Чудо се случи синоќа на стадионот „Да Луж“ во Лисабон. Бенфика го победи Реал Мадрид, и со неверојатен гол, на голманот Трубин во 98-та минута, стигна до нокаут фазата од Лигата на шампионите на УЕФА.

Жозе Мурињо не можеше да поверува што се случи во последните секунди од натпреварот.

„Постојано велам дека се сум видел, но признавам вакво нешто не сум видел и доживеал никогаш. Знаевме дека може да го направи тоа. Губевме од Порто пред неколку недели и во последната минута беше многу блиску да постигне гол. Исто така, пофалби и за асистентот на голот, брилијантно центрираше. Навистина неверојатен гол“, рече португалскиот стручњак.

Веднаш потоа, тој се осврна на тие последни минути од играта и одлуките што му се вртеа низ глава:

„Кога ги правев последните измени, ми беше кажано дека е доволно е да победиме за да продолжиме понатаму, но веднаш откако направив измени, ситуацијата се промени и ми рекоа дека ни треба уште еден гол за да продолжиме понатаму. Веќе немав право на измени. Имавме среќа што добивме слободен удар што му даде можност на голманот да постигне гол“, подвлече Мурињо во интервју за „ТНТ Спорт“.

Foto/ depositphotos

Двата гола на Килијан Мбапе не беа доволни за Реал Мадрид да извлече позитивен резултат на гостински терен во Лисабон. Во нереална драма, Бенфика победи со 4:2 и стигна до нокаут фазата од натпреварувањето, елиминирајќи го Реал од Топ 8.

„Немам вистинско објаснување. Не бевме исти како во натпреварот со Виљареал и проблемот е што немаме таков континуитет во играта. Мораме да го решиме тој проблем бидејќи не можеме еден ден да бидеме добри, а еден ден лоши. Тоа не е шампионски тим, нели?“, рече Килијан Мбапе.

Најдобриот играч на Реал нема дилема дека неговиот тим заслужил да загуби.

„Поразот на крајот беше заслужен. Не можам да кажам дека не е заслужен, затоа што не игравме добро за да победиме. Тие, од друга страна, играа добро. Бенфика е непријатна дома, го знаевме тоа и тоа е наша вина. Денес не стануваше збор за тактика или квалитет. Противникот сакаше да се бори, ги гледав како се борат за своите животи. Не го видов тоа од нас. Последниот гол што го примивме е срамен“, рече Мбапе.

Foto/ depositphotos

Кошаркарите на Кливленд ги победија Лејкерси со 129:99 во можеби последниот натпревар на Леброн Џејмс во неговиот Охајо.

Кливленд го омекна срцето на својот најдобар играч на сите времиња на средина од првата четвртина со прикажување снимки од неговите подвизи во дресот на Кавс. Џејмс во тие моменти не можеше да ги задржи солзите. .

По натпреварот, тој речиси потврди дека ова е веројатно неговиот последен натпревар во неговата сала.

„Само се обидувам да протолкувам сè, не земам ништо здраво за готово. Бидејќи ова може да биде мојата последна сезона. Очигледно сè уште не сум донел одлука, но лесно може да биде (последната сезона)“, рече Џејмс по натпреварот во кој неговиот сегашен тим беше разбиен од неговиот поранешен тим.

Патем, Кавс му ги пуштија „најважните моменти“ од натпреварот од финалето на Истокот во 2008 година против Детроит Пистонс, кога тогаш младиот Леброн постигна 48 поени, вклучувајќи 25 по ред на крајот од натпреварот.

LeBron tak się wzruszył na prezentacji w Cleveland, jakby to miał być jego ostatni mecz w tej hali 🥲 pic.twitter.com/TlIIsf7vv2

— Maciek Wooden (@wooden13) January 29, 2026

Годините си го земаат данокот, па на неговото ново гостување во Охајо, ветеранот Леброн го претрпе најтешкиот пораз, а воедно го одигра и најслабиот натпревар како ривал во Кливленд, постигна само 11 поени (3/13 од поле, 0/3 за три).

Кавс ја направија клучната разлика во третиот период, кој заврши со резултат 42:22.

Донован Мичел го заврши натпреварот со 25 поени, Џејлон Тајсон даде 20, Деандре Хантер 19, додека Џарет Ален придонесе за петтата последователна победа на Кливленд со 17 поени.

Во поразениот тим, Лука Дончиќ беше најефикасен со 29 поени.

НБА, резултати:

Индијана – Чикаго 113:110
Бостон – Атланта 106:117
Мајами – Орландо 124:133
Торонто – Њујорк 92:119
Мемфис – Шарлот 97:112
Далас – Минесота 105:118
Јута – Голден Стејт 124:140
Хјустон – Сан Антонио 99:111