Деневер, Лејкерси и Индијана забележаа победи на натпреварите во НБА лигата. ЛА Лејкерс со победата над Јута Џеџ 116:108 го обезбедија првото место во Западната конференција пред почетокот на плј-офот.

Лејкерси натпреварот против Јута го решиа во третиот период кога дојдоа до двоцифрена предност. Ентони Дејвис блескаше со 42 поени и 12 скокови, Леброн Џејмс забележа 22 поени, осум скока и девет асистенции.

Денвер Нагетс во драматичен меч успеа да слави против Оклахома тандер со 121:113. Победникот беше решен во продолжението откако во регуларниот дел резултатот беше 109:109. Крис Пол во самиот финиш погоди само едно од двете слободни фрлања.

Денвер со трипл-дабл го предводеше Никола Јокиќ со 30 поени, 12 скока и 10 асистенции, а Мајкл Портер јуниор го одигра мечот на јариерата (37 поени и 12 скока).

Денвер се трети на Западот, а Оклахома е на шестото место и можно е овие два тима да се сретнат во плеј-офот.



Индијана предводена од ТиЏеј Ворен успеа да ги победи Вашингтон Визардс со 111:110. Ворен натпреварот го заврши со 34 поени и 11 скока.

Мото ГП шампионот Марк Маркез мораше да оди на втора операција за да се поправи оштетената плочка поставена во неговата рака, зголемувајќи ги сомнежите дека одбраната на титулата ќе биде невозможна за Шпанецот.

Маркез ја повреди раката при падот за време на првата трка од сезоната во Шпанија, по што веднаш беше однесен на операција, но се врати само три дена подоцна во обид да се натпреварува на трката во Андалузија, но се повлече по квалификациите.

Пред Чешкото ГП во Брно, пак, тој мораше да оди на нова операција во Барселона за поправање  на плочката и сега ќе мора да остане во болница барем 48 часа. Останува да се види дали тој ќе може да се врати на неделната трка.

Фабио Квартараро по двете победи во Херез има 50 поени предност во генерален пласман, кои можат да бидат одлучувачки во скратената Мото ГП сезона.

Поранешниот аргентински тенисер, Маријано Пуерта, призна дека лажел за да добие намалена казна за допингување по финалето на Ролан Гарос во 2005, кога загуби од Рафаел Надал.

Надал се врати од загубениот прв сет, за да ја освои својата прва гренд слем титула на омилените терени во Париз (каде што има 12 титули), по што сега 41-годишниот Пуерта бил позитивен на стимулантот етилефрин.  Бидејќи веќе имаше отслужено деветмесечна суспензија поради позитивен тест на кленбутерол во 2003, тој доби осумгодишна суспензија.

Меѓутоа, тој тврдеше дека вториот позитивен тест е резултат на тоа што тој случајно се напил од водата во која неговата сопруга имала медикаменти за менструални болки, и неговата казна беше намалена на две години. Сега, во интервју за весникот „Ла насион“, тој признава дека тоа било лага и дека земал додатоци за исхрана добиени од личниот тренер Дарио Лецман.

„Објаснувањето кое го користевме како стратегија беше лага. Не можевме да направиме ништо бидејќи тие апчиња не беа купени на легален начин. Моите адвокати сметаа дека не е добро да го признаам тоа. Но, верувајте, не добив никаква спортска предност и не сакам да ме означуваат како измамник“, вели Пуерта.

Неговиот поранешен тренер, Андрес Шнајтер не верува во оваа верзија.

„Го прашав што се случи и тој ми кажа дека не знае. Мислев дека лаже и дека одговорот не е искрен. Мислам дека земал нешто без да знае“, вели Шнајтер.

Пуерта беше на деветтото место на АТП листата тогаш, но не успеа да го врати ова ниво на игра по камбекот во 2007 и се пензионираше две години подоцна.