Спорт
(Видео) Пандев: Во фудбалот еднакво можат да учествуваат и девојчиња и момчиња

Под покровителство на Владата денеска се одржа панел дискусија за родова еднаквост во фудбалот.
На овој настан зедоа учество и се обратија Горан Пандев, фудбалер, Силвија Митевска, советничка за спорт на претседателот на Владата, Вики Чадиковска, маркетинг директорка на државна видео лотарија на Македонија, Ангела Рајчевска, фудбалска судијка и Александра Ристовска, фудбалерка.
„Настанот има за цел да ја подигне свеста за значењето, за постигнување родова еднаквост во фудбалот и да ја пренесе пораката дека родовата еднаквост во спортот е еден од приоритетите на Владата на кој интензивно се работи, меѓу кои од посебно значење е борбата против стереотипите во фудбалот, и во спортот воопшто“, соопшти владината прес-служба.
Капитенот на фудбалската репрезентација, Горан Пандев силно ја поддржа оваа иницијатива и заложбата на Владата за постигнување и реализирање на родово-еднакви политики во фудбалот.
Тој истакна дека еден од предизвиците е менталитетот и ниската свест за фудбалот како спорт во кој еднакво можат да учествуваат девојчиња и момчиња.
Направи споредба и со европските држави, поточно со Италија каде веќе долго живее и работи, каде што во фудбалот во женските лиги значително се инвестира.
Пандев додаде дека натпреварите во женска категорија се застапени во медиумскиот простор, и дека тоа помага при креирање перцепцијата дека фудбалот не е доминантно машки спорт.
Тој истакна дека е свесен за тешкотиите со кои се соочуваат женските фудбалски клубови и повика заеднички да најдеме решение за надминување на родовата дискриминација во сите спортски области.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Ривер заработи 30 милиони евра од трансферот на Фернадез

Трансферот на Енцо Фернандез во Челзи не ја израдува само Бенфика, туку и Ривер Плата. Челси го собори англискиот рекорд со трансферот од 121 милион евра за играчот од средниот ред од Аргентина.
Бенфика ја направи зделката на векот бидејќи пред седум месеци, за трансферот на Фернадез, без бонуси, издвои само 10 милиони евра.
Сепак, трансферот вклучуваше клаузула од 25 проценти од следната продажба на 22. годишниот играч за врска.
Така Ривер без учество во тој трансфер заработи уште 30 милиони евра од преселбата на Фернандез во Лондон, а вкупно на негово име заработи 40 милиони.
Што се однесува до Бенфика, од 121 милион, на португалскиот гигант му останаа уште 91, а сметајќи ги вложените пари за доаѓањето на Фернандез од Буенос Аирес, тие остварија нето добивка од 81 милион евра.
Фернандез постигна четири гола и забележа шест асистенции за Бенфика оваа сезона, но блесна на Светското првенство каде беше прогласен за најдобар млад играч на турнирот.
Спорт
Ѓоковиќ го обвинуваа дека ја лажирал повредата – шефот на Австралија опен ги откри медицинските наоди

Новак Ѓоковиќ по десетти пат во кариерата го освои Австралија опен. Српскиот тенисер го победи Стефанос Циципас со 6:3, 7:6 (4), 7:6 (5) и со тоа го израмни рекордот на Рафаел Надал од 22 победи на Грен слем турнирите. Ѓоковиќ со оваа победа обезбеди враќање на првото место на АТП-листата.
Ѓоковиќ во Мелбурн допатува со сериозна повреда, со која се здоби во полуфиналето против Данил Медведев, на турнирот во Аделаида.
Повредата му правеше проблеми во првите три кола. Повредата како да исчезна кога Ѓоковиќ во лекарскиот тим ја ангажираше докторката Маријана Ковачевиќ.
Поради тоа се ојавија сомнежи дека ја лажирал повредата, па Ѓоковиќ изјавил дека е особено навреден поради тоа и дека ќе ја покаже снимката која ја потврдува неговата приказна.
На страната на Ѓоковиќ застана директорот на Австралија опен, Крег Тајли, кој за медиумите објасни дека Ѓоковиќ има пукнатина од три сантиметри во задната ложа:
„Многу предизвици се околу Новак бидејќи добива лоша репутација. Но, на крајот, мислам дека никој не може да го доведе во прашање неговиот атлетизам“, рече Тајли.
„Имаше пукнатина од три сантиметри. Апсолутно, ја видов снимката, лекарите ќе ја кажат вистината. Имаше многу шпекулации за тоа дали е вистина или не. Тешко е да се поверува дека некој може да го направи ова со таква повреда Тој е неверојатен, се справи со тоа исклучително професионално. Тој е толку фокусиран на она што го прави. Секоја минута од секој ден. Што јаде, пие, што прави и како го прави тоа. Без дефекти, ниту ментално, ниту во било што што прави. Помина низ многу нешта за да ја освои 10. титула на Австралија Опен и мислам дека тоа никогаш нема да се повтори“, заклучи тој.
Спорт
Конте заврши на операција

Тотенхем на неодреден период остана без менаџерот Антонио Конте. Италијанецот претпалднево бил хоспитализиран. Клубот објави дека лекарите препорачале операција на жолчката.
Тотенхем не објави колку време Конте ќе биде на боледување.
Тотенхем моментално е петти на табелата во Премиер лигата, во следното коло за четири дена ќе го пречека Манчестер сити. Се очекува Рајан Мејсон или Кристијан Стелини да го преземат тимот додека Конте биде отсутен.