оваа награда ќе им дојде одлично.

 

  1. Ангела Оцевска Аџиевска од Скопје, дипломиран инженер, е добитник на патување во Дубаи . За наградната игра дознале од ТВ, а од нашите социјални медиуми дознала дека е добитничка на ова прекрасно патување во Дубаи за двајца.

 

  1. Јована Николоска од Куманово е една од добитниците на Iphone 14 Pro. За Мегастарс се информирала од социјалните мрежи. Наградата ќе ја подари на нејзината мајка затоа што е љубител на игрите на среќа на Државна лотарија, но нема остварено добивка досега.

 

  1. Драгана Трајковска од Скопје е добитничка на лаптоп Lenovo gaming. За новата платформа Мегавин се информирала од социјалните мрежи, но сепак не успеала да присуствува на концеротот Мегастарс поради обврски со двегодишното синче. Велат дека оваа награда ќе им користи одлично за работните обврски.
  2. Стефан Трајковски од Битола има 19 години. Тој и неговиот другар откако ја забележале рекламата за Мегавин на социјалните мрежи, се регистрирале без големи очекувања. Но, сега двајцата ќе патуваат во Дубаи.
  3. 26. Последната и најголема добивка, автомобил BMW отиде во рацете на Дејан Блажевски од Скопје, општина Кисела Вода. Збунетиот глас на среќниот добитник кој е самохран родител, вработен во ЈП Водовод го слушна публиката во полната сала на СЦ „Јане Сандански“, кога Марјана и Игор го побараа во телефонски разговор да му ја соопштат среќната вест. Во студиото на ТВ емисијата СЕДМО НЕБО се дружевме со него и со неговите два сина, кога му беше доделено возилото и кога со него и со неговите најблиски ги споделивме моментите на радост.

На атрактивниот автомобил BMW најмногу се израдуваа неговите два сина, помалиот Кирил и поголемиот Томи кој за неколку месеци ќе стане полнолетен и ќе полага возачки испит. Дејан ни објасни дека кога на 30 ноември, среде ноќ му заѕвонил телефонот и слушнал женски глас како му честита дека добил BMW од Мегавин на Државна лотарија, воопшто не поверувал.

На www.megawin.mk е во тек многу забава со секој ден подароци под името „ПРАЗНИЧНО ДАРУВАЊЕ“, а следи и ново богато изненадување.

Убавите мигови допрва престојат бидејќи Државна лотарија работи на тоа среќата да ја направи достапна секому и верува дека среќата е насекаде.

(ПР текст)

 

Соопштенија

„Еуромакс ресурсес“ со последно предупредување пред арбитража за рудникот за бакар „Иловица-Штука“

Објавено пред

„Еуромакс ресурсес“, компанија сопственик на концесиите „Иловица 6“ и „Иловица 11“ за рудникот за бакар „Иловица-Штука“, денеска на прес-конференција издаде последно предупредување пред арбитражата.

dobivaj vesti na viber

Од компанијата истакнаа дека од своето основање во 2004 година, проектот Иловица-Штука симболизира светилник на можности, отелотворувајќи ја цврстата посветеност на „Еуромакс ресурсес“ за одговорен развој и економски просперитет. Сепак, и покрај значителните инвестиции и во финансиските и во човечките ресурси, проектот се наоѓа себеси заробен во мрежа од правни и административни пречки.

Третманот на проектот од страна на властите е скандалозен, цени „Еуромакс ресурсес“. Менаџментот на компанија истакна дека и покрај јасните правни победи, бирократската инерција и произволните одлуки постојано го попречуваат напредокот. Овие одложувања не само што ја нагризуваат довербата во регулаторното опкружување, туку и ја загрозуваат егзистенцијата на илјадници кои ќе имаат корист од проектот и ги одвраќаат идните странски инвестиции во Македонија.

 

„За да не бидеме погрешно протолкувани, сакаме да бидеме јасни и прецизни. Нашето трпение е при крај. Не можеме повеќе да одолговлекуваме, чекајќи политички одлуки за/игнорирање на правните околности. Ако политиката – спротивно на законот – каже „не“ за нов и модерен рудник за бакар, има правен епилог кој нема да биде поволен за државата, а за жал и нејзините граѓани. Меѓународната арбитража не е одлука што ја земаме лесно. Тоа има значителна цена – и во однос на ресурсите и угледот на нашата компанија и на земјата. Сепак, во услови на континуирано малтретирање и флагрантно непочитување на владеењето на правото, тоа е чекор што сме подготвени да го преземеме за да ги заштитиме нашите и интересите на нашите инвеститори“, истакна претседавачот на Бордот на директори и главен извршен директор на „Еуромакс ресурсес“, Тимоти Морган Вин.

На прес-конференцијата свое обраќање имаше и Габриел Лански, од адвокатската куќа Lansky, Ganzger, Goeth & Partner, која е правен застапник на „Еуромакс ресурсес“. Тој истакна дека „Еуромакс ресурсес“ има доставено формално известување за спор (тригер-писмо) до Владата во март 2020 година, за настанатиот спор и нивната намера да влезат во меѓусебни консултации за решавање на спорот и дека.

„Повеќе од очигледно е дека Владата на Северна Македонија не ги исполни обврските да се консултира и соодветно да преговара со член 10(1) од Договорот Швајцарија – Северна Македонија и со тешко срце сега размислуваме да го пренесеме нашиот случај пред меѓународната арбитража. Оваа одлука доаѓа по исцрпните напори за решавање на нашите спорови во локалната рамка, а сето тоа доведе до овој ќорсокак каде финансиските последици би можеле да бидат страшни за и онака кревката економија на Северна Македонија. Владата вака постапува иако Северна Македонија е во процес на обид да влезе во Европската Унија како земја членка. Пред да заклучам, поставувам едно неодложно прашање до владата и народот на Северна Македонија: Дали оваа средина на правна непредвидливост ќе се прошири и на други инвеститори или е предизвик единствено насочен кон ‘Еуромакс ресурсес’? Ресурсот што сакаме да го развиеме е национално богатство и неминовно ќе треба да го искористиме, ако не ние тогаш некој друг. Изборите направени денес ќе резонираат надвор од нашиот проект, обликувајќи го економскиот пејзаж на земјата и нејзината меѓународна репутација во годините што доаѓаат “, истакна Лански.

„Еуромакс ресурсес“ ги повика надлежните државни институции да ги исполнат своите законски обврски, да го почитуваат владеењето на правото и да се вклучат во напорите со добра волја за да се забрза решението. Компанијата останува посветена на соработка со владата, заедниците и пошироките засегнати страни за да испорача трансформативен проект, кој е повеќе од потребен на повеќе нивоа.

„Еуромакс ресурсес“ ја потврди својата непоколеблива посветеност за одговорен развој, просперитет на заедницата и успехот на проектот „Иловица – Штука“ со највисоко ниво на почитување на најсовремените стандарди за заштита на животната средина преку примена на најсовремени технологии во рударската индустрија. Меѓутоа, ако тековниот третман на проектот од страна на властите продолжи, и ако владеењето на правото продолжи да се занемарува, тогаш арбитражата ќе стане неизбежна реалност.

ПР текст

Прикажи повеќе...

Соопштенија

Нова акција на „Спорт лајф“ – „Кој е твојот среќен тип?“

Објавено пред

Во обложувалниците на „Sport Life“, во тек е акцијата „Кој е твојот среќен тип?“. Среќната игра ќе им донесе на обложувачите на Sport Life, многу „седумки“: главна премија од 777.000 денари и по 7 (седум) вредносни ваучери од 500 денари за секој од победниците во поединечните етапи на акцијата.

dobivaj vesti na viber

Среќата треба да ја бараат во онаа игра со која ќе успеат да погодат тикет со најголем број натпревари со исто типување. Соодветно на тоа, играчите ќе се рангираат и на генерално ниво, до крајот на играта, и на седумдневно – етапно ниво.

Акцијата се однесува само за несистемските тикети, со погодени минимум шест натпревари со ист тип, со минимална квота од 1,50 по пар. Исто така, во пресметката за бодување и рангирање на тикетот влегуваат и натпреварите од понудата „Супер тип“ и натпреварите од понудата за обложување во живо.

Акцијата ќе трае до 25-ти април и важи за членовите на СЛ клубот со приложување на СЛ клуб картичката.

Сите информации за играта и тековното рангирање за генералниот и етапен пласман се објавени на вебстраницата на Sport Life и на официјалните канали на социјалните мрежи.

ПР текст

Прикажи повеќе...

Соопштенија

Праизведба на претставата „Хенгинг Араунд“

Објавено пред

Во Македонскиот народен театар, на 19 април, со почеток во 20 часот, ќе се одржи праизведбата на претставата „Хенгинг Араунд“ во режија и адаптација на Бојан Трифуновски, по текст на Љупчо Јованов.

dobivaj vesti na viber

Главните ликови 0 (Хенгинг) и 1 (Араунд) во оваа приказна се изгубени во светот на бајките и не се знае како влегле во овој свет, но главна цел им е да се вратат во реалноста, во нивните топли огништа. Можеби се Дисмас и Гестас, но пред да ги распнат можеби некако им избегале на Римјаните и продолжиле да го живеат својот динамичен живот, овој пат празен и лишен од средба со Спасителот. Можеби патем решиле да се смират, да создадат семејство со единствена цел – да умрат во длабока старост почитувани од пријателите и саканите и жалени од најблиските. Дали нивниот карактер, судбина, ги натерала повторно да си ја пробаат среќата и да почнат нова авантура, да влезат во нова приказна…

Целото дејство се случува во светот на бајките, а местото и времето се ирелевантни.

Во претставата играат: Сашко Коцев, Александар Михајловски, Стефан Спасов, Гораст Цветковски, Борче Начев, Ана Стојановска, Софија Насевска-Трифуновска и Нела Павловска.

Прикажи повеќе...

Најново

Македонија7 часа

Мицкоски од Чаир: На Македонија ѝ треба обединување и единство, а не поделби, владата на ВМРО-ДПМНЕ ќе вложи 1 милијарда евра за проекти во сите општини

Се чувствува победничка атмосфера и енергија, тоа е важно за сите нас и ни дава мотив да продолжиме посилно да...

Свет8 часа

Бремена жена е убиена денеска во израелски напад во Газа, бебето спасено со царски рез

Девојче се роди денес по итен царски рез на нејзината мајка, која беше убиена во израелски напад врз градот Рафа...

Свет8 часа

Русија и се заканува на Америка поради историска одлука: Ова ќе заврши со понижувачко фијаско

Русија денеска соопшти дека поддршката на американските претставници за нова помош за Украина во износ од 60,84 милијарди американски долари покажува...

Македонија10 часа

Пендаровски: Мицкоски пред некој ден повика на формирање на семакедонски патриотски фронт, исто како во времето на режимот

На денешниот граѓански собир во Скопје, претседателскиот кандидат Стево Пендаровски се осврна и на меѓуетничките односи, истакнувајќи дека од независноста...

Свет12 часа

(Видео) Опасни поплави ѝ се закануваат на кинеска провинција, над 127 милиони луѓе се евакуирани

Големите реки, канали и езера во кинеската провинција Гуангдонг се соочуваат со опасни поплави, поради што владата денеска одобри акционен...

Македонија13 часа

Битиќи: Јавно здравство без партиципација и повисоки плати за медицинските лица

„Срцето и душата на државата лежи во здравјето на нашите граѓани, а должноста на една социјалдемократска власт е да се...

Македонија13 часа

Николоски: Директорката на прилепската болница поставена од Филипче со огромен корупциски скандал – за иста услуга плаќала дупло

Александар Николоски, потпретседател на ВМРО-ДПМНЕ и носител на изборна единица 4, на денешната пред сконференција се осврна на, како што...

Регион14 часа

Отстранета голема бомба во Ниш, евакуираните 1300 граѓани се враќаат дома

Завршена е акцијата на неутрализирање и уништување на воздушната бомба која остана од бомбардирањето на НАТО на улицата Александра Медведева...

Свет16 часа

(Видео) Иран ја засилува репресијата врз граѓаните: Егзекуции, апсења и враќање на моралната полиција

Со погубување на осуденици, апсење дисиденти и враќање на полициските патроли за спроведување на задолжителните правила за хиџаб, Иран ја...

Свет16 часа

На изборите во Баскија може да победи партијата која сака независност од Шпанија 

Баскиската сепаратистичка партија Билду, која влече корени од политичкото крило на сега веќе непостоечката вооружена група ЕТА, би можела за...

Македонија17 часа

Три завршни митинзи на претседателските кампањи денеска во Скопје, кампањата за парламентарни избори продолжува

Продолжуваат кампањите за претстојните претседателски и парламентарни избори, каде претседателските кандидати, како и кандидатите за пратеници во шесте изборни единици...

Македонија17 часа

Пендаровски: Мицкоски по амбасади ветува дека прв негов приоритет ќе биде внесување на Бугарите во Уставот

Пред граѓаните на Струмица, кандидатот за претседател, Стево Пендаровски се осврна на ставот на ВМРО-ДПМНЕ и Христијан Мицкоски во однос...

Македонија17 часа

Силјановска-Давкова: Пендаровски е еднакво одговорен за скандалите и криминалите на ДУИ

„Претседателот воопшто не е невин. Барем дваесетина пати требаше да посегне по ветото кога се носеа лошите закони. Тој, скромно,...

Македонија1 ден

Гордана Силјановска-Давкова: Однесувањето на ДУИ е врв на султанатот во Македонија

Денеска, во рамките на својата кампања за претседателка на Македонија, професор д-р Гордана Силјановска-Давкова, одржа говор во Берово. – Врв...

Свет1 ден

САД изгласа помош на Украина: Ова може да го промени текот на војната

Претставничкиот дом на американскиот Конгрес денеска го изгласа законот за дополнителна помош за Украина, дел од пакетот од 95 милијарди...

Македонија1 ден

Пендаровски: Јас сум ваш, вие сте мои, а сите заедно сме наши – ќе успеееме

Зборувајќи пред граѓаните на Василево, кандидатот за претседател Стево Пендаровски потенцираше дека Македонија веќе е горда на постигнатото, а со...

Македонија1 ден

Ковачевски: Само со ЕУ е можна реална и суштинска промена во нашето општество

Само со ЕУ е можна реална и суштинска промена во нашето општество. Само со ЕУ можеме да ги одобриме состојбите...

Македонија1 ден

Со полициски хеликоптер пренесен македонски државјанин од Унгарија до Скопје

Денеска (20.04.2024) по добиено барање од ЦУК, со полициски хеликоптер Бел-412 од Одделот за воздухопловни единици, од Сегедин, Унгарија до...

Македонија1 ден

Мицкоски: ВМРО-ДПМНЕ и Коалицијата ќе направат трансформација во Македонија, со „Платформа 1198“ ќе се решат проблемите на граѓаните

„Во очите на граѓаните има една желба да што побргу заврши сето ова кое што се случуваше шест и половина...

Македонија1 ден

Пендаровски: Прифаќам дебата со сите противкандидати

Кандидатот за претседател Стево Пендаровски ја прифати поканата на националниот јавен сервис за учество на дебата со сите противкандидати во...