Спорт
Интернационалниот ден на фудбалот и пријателството одбележан во повеќе од 50 земји ширум светот, меѓу кои и Македонија
Денес ширум светот се одбележува Интернационалниот ден на Фудбалот и Пријателството. Оваа година, овој ден се одбележа во училишта и спортски академии во повеќе од 50 земји во Европа, Азија, Африка и Јужна Америка. Во одбележувањето на Интернационалниот ден на Фудбал и Пријателство се приклучија повеќе од 40.000 учесници во рамки на над 200 настани. Во дел од земјите учеснички во проектот се одржаа едукативни сесии и отворени предавања со цел поттикнување на позитивни човекови вредности кај младата популација преку фудбалот и спортските активности. Во Русија, овој интернационален ден беше одбележан во училиштата, фудбалските академии и клубови во единаесетте градови – домаќини на ФИФА Светското Првенство кое се одржа во Русија лани. Активностите кои се реализираат по повод овој ден вклучуваат средби, тренинзи и пријателски фудбалски натпревари во кои учество заземаат Младите Амбасадори – учесници во интернационалната општествено-одговорна програма на компанијата “Газпром“ наменета за деца – „Фудбал за Пријателство“.
Во Македонија, Младите Амбасадори Милош Спасовски, Борјан Томовски, Лука Јаневски и Калина Василевска разговараа со децата од Младинската Фудбалска Школа на ФК “Вардар“ за мисијата и деветте вредности кои ги промовира проектот – пријателство, еднаквост, фер-плеј, здравје, мир, посветеност, победа, традиција и чест. Воедно, на средбата присуствуваше и легендата на фудбалскиот клуб “Вардар“ и сегашен тренер на голманите во младинските категории на овој клуб, Слободан Мутибариќ. Тренерот со
Младите Амбасадори и присутните деца го споделија своето лично искуство од теренот напоменувајќи дека спортувањето од рана возраст е важно, но покрај негувањето на талентот и физичката подготовка за професионално развивање како фудбалер, подеднакво важни се и суштинските вредности кои се пренесуваат преку фудбалот. Дополнително, Мутибариќ разговараше со децата за улогата на тренерите преку пренесувањето на вештини за развој на добри спортисти и квалитетни фудбалери, истовремено поттикнувајќи ги да бидат подобри луѓе, тимски играчи, да ги почитуваат останатите без разлика на различностите и да бидат пример за останатите. Како потсетник за секојдневна примена на клучните вредности на овој проект, Младите Амбасадори им подарија на присутните деца Алки на Фудбалот и Пријателството – симбол на проектот и вредностите кои ги поттикнува. Покрај нив, на фудбалскиот терен, во знак на поддршка на проектот, присуствуваа и минатогодишните учесници – Ева Јакимовска и Максим Цониќ.
„Одбележувањето на овој Интернационален ден на Фудбалот и Пријателството е потврда за континуираната потреба на развивање и надоградување на младинскиот спорт, а воедно и можност за потсетување на најважните вредности кои сите ние треба да ги применуваме – на теренот и пошироко. Зачувувањето на традициите, создавањето нови, пренесувањето на искуството и знаењето на новите генерации се само дел од суштинските елементи за професионален развој и успех во секое животно поле.“ – изјави Слободан Мутибариќ.
„За нас, како Млади Амбасадори – учесници во овогодинешната сезона на проектот ‘Фудбал за Пријателство’ е навистина важно да ја пренесеме клучната порака на проектот помеѓу нашите другари, пријатели и познаници. Ни претставува вистинско задоволство да сме вклучени во ваква меѓународна програма, во чии рамки, се надеваме дека ќе допринесеме за поттикнувањето и негувањето на позитивни вредности кај новите генерации во нашата земја.“, изјави Калина Василевска, млад новинар, во име на младите амбасадори.
Интернационалниот Ден на Фудбал и Пријателство (25. Април) за прв пат бил одбележан во 2014 година од страна на младите амбасадори на Интернационалната Детска Општествено-одговорна програма на компанијата Газпром – „ФУДБАЛ ЗА ПРИЈАТЕЛСТВО“. Во текот на овој ден сите кои ги поддржуваат клучните вредности презентирани и поддржани од оваа програма, како: еднаквост, почит за другите култури и мир, одржуваат пријателски натпревари, работилници, средби со познати фудбалери и најразлични активности. Дополнително, учесниците во активностите разменуваат сино-зелена Алка на Пријателството, чија сина нишка го симболизира мирното небо, а зелената – фудбалскиот терен, пристапен за секого.
Првиот Интернационален Ден на Фудбалот и Пријателството беше нпретставен од страна на Младите Амбасадори на проектот “Фудбал за Пријателство“, покренат од компанијата Газпром во 2014 година. Од самиот почеток, оваа светска манифестација е поддржана и посетена од голем број познати светски фудбалски ѕвезди како Бранислав Ивановиќ (Branislav Ivanovic), член на репрезентацијата на Србија и одбранбен играч во ФК “Зенит“ од Санкт Петерсбург, неговиот тимски колега – рускиот голман Јури Лодугин (Yuri Lodygin) како и од холандскиот напаѓач Дирк Кујт (Dirk Kuyt) од ФК “Фејенорд“ (Ротердам) и прославениот фудбалски ас од Брегот на Слоновата Коска – Дидиер Дрогба (Didier Drogba), познатиот португалски голман Витор Баја (Vitor Baia) и други ѕвезди.
Започнувајќи од 2013 година, Акционерското Друштво „Газпром“ ја организира Интернационалната Општествено-Одговорна програма за деца „Фудбал за Пријателство“. Клучните вредности промовирани од учесниците во програмата вклучуваат пријателство, еднаквост, праведност, здравје, мир, посветеност, победа, традиција и чест. “Фудбал за Пријателство“ е подржан од ФИФА, УЕФА, Интернационалниот Олимписки Комитет, Фудбалските Федерации од различни држави, Интернационални Детски Добротворни Фондации, како и од светските водечки фудбалски клубови. Во текот на изминатите шест сезони проектот обедини над 5.5 илјади учесници, а истиот е следен од повеќе од 4.5 милиони луѓе, меѓу кои и познати спортисти, уметници и авторитети.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Тренерот на Милан се соочува со жестока казна
Тренерот на Милан, Масимилијано Алегри, е соочен со долга суспензија поради навреда на спортскиот координатор на Наполи, Габриел Оријали, за време на полуфиналето на италијанскиот Суперкуп помеѓу двата клуба во четврток вечерта.
Како што објавува „Газета Спорт“, тренерот на второпласираниот тим од Серија А би можел да добие казна од неколку натпревари во домашното првенство поради несоодветните зборови што му ги упатил на поранешниот италијански фудбалер.
Во случај да не добие суспензија, трофејниот италијански стручњак веројатно ќе биде „удрен во џебот“, а Дисциплинската комисија е таа што треба да одлучи каква казна ќе му одреди на Алегри.
Од Наполи веќе изјавија дека се надеваат, дека Алегри ќе добие соодветна казна за своето простачко однесување.
„Се надеваме дека овој целосно неконтролиран напад нема да помине незабележано, особено затоа што, со 33 камери вклучени во продукцијата на настанот, беше невозможно да не се види што се случи“, се вели во соопштението на клубот кој ќе се бори против Болоња за титулата победник на италијанскиот Суперкуп.
За потсетување, Милан ќе го игра својот следен натпревар во Серија А само во недела, 28 декември во Верона.
Foto/ freerangestock
Спорт
„Марка“: Винисиус се скара со следбениците на Инстаграм
Винисиус Жуниор повторно предизвика контроверзии, откако беше заменет против Севилја (2:0).
Овој пат, тоа не го направи на теренот на „Бернабеу“, како за време на Ел Класико, туку пред очите на своите 57 милиони следбеници на Инстаграм.
Лут поради свирежите што ги слушна при напуштањето на играта, Бразилецот ја смени својата профилна слика на Инстаграм кратко по завршувањето на натпреварот Реал Мадрид – Севиља (2:0), пишува „Марка“, во текстот со насловот „Кавгата на Винисиус пред очите на 75 милиони следбеници“.
Само десет минути по последниот свиреж на судијата, сè уште во соблекувалната, ја отстрани фотографијата на која го држи дресот на Реал Мадрид и ја замени со слика од натпреварот во дресот на бразилската репрезентација.
„Седумката“ на Реал Мадрид го напушти теренот во 83-та минута со свирежи, но и аплауз од некои навивачи, што јасно ја покажа поделбата меѓу публиката.
Неговиот потег на социјалните мрежи дополнително ги разгоре тензиите за неговиот однос со навивачите на „Бернабеу“. Покрај тоа, тој објави две фотографии од натпреварот против Севилја придружени со три точки.
Интересно е што толку брзо ја смени сликата на профилот што во своите Инстаграм приказни, додека ги споделуваше тие фотографии, старата слика со дресот на Реал сè уште беше видлива.
Винисиус не го дочекува крајот на 2025 година во најдобра атмосфера. Односот со навивачите на Реал и тренерот Чаби Алонсо е далеку од идиличен. Свирежите што ги слушна против Севилја се одраз на незадоволството од неговото однесување во текот на сезоната. Неговите гестови кон Чаби за време на Ел Класико означија пресвртница во тој однос со публиката, а последователните инциденти исто така не му помогнаа.
Неговото смеење на клупата откако Талавера постигна гол од 2:3 во Купот на Кралот особено негативно влијаеше врз навивачите на Реал.
Публиката повеќе не му простува, а во корист не му оди ниту формата во која се наоѓа. Најновиот потег, отстранувањето на фотографијата во дресот на Реал Мадрид од профилот на Инстаграм е уште едно поглавје во оваа „студена војна“ помеѓу Бразилецот и навивачите.
Foto/ depositphotos
Спорт
(Видео) Јокиќ лош, Дончиќ се повреди, Денвер и ЛА Лејкерс поразени
Кошаркарите на Денвер Нагетс доживеаа уште еден пораз на домашен терен во НБА лигата, петти од вкупно седум колку што имаат во сезоната. Хјустон славеа во „Бол Арена“ со 115:101.
Српскиот кошаркар Никола Јокиќ одигра лоша нтпревар, беше непрепознатлив и особено во првото полувреме (додека резултатот беше изедначен) одеше од грешка во грешка.
Брзо се заглави во проблеми со лични грешки, првите три г направи во фаза на нападот 6 фаули… Неговиот тренер Дејвид Аделман беше исклучен поради две технички фаули и протест кон судиите…
David Adelman shouts in the referee's face "WHAT THE F*CK IS WRONG WITH YOU?!" and gets ejected from the game (2nd technical), after Jokic didn't get a foul (with replays) pic.twitter.com/HDb1TOTcue
— MrBuckBuck (@MrBuckBuckNBA) December 21, 2025
Факт е дека Хјустон шутираа неверојатно, но и дека судиите дозволија игра со многу контакти. Како да паднаа на неодамнешните критики на тренерот Име Удока, кој пред 10 дена кога Денвер победија во Хјустон, „удри“ по судиите, а лигата го казни со 25.000 долари.
Јокиќ го заврши натпреварот со 25 поени, но само 9/20 од поле… Исто така, имаше 7 скока, 5 асистенции и 5 изгубени топки, како и 5 лични грешки, а неговиот +/- беше -20.
Хјустон, практично мечот го реши во последните 70 секунди од третата четвртина, со рафалот на Род Шепард. Плејмејкерот постигна 11 поени во низа и плусот од пет го претвори во плус од 16 поени.
Кевин Дурант, кој имаше 31 поен (пет тројки), 6 скока и 5 асистенции, додека феноменалниот Рид Шепард постигна 28 (шест тројки), со 5 асистенции, а Џабари Смит имаше дабл-дабл учинок од 20 поени и 10 скока.
ЛА Клиперс конечно ја прекинаа својата серија од пет порази. Во градското дерби одиграно во саботата навечер, тие ги победија ослабените Лос Анџелес Лејкерс со 103:88, и ја обезбедија победата со одличен шут за три поени. Херој на вечерта беше Кавај Ленард, кој постигна 32 поени, неговиот најдобар учинок во сезоната.
Клиперс ја контролираа играта од самиот почеток и не го испуштија водството. Заедно со Ленард, Џејмс Харден играше одлично со 21 поен и 10 асистенции, додека Џон Колинс додаде 17 поени и 12 скока. Од друга страна, одличната вечер на Леброн Џејмс, кој полни 41 година на 30 декември, и кој постигна дури 36 поени.
Големиот удар за Лејкерс дојде на полувремето, кога Лука Дончиќ, водечкиот стрелец во лигата, остана во соблекувалната поради повреда на долниот дел од ногата. Дончиќ, кој во последниот натпревар забележа трипл-дабл со 45 поени, постигна 12 поени и пет скока со лош шут пред повредата.
Клучот за победата на Клиперсите лежеше во шутевите од далечина. Тие погодија 16 од 43 тројки, Леонард и Харден погодија по четири, а Брук Лопез додаде три од клупата. Лејкерси, за разлика од нив, имаа катастрофална шутерска вечер, промашувајќи дури 32 обиди за три поени. Џејмс погоди 3 од 7, Дончиќ 1 од 6, а Маркус Смарт ги промаши сите девет свои шутеви.
Победата на Клиперс беше засенета од повредата на хрватскиот центар Ивица Зупац, кој мораше да го напушти натпреварот во првата четвртина откако постигна пет поени поради проблем со левиот глужд.
Резултати:
Њу Орлеанс – Индијана 128:109
/Вилијамсон 29 – Сиакам 22/
Филаделфија – Далас 121:114
/Мекси 38 – Дејвис, Флаг 24/
Торонто – Бостон 96:112
/Инграм, Мамукелашвили 24 – Причард 33/
Детроит – Шарлот 112:86
/Канингем 22 – Бриџис 19/
Мемфис – Вашингтон 122:130
/Алдама 37 – Џорџ 28/
Голден Стејт – Феникс 119:116
/Кари 28 – Букер 38/
Јута – Орландо 127:128 пп
/Џорџ 27 – Бејн 32/
Сакраменто – Портланд 93:98
/Шредер 21 – Авдија 24/
Маж и жена, државјани на Македонија загинаа на автопатот Белград – Ниш
Двајца државјани на Македонија, маж и жена од албанско потекло, загинаа рано утринава во тешка сообраќајна несреќа што се случи...
Скопје утрово го сруши рекордот, најзагаден град е во Европа
Скопје утрово се најде на 21. место на најзагадени градови светот и прв во Европа, покажуваат податоците на светскиот сервис на мерење...
АХВ откри над 2 тони киви со ларви и инсекти кои требало да се продаваат во државава
Поради променети органолептички својства и утврдено присуство на ларви и инсекти, инспектор за храна на Агенцијата за храна и ветеринарство,...
Поради зимата во Газа умираат бебиња и деца, повик до Израел да дозволи помош
Организацијата „Лекари без граници“ (Médecins Sans Frontières – MSF) вчера предупреди дека бебиња и деца во Појасот Газа умираат од...
Родителите на починатите деца од „Пулс“ бараат новиот јавен обвинител да го преиспита случајот
Родителите на починатите во пожарот во „Пулс“ денеска на 34. Марш за ангелите во Кочани побараа проширување на истрагата, утврдување...
Откажани летови и отежнат авиосообраќајот на скопскиот аеродром поради маглата
Како резултат на ниската видливост предизвикана од густата магла што ја зафати скопската котлина денеска до 14 часот на Меѓународниот...
Почина Драган Б. Костиќ, човекот кој важеше за најпрепознатливиот радио глас
Денес на 75 години, почина Драган Б. Костиќ, човекот кој важеше за најпрепознатливиот радио глас кај нас. Откако неодамна Перо...
На едно семејство со четири члена му биле потребни близу 1.100 евра за да го помине декември
Вредноста на синдикалната минимална кошница што ја пресметува Сојузот на синдикати на Македонија (ССМ) за декември годинава изнесува 65.492 денари...
Пратеникот Јанчев кој имаше сообраќајка во која загина тинејџер доби обвинение, свртел на место каде не смеел
Основното јавно обвинителство Скопје поднесе обвинение против Сашко Јанчев, пратеник од партијата Левица, за кривично дело „Тешки дела против безбедноста...
Скопје руши рекорди по загаденост, утрово е втор град во Европа
Според светскиот сервис IqAir Скопје утрово е на 20 место во светот, а второ во Европа по загаден воздух. Доколку...
Дедо Мраз од Лапонија ќе дојде со волшебен воз на Железничка во Скопје
Специјална новогодишна театарска претстава за деца „Дедо Мраз дојде со воз“ ќе се одржува од денеска 30 декември на Железничката...
Затаен данок од над еден милион евра од трговија со злато и накит, истрага против две лица
Основното јавно обвинителство Скопје отвори истрага против две лица за кои постои основано сомнение дека подолг временски период вршеле кривично...
Алиу: Дефиниравме нови програми за специјализации – темелно го менуваме пристапот за креирање медицински кадар
На денешната прес-конференција на министерот за здравство Азир Алиу, заедно со претседателката на Лекарската комора, Калина Гривчева-Старделова, деканот на Медицинскиот...
Уапсени 11 лица за местење тендер вреден над 7,6 милиони евра во „ЕСМ дистрибуција на топлина“
Завчера во текот на ноќта помеѓу 17 и 18 декември и вчера, под раководство на јавен обвинител, полициски службеници спроведоа...
Левицата бара независна истрага за смртта на новороденчето и одговорност од директорката и од педијатарката во ГАК
Левица бара Обвинителството да отвори истрага за смртта на новороденчето на Клиниката за гинекологија и акушерство и одговорност од директорката...
(Видео) Тошковски: Интервентната полиција – шест години посветена служба во заштита на граѓаните
По повод шест години од формирањето на Единицата за интервентна полиција при СВР Скопје, денеска беше одбележан Денот на единицата,...
Андоновски: Македонија рангирана во А-групата за дигитален напредок според Светската банка
На конференцијата „Трансформирање на иднината: дигитална стратегија за современо општество“, посветена на промоцијата на Националната стратегија за развој на ИКТ...
Измените на Кривичниот законик се само уште едно крпење на правниот систем, велат од ЛДП
Либерално-демократската партија (ЛДП) изразува сериозна загриженост и негодување во однос на најновите предлог-измени на Кривичниот законик кои се најдоа пред...
Надминат прагот на штетни честички во воздухот во Скопје, надлежните активираа мерки
Министерството за животна средина и просторно планирање информира дека според податоците од Државниот автоматски мониторинг-систем за квалитет на амбиенталниот воздух...
„’Лотаријата’ функционирала како приватна фирма на Груби, СДС молчел за криминалот од 1 милион евра поради опстанок на власт“, вели ВМРО-ДПМНЕ
„СДС за да опстане ден повеќе на власт ги толерирале злоупотребите кои се случувале во Лотарија под раководство на Бајрами,...
