Контакт

Спорт

Интернационалниот ден на фудбалот и пријателството одбележан во повеќе од 50 земји ширум светот, меѓу кои и Македонија

Објавено пред

Денес ширум светот се одбележува Интернационалниот ден на Фудбалот и Пријателството. Оваа година, овој ден се одбележа во училишта и спортски академии во повеќе од 50 земји во Европа, Азија, Африка и Јужна Америка. Во одбележувањето на Интернационалниот ден на Фудбал и Пријателство се приклучија повеќе од 40.000 учесници во рамки на над 200 настани. Во дел од земјите учеснички во проектот се одржаа едукативни сесии и отворени предавања со цел поттикнување на позитивни човекови вредности кај младата популација преку фудбалот и спортските активности. Во Русија, овој интернационален ден беше одбележан во училиштата, фудбалските академии и клубови во единаесетте градови – домаќини на ФИФА Светското Првенство кое се одржа во Русија лани. Активностите кои се реализираат по повод овој ден вклучуваат средби, тренинзи и пријателски фудбалски натпревари во кои учество заземаат Младите Амбасадори – учесници во интернационалната општествено-одговорна програма на компанијата “Газпром“ наменета за деца – „Фудбал за Пријателство“.

Во Македонија, Младите Амбасадори Милош Спасовски, Борјан Томовски, Лука Јаневски и Калина Василевска разговараа со децата од Младинската Фудбалска Школа на ФК “Вардар“ за мисијата и деветте вредности кои ги промовира проектот – пријателство, еднаквост, фер-плеј, здравје, мир, посветеност, победа, традиција и чест. Воедно, на средбата присуствуваше и легендата на фудбалскиот клуб “Вардар“ и сегашен тренер на голманите во младинските категории на овој клуб, Слободан Мутибариќ. Тренерот со

Младите Амбасадори и присутните деца го споделија своето лично искуство од теренот напоменувајќи дека спортувањето од рана возраст е важно, но покрај негувањето на талентот и физичката подготовка за професионално развивање како фудбалер, подеднакво важни се и суштинските вредности кои се пренесуваат преку фудбалот. Дополнително, Мутибариќ разговараше со децата за улогата на тренерите преку пренесувањето на вештини за развој на добри спортисти и квалитетни фудбалери, истовремено поттикнувајќи ги да бидат подобри луѓе, тимски играчи, да ги почитуваат останатите без разлика на различностите и да бидат пример за останатите. Како потсетник за секојдневна примена на клучните вредности на овој проект, Младите Амбасадори им подарија на присутните деца Алки на Фудбалот и Пријателството – симбол на проектот и вредностите кои ги поттикнува. Покрај нив, на фудбалскиот терен, во знак на поддршка на проектот, присуствуваа и минатогодишните учесници – Ева Јакимовска и Максим Цониќ.

„Одбележувањето на овој Интернационален ден на Фудбалот и Пријателството е потврда за континуираната потреба на развивање и надоградување на младинскиот спорт, а воедно и можност за потсетување на најважните вредности кои сите ние треба да ги применуваме – на теренот и пошироко. Зачувувањето на традициите, создавањето нови, пренесувањето на искуството и знаењето на новите генерации се само дел од суштинските елементи за професионален развој и успех во секое животно поле.“ – изјави Слободан Мутибариќ.

„За нас, како Млади Амбасадори – учесници во овогодинешната сезона на проектот ‘Фудбал за Пријателство’ е навистина важно да ја пренесеме клучната порака на проектот помеѓу нашите другари, пријатели и познаници. Ни претставува вистинско задоволство да сме вклучени во ваква меѓународна програма, во чии рамки, се надеваме дека ќе допринесеме за поттикнувањето и негувањето на позитивни вредности кај новите генерации во нашата земја.“, изјави Калина Василевска, млад новинар, во име на младите амбасадори.

Интернационалниот Ден на Фудбал и Пријателство (25. Април) за прв пат бил одбележан во 2014 година од страна на младите амбасадори на Интернационалната Детска Општествено-одговорна програма на компанијата Газпром – „ФУДБАЛ ЗА ПРИЈАТЕЛСТВО“. Во текот на овој ден сите кои ги поддржуваат клучните вредности презентирани и поддржани од оваа програма, како: еднаквост, почит за другите култури и мир, одржуваат пријателски натпревари, работилници, средби со познати фудбалери и најразлични активности. Дополнително, учесниците во активностите разменуваат сино-зелена Алка на Пријателството, чија сина нишка го симболизира мирното небо, а зелената – фудбалскиот терен, пристапен за секого.

Првиот Интернационален Ден на Фудбалот и Пријателството беше нпретставен од страна на Младите Амбасадори на проектот “Фудбал за Пријателство“, покренат од компанијата Газпром во 2014 година. Од самиот почеток, оваа светска манифестација е поддржана и посетена од голем број познати светски фудбалски ѕвезди како Бранислав Ивановиќ (Branislav Ivanovic), член на репрезентацијата на Србија и одбранбен играч во ФК “Зенит“ од Санкт Петерсбург, неговиот тимски колега – рускиот голман Јури Лодугин (Yuri Lodygin) како и од холандскиот напаѓач Дирк Кујт (Dirk Kuyt) од ФК “Фејенорд“ (Ротердам) и прославениот фудбалски ас од Брегот на Слоновата Коска – Дидиер Дрогба (Didier Drogba), познатиот португалски голман Витор Баја (Vitor Baia) и други ѕвезди.

Започнувајќи од 2013 година, Акционерското Друштво „Газпром“ ја организира Интернационалната Општествено-Одговорна програма за деца „Фудбал за Пријателство“. Клучните вредности промовирани од учесниците во програмата вклучуваат пријателство, еднаквост, праведност, здравје, мир, посветеност, победа, традиција и чест. “Фудбал за Пријателство“ е подржан од ФИФА, УЕФА, Интернационалниот Олимписки Комитет, Фудбалските Федерации од различни држави, Интернационални Детски Добротворни Фондации, како и од светските водечки фудбалски клубови. Во текот на изминатите шест сезони проектот обедини над 5.5 илјади учесници, а истиот е следен од повеќе од 4.5 милиони луѓе, меѓу кои и познати спортисти, уметници и авторитети.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт

Голеада на „Олимпико“ во Рим, СМС спаси бод за Лацио (видео)

Објавено пред

Во последниот натпревар од 37 коло во Серија А на „Олимпико“ во Рим фудбалските вљубеници уживаа во 6 погодоци. Лацио ремизираше против Болоња 3-3.

Домашните поведоа со голот на Кореа во 14. минута. Но во вториот дел фудбалерите на Србинот Синиша Михајловиќ со двата гола во режија на Поли и Дестро донесоа резултатски пресврт.

Бастос им носи израмнување на домашните 2-2.

Болоња повторно поведе преку Орсолини. Но тоа не беше се.

Српскиот интернационалец Сергеј Милинковиќ-Савиќ со гол од слободен удар ги постави конечните 3-3.

Прикажи повеќе...

Спорт

Батистута станува менаџер на Мидлзборо во Чемпионшип!?

Објавено пред

Прославениот аргентински фудбалер Габриел Омар Батистута е многу блиску до позиција менаџер на англискиот тим Мидлзборо кој се натпреварува во Чемпионшип во Англија, пренесуваат неколку медиуми на Островот.

Аргентинецот кој со светска слава се стекна во Фиорентина, во Серија А положи за тренерска „А“ лиценца и сега без проблем може да започне со тренерската работа.

Популарниот „Батигол“ дел од времето по завршувањето на професионалната кариера работеше како советник во Аргентина, а се занимаваше и со коментирање.

Мидлзборо моментно е без менаџер откако Тони Пулиш беше отпуштен затоа што со својот тим не успеа да обезбеди место во плеј офот. Тимот заврши на седмото место на табелата, со бод заостаток од можност за борба за Премиерлигата.

Конкуренција на Батистута му е Крис Хјутон кој и покрај тоа што обезбеди премиерлигашки опстанок за Брајтон, заработи отказ. Како опции за испразнетото менаџерско место се и Холанѓанецот Михаел Рајзигер, Фил Невил и Артета.

Прикажи повеќе...

Спорт

Скубе: Барса е еден од најдобрите тимови во ЛШ, но во Келн се е можно

Објавено пред

На 1 јуни во „Ланксес Арена“ во Келн, македонскиот шампион Вардар, шпанска Барселона, унгарски Веспрем и полски Киелце ќе се борат на Ф4 турнирот за насловот шампион на Европа во ракомет за сезоната 2018/2019.

Скопски Вардар за противник во полуфиналето на жрепка ја доби супер-силната Барселона, тимот против кој играше и пред две години, кога со голот на Лука Циндриќ во последните секунди обезбеди влез во големото финале. Потоа Вардар го среди и ПСЖ и стана европски шампион.

Во пресрет на новата полуфинална пресметка меѓу ракометните познаници, еден од најдобрите средни бекови сезонава во ЛШ, Словенецот во „црвено-црн“ дрес, Стаж Скубе (29) во интервју за официјалната страница на ЕХФ порачува:

„Имам важна улога во тимот и доста време поминувам на теренот, што ме прави да се чувствувам одлично во Вардар. Тимот ме прифати брзо и без никаков проблем. Тоа беше важно за мене и за мојата игра во Лигата на шампионите“. По заминувањето на сите играчи, сите очекуваа пад на формата на Вардар. Но, мило ми е што одигравме добро во последните месеци од сезоната, особено во четвртфиналето против ПИК Сегед. Не само јас, туку сите играчи, и поради тоа се изборивме за завршен турнир. Секој играч сонува да игра во Келн, а јас сум пресреќен што ќе бидам дел од „фајнал-форот“ на најдоброто клупско натпреварување во Европа. Се надевам дека тоа ќе биде незаборавно искуство за мене“ – смета Скубе.

Словенецот роден во Ново Место за кого ова ќе биде прв Ф4 турнир во кариерата има само пофални зборови за полуфиналниот противник.

„Противникот во полуфиналето е еден од најдобрите тимови во Лигата на шампионите. Знам дека ќе имаме тешка задача, но земајќи ја предвид мотивацијата и целото шоу во Келн, мислам дека се е возможно. Нашата цел оваа сезона беше титула во СЕХА лигата и пласман на Ф4 во Келн. Сега кога сме таму, ќе се обидеме да ја изненадиме конкуренцијата и да се искачиме на врвот“ – вели брзоногиот бек.

Прикажи повеќе...

Најново

Спорт7 часа

Ѓоковиќ за 6 месеци заработи 5,2 милиони долари!

Српскиот тенисер Новак Ѓоковиќ со пласманот во финалето на Мастерсот во Рим дополнително ја зголеми заработката за изминатите 6 месеци....

Македонија8 часа

Протест против изградбата на Али-пашината џамија: Во Охрид се случува атак врз достоинството и чувствата на охриѓани

Жителите на Охрид предводени од граѓанското здружение „Совест“ излегоа на мирен протест пред општината каде го изразија својот револт од,...

Македонија8 часа

„Анима мунди“: Здружение формирано пред 2 месеца ќе биде во раководните структури во ЈП „Лајка“

Иако градоначалниокот на Скопје, Петре Шилегов, ветуваше дека во новото јавно претпријатие „Лајка“ за третман на бездомните животни ќе бидат...

Македонија9 часа

ВМРО-ДПМНЕ бара расправа за адвокатските услуги на власта

ВМРО-ДПМНЕ  поднело иницијатива до собраниската комисија за финансирање и буџет за надзорна расправа за склучените договори за консултантски, адвокатски и...

Македонија9 часа

Отворена постапка за неовластено снимање на разговорот на Павле Богоевски

Скопската полиција  достави известување до Oсновното јавно обвинителство Скопје кон кое е приложен записник за примена кривична пријава со кој...

Македонија10 часа

Директорката на Детската клиника поднесе оставка

Директорката на ЈЗУ „Универзитетска клиника за детски болести“, Катарина Ставриќ, од лични причини поднела оставка од функцијата за време на...

Топ10 часа

Едно лице загина во сообраќајната несреќа на патот Кичево – Охрид

Едно лице го загуби животот во тешката сообраќајна несреќа што се случи попладнево на магистралниот пат Кичево – Охрид. Како...

Македонија13 часа

(Видео) Заев и Хан на Виенскиот економски форум: Политичката стабилност отвора можности за нови инвестиции во земјата

Премиерот Зоран Заев, денеска, во Виена имаше свое воведно обраќање на отворањето на Виенскиот економски форум, Виенски економски разговори –...

Македонија14 часа

(Видео) Во јуни ќе се одржи првата Парада на гордоста во Скопје

Првата Парада на гордоста за правата на ЛГБТ-заедницата во земјата ќе се одржи на 29 јуни, информираа од организационот одбор...

Македонија15 часа

Горан Трајковски даде оставка од директорската функција

Директорот на Дирекцијата за заштита на личните податоци, Горан Трајковски, во петокот доставил барање до Собранието за престанок на функцијата...

Европа16 часа

Шведски обвинител бара апсење на Асанж

Шведски обвинител, кој води истрага во врска со обвинението за наводно силување против основачот на „Викиликс“, Џулијан Асанж, денеска поднесе...

Регион16 часа

(Видео) Силно невреме ја погоди Србија, паѓаше град со големина на лешник

Во многу градови во Србија, вчера, во попладневните часови, почна да паѓа силен дожд, а потоа и град со големина...

Hitech16 часа

Гугл и ја укина лиценцата на компанијата Хјуавеи

Американскиот Гугл и ја суспендираше лиценцата на компанијата Хјуавеи (Huawei), што значи дека кинескиот производител на мобилни телефони ќе остане...

Свет17 часа

Трамп се закани дека ќе го уништи Иран

Претседателот на САД, Доналд Трамп, издаде остро предупредување до Иран со закана дека ќе биде уништен доколку бидат нападнати американските...

Европа1 ден

Предвремени избори во Австрија на почетокот од септември

Австрискиот претседател, Александар ван дер Белен, денеска, по разговорите со австрискиот канцелар Себастијан Курц, се заложи за одржување на предвремени...

Македонија1 ден

Пендаровски до Тамара: Оставивте трајна вредност, песна посветена на секоја жена

Тамара Тодевска со својот настап на Евровизија и песната „Proud“ („Горда“) го освои осмото место, што е највисокиот пласман за...

Економија1 ден

За вградување на сончеви колектори и нови ПВЦ прозорци обезбеден буџет од 30 милиони денари

Деновиве беа објавени јавните огласи за надоместување на дел од трошоците за купени и вградени сончеви термални колекторски системи во...

Топ2 дена

Загина 61-годишник од Босилово кој со автомобил се забил во дрво

На магистралниот пат Струмица – Граничен премин „Ново Село“, помеѓу селата Дабиле и Босилово во утринските часови на 18 мај...

Македонија2 дена

(Видео) Заев во Србија на отворањето на Коридор 10: Се радуваме на успешните потфати на сите наши соседи

Премиерот, Зоран Заев, на покана на српскиот претседател, Александар Вучиќ присуствуваше на свеченото отворање на новото автопатско решение од 26...

Естрада2 дена

Тамара го освои осмото место на „Евровизја“, нејзината изведба ни го носи највисокиот пласман досега

Македонија и нашата претставничка Тамара Тодевска за првпат годинава од речиси сите земји добија поени на изборот за песна на...

Досие