Македонскиот и европски ракометен шампион, Вардар со вториот тим отиде во Нашице, на гостувањето кај тимот на Нексе во последното годинешно коло во регионалната СЕХА лига, но оттаму се враќа со полна мрежа голови.

Нексе славеше убедлив триумф од 42-26.

„Црвено-црните“ ракометари во првото полувреме даваа пристоен отпор, на паузата се отиде со резултат 18-14 за домашната екипа.

Во вториот дел тотален потоп на Вардар. Во вторите 30 минути Нексе постигна 24 гола, а Вардар само 12.

Најпрецизен во хрватската екипа беше Марио Томиќ со 8 гола, а Томислав Северец прецизно стрелаше шестпати.

Кај Вардар Дејан Кукуловски мечот го заврши со 7 реализации, а Ален Ќосевски и Мартин Карапалевски постигнаа по 4 гола.

Уште не стивнуваат реакциите по контроверзните 10 последни секунди од денешното финале меѓу Шпанија и Холандија на ракометниот Мундијал во Јапонија, а по дуелот дојде време да се изберат и најдобрите на Светското првенсто.

Во најдобрата постава на првенството имаше место и за две екс-ракометарки на скопски Вардар – Црногорката Јованка Радичевиќ која беше „црвено-црна“ од 2013 до 2018 година и Норвежанката Камила Херем, која беше дел од Вардар во сезоната 2016.17.

Освен овие две ракометарки, во идеалната постава имаше место и за голманката Тер Вестер, потоа за пикерот, Лин Блом, за левиот бек, Александрина Кабрал Барбоса, за десниот бек Ана Вјахирева и за плејмејкерот Еставана Полман. Холанѓанката беше прогласена и за МВП на Мундијалот.

Бундеслигата по 15 кола има нов лидер на табелата. Тоа е екипата на Лајпциг која вчера триумфираше против Диселдорф (3-0), откако попладнево Борусија Менхенгладбах доживеа пораз со примен гол во судиското надополнување, на гостувањето кај Волфсбург.

Домаќините го отворија резултатот во 13 минута. Стрелец на погодкот за 1-0 беше Шлагер.

По само две минути игра, Борусија Менхенгладбах израмни на 1-1. Одличен гол со волеј удар за Емболо.

Домашните имаа повеќе од играта во вториот дел, но не успеваа да го најдат патот на топката до противничката мрежа.

Сепак, среќата им се насмевна во 91 минута. Лоша реакција на одбраната на Борусија, топката доаѓа до нозете на Арнолд, а тој со прецизен удар носи големо славје на трибините.

Борусија сега е втора на табелата со 2 бода помалку од Лајпциг и 2 бода повеќе од третопласираната Борусија Дортмунд.