Спорт
(Видео) Македонија одигра нерешено со Англија

Англија доминираше во поседот во текот на целиот натпревар, особено тоа беше изразено во првото полувреме, кога Македонија само неколку пати успеа да мине на противничкиот дел од теренот, но и со таква игра стигна до предност.
Англичаните од големиот посед на топката, во првото полувреме не добија апсолутно ништо. Најблиску до гол беше Деклан Рајс кој во 14.минута ја погоди стативата.
Македонија поведе по пеналот што го изнуди Миовски, по невнимателниот старт на Рико Луис. Играчот кој утре ќе наполни 19 години, го удри со рака по лицетот напаѓачот на Македонија, откако успеа да интервенира.
Пеналот на Барди во 41.минута го одбрани Пикфорд, но одбиената топка се врати кај капитенот на Македонија, кој од втората шанса не пропушти да ја реализира.
Во судиското надополнување на времето, во првото полувреме, Трент шутираше, а Димитриевски одбрани исфрлувајќи ја топката во корнер.
На стартот на второто полувреме, Гришиш постигна гол во 47.минута. ВАР долго ја провруваше таа ситуација и пресуди дека играчот на Манчестер сити бил во офсајд.
Англија изедначи веднаш по влегувањето на Хари Кејн на теренот. Капитенот на „Гордиот Албион“ тргна на нафрлената топка од корнер, но таа го погоди Атанасов и заврши во голот.
До крајот немаше некои поголеми возбудувања. Во 87.минута Серафимов се обиде, но ударот заврши над голот на Пикфорд.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Роналдо со гол го прослави јубилејот

Португалскиот фудбалер Кристијано Роналдо го одбележа јубилејниот 1200. натпревар во кариерата со гол за Ал Наср во победата над градскиот ривал Ал Ријад (4:1).
По повод големиот јубилеј, на стадионот на Ал Наср во Ријад пред почетокот на натпреварот се одржа пригодна церемонија во чест на 38-годишниот Роналдо.
Португалецот постигна гол во 33. минута, а во 45+3. минута му асистираше на Отава за 2:0.
На 3:0 зголеми Андерсон Талиска во 67. минута, а на 3:1 намали Енди Греј во 69. минута. Талиска го постигна вториот гол на натпреварот, во 90+4. минута и го постави конечниот резултат.
Во текот на својата кариера, Роналдо одигра за Спортинг 31 натпревар (5 гола), Манчестер Јунајтед 346 натпревари (145), Реал 438 натпревари (450), Јувентус 134 натпревари (101) и Ал Наср 46 натпревари (39). За португалската репрезентација настапи на 205 натпревари и постигна 129 голови.
Пред Роналдо по бројот на натпревари во кариерата се само англискиот голман Питер Шилтон (1.375), уште еден Англичанец Пол Бесток (1.286) и Бразилците голманот Рожерио Сени (1.237) и Фабио (1.212).
Спорт
(Видео) Гати повторно е херојот на „старата дама“

Foto/ EPA
Фудбалерите на Јувентус го совладаа Наполи како со резултат 1:0 во 15. коло од италијанската Серија А. Херој на „старата дама“ е дефанзивецот Федерико Гати, кој по Монца постигна уште еден гол за победа. Македонскиот репрезентативец Елиф Елмас за Наполи настапи од 65.минута.
Наполи ќе жачи за шансите на Политано, Кварацхелија и Ди Лоренцо, а ВАР го поништи голот на Осимен во 70.минута за 1:1.
Решавачкиот момент на натпреварот се случи во 51.минута, Камбијасо упати центаршут од десната страна, а Федерико Гати беше највисок во скокот и со глава го совлада Мерет.
До крајот, Наполи ја имаше иницијативата но домаќинот успеа да се одбрани и го да оствари многу важна победа со која повторно го зазеде тронот на Серија А.
Барем до утре кога Интер го пречекува Удинезе.
Спорт
Без знамиња, химни и само во поединечна конкуренција – Олимпискиот комитет со одлука за руските и белоруските спортисти

Руските и белоруските спортисти ќе се натпреваруваат во поединечна конкуренција како неутрални на Олимписките игри во Париз во 2024 година, соопшти денеска Меѓународниот олимписки комитет (ИОК).
Тие ќе се натпреваруваат како неутрални, без знамиња, национални амблеми и химни. Светлосините униформи се задолжителни според правилата на Меѓународната гимнастичка федерација.
Русија и Белорусија нема да се натпреваруваат во екипни спортови во Париз. МОК посочи дека дозволата за учество на поединци на Игрите е почитување на човековите права. Досега на Игрите во Париз се пласираа осум руски и тројца белоруски спортисти.
„Низ постоечките квалификациски системи ќе бидат пласирани само многу ограничен број спортисти“, се наведува во соопштението.
Од почетокот на војната во Украина во февруари 2022 година, Русија и Белорусија се дисквалификувани од спортските натпревари. Оваа година МОК бараше начин да ги врати спортистите од тие земји, а меѓународните спортски федерации во вторникот побараа од МОК да ги пречека руските и белоруските спортисти под неутрално знаме на Игрите во Париз што е можно поскоро. Решението што го предложија спортските федерации беше да ги примат под неутрално знаме, без државни симболи и химна.
Сега останува на раководното тело на секој олимписки спорт да го процени и спроведе неутралниот статус за поединечни спортисти кои не ја поддржувале активно војната и не се ангажирани во воени или безбедносни агенции.
Украина и голем број земји побара целосно суспендирање на Русија и Белорусија од Олимписките игри.
„Заштитата на правото на поединечни спортисти да се натпреваруваат и покрај суспензијата на нивниот национален олимписки комитет е добро воспоставена практика, почитувајќи ги човековите права“, се вели во соопштението на МОК.