Спорт
(Видео) „Меси, отвори го прозорецот“: навивач побара автограм среде сообраќај, легендарниот Аргентинец воодушеви со својот потег

Навивач го доживеа она за што многумина сонуваат, да го запознае Лионел Меси, еден од најдобрите фудбалери на сите времиња. Средбата се случила среде улица.
Аргентинецот го отвори прозорецот од својот автомобил, го зеде дресот и го потпиша, на општо задоволство на навивачот.
Сообраќајот течеше покрај нив нормално, па овој потпис стана уште поскапоцен. Навивачот го добил непланирано, сосема случајно, а возачите зад нив биле трпеливи иако веројатно не знаеле што се случува и кој се наоѓа во автомобилот пред нив.
Меси осум пати ја освојуваше наградата „Златната топка“, што го прави рекордер. Аргентинецот моментално настапува за Интер Мајами.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Ернандез е виновен, а тренерот ја презеде одговорноста за елиминацијата на Милан

Тренерот на Милан, Сержо Консеисао ја презеде одговорноста за францускиот дефанзивец, Тео Ернандез, кој несомнено беше трагичната фигура на реваншот од Лигата на шампионите против Феенорд.
Домашните водеа со 1-0 на „Сан Сиро“, им требаше уште еден гол за да ја оправдаат улогата на фаворити и да се пласираат меѓу најдобрите 16 екипи од елитното ниво на европскиот фудбал.
Сепак, 27-годишникот доби втор жолт картон, симулираше со намера да избори пенал, поради што го доби вторито жолт картон. Со играч повеќе 22 минути по исклучувањето на Ернандез, Аргентинецот Хулијан Каранза ја ја закова топката во топката под гредата по центаршутот на Шпанецот Хуго Буено.
Голот на Мексиканецот Сантијаго Хименез на стартот беше залуден, а Феенорд се пласираше во осминафиналето со вкупни 2-1.
„Може да се каже дека судијата беше премногу суров, но моравме да бидеме психички посилни. Одговорноста е моја, а не на Ернандез и ќе разговараме за се што имаме во соблекувалната. До исклучувањето на Тео, Феенорд не ни знаеше како да дојде до нашиот гол. Разочарани сме и лути. Денес тоа му се случи на Тео, утре може да му се случи на некој друг. Како тим ќе му дадеме огромна поддршка. Тој е еден од најдобрите фудбалери во светот“, изјави Консеисао.
На „росонерите“ не им оди најдобро ниту во домашното првенство, Милан е на седмото место со Болоња, а двата тима имаат по 41 бод и натпревар помалку од останатите тимови.
Спорт
Оливие Жиру ограбен во Лос Анџелес

Оливие Жиру доживеа голема непријатност на почетокот на месецот, неговиот дом во Лос Анџелес бил ограбен.
Според американските медиуми, неговата сопруга ја пријавила кражбата на 5. февруари.
Крадците украле накит во вредност од 500.000 долари, а полицијата наводно ја продолжува истрагата, но засега никој не е уапсен.
Жиру е во МЛС лигата од 2024 година, каде настапува за Лос Анџелес.
Во текот на кариерата играше за Монпелје, Арсенал и Челзи, како и за француската репрезентација, со која стана светски првак во 2018 година.
Спорт
Сити се надева на чудо во Мадрид, Јуве брани гол предност во Ајндховен, ПСЖ и Дортмунд практично се во топ-16

По вечерашните четири реванш натпревари од плеј-офот од Лигата на шампионите ќе бидат биде комплетирана листата на учесници во осминафиналето.
Како и пред една недела најголемо внимание привлекува натпреварот меѓу Реал Мадрид и Манчестер сити во Мадрид (21:00 часот).
Првиот натпревар на актуелните шампиони на своите земји, не ги реши сите дилеми, и покрај тоа што Реал стекна капитал од 3.2.
„Ќе биде забавен, комплициран и предизвикувачки натпревар, на кој ќе се обидеме да му пристапиме како на првиот. Мислам дека мојот колега Гвардиола не мисли дека има само еден процент шанси за пласман во следната рунда, исто како што не верувам дека веќе сме ја завршиле работата. Тоа е само еден гол разлика, очекуваме тешка борба“, рече тренерот на домашниот тим, Карло Анчелоти.
„На ова ниво на натпреварување, против ваков тим, без разлика на фазата на натпреварувањето, мора да има притисок и тоа е добро. Само се надевам дека ќе најдеме начин да го издржиме тоа. Лошите моменти се составен дел од спортот и животот, треба да страдате, но нашата желба е да не преживуваме повеќе такви искуства“, зиајви колегата на Анчелоти, Пеп Гвардиола.
Можеби не значи ништо, но можеби е индикативно дека Лос Бланкос имаат три победи и само еден пораз пред своја публика во тековната сезона во Лигата на шампионите, додека Сити загуби три натпревари и само еднаш победи надвор од својот стадион.
На останатите три натпревари, Јувентус брани гол предност во Ајндховен против ПСВ (2:1) додека Борусија Дортмунд и ПСЖ практично се пласираа во Топ 16 по убедливите гостински победи над Спортинг, односно Брест.