Дукати и неговиот сателитски тим Прамак Рејсинг Дукати ги објавија имињата на возачите кои ќе возат за овоие тимови наредната сезона во Мото ГП шампионатот. За Дукати ќе возат Џек Милер и Франческо Бањаја , додека Прамак ги потврди Жоан Зарко и Хорхе Мартин.

Ова значи дека Милер и Бањаја од стателитскиот ќе се преселат во фабричкиот тим на Дукати. Од претходно беше познато дека Милер ќе вози во Дукати, а тимот денес потврди дека Бањаја ќе го наследи Андреа Довициозо.

Во исто време Прамак го потврдија трансферот на 30 годишниот Зарко од Авинтија, додека Мартин во „кралската класа“ доаѓа од Мото 2 шампионатот.

Welcome onboard @PeccoBagnaia! | It’s official 🤝 Francesco ‘Pecco’ Bagnaia joins forces with the Ducati Team for the 2021 @motogp season alongside @jackmilleraus.#PeccoOfficial #ForzaDucati pic.twitter.com/MSJyCyZfB6

— Ducati Corse (@ducaticorse) September 30, 2020

Серена Вилијамс, осовојувачка на 23 Гренд слем трофеи, објави дека се повлекува од Ролан Гарос.

Помладата од сестрите Вилијамс во првото коло ја совлада сонародничката Кристи Ан со 7/6, 6/0. Во второто коло таа требаше да игра против Цветана Пиронкова од Бугарија.

По мечот со Ан, Серена рекла дека тешко се движи и дека има проблеми со ахиловата тетива.

Серена Вилијамс во кариерата три пати победила на Ролан Гарос (2002, 2013, 2015).

Сјака Сварт, менаџерот на фудбалерот на Манчестер Јунајтед Дони ван де Бек, рекол дека неговиот клиент не требало да биде резерва на натпреварот против Брајтон, кој „црвените ѓаволи“ го добија од пенал во 100 минута.

„Тој да биде резерва? Тоа не ми се допаѓа. Искрено не би го трпел тоа да сум на неговото место. Да влегувам во игра на четири минути до крајот на мечот? Нема шанси“, рекол Сварт.

Од доаѓањето во Јунајтед Ван де Бек одиграл само 23 минути во Премиер лигата.

„Иако малку беше на теренот успеа да направи три добри работи, што е многу повеќе од повеќето играчи во тимот. Извлече пенал кој ѝ претходеше на победата. Во нормални околности Брајтон требаше да го прегази тој Јунајтед со 7:1. Манчестер Јунајтед имаат добар тим но такви работе не треба да им се случуваат“.

Ван де Бек само во Лига купот беше во стратниот тим, менаџерот Солскјер на средината ги форсира Матиќ, Погба и Бруно Фернандеш.

Според англиските медиуми Холанѓанецот ќе биде резерва и викендов кога Јунајтед ќе го пречекаат Тотенхем.